¹ Checho chalo cha kuli kumatalikilo - checho nchitwaka telelela, checho nchitwakabona umenso esu, checho nchitwakalanga, ukukwata u matashi esu.- chikwatilizha izwi lya bumi. ² Alimwi bumi bwakazhibwa. Pele twakachibona alimwi tulapa bumboni kuli nchicho. Tulakambauka kwenu makani a bumi butamana, bwalo bwakuli u Taata, alimwi bwakezhibwa ukwesu. ³ Checho nchitwabona alimwi ukutelela tulachaamba ukwenu , kwamba amwe mukwate lukamantano aswe. Lukamantano lwesu luli u Taata alimwi u Mwanakwe, Jeso Kilisito. ⁴ Alimwi, tulakulemba shintu sheshi kwenu kwaamba kubotelwa kwesu kuzulile. ⁵ Wezu ngu mulumbe ngutwakatelela kuvwa kwakwe alimwi alimwi tulakukambauka kwenu: Leza mumuni, alimwi mwakwe mwiina musinze nashoonto. ⁶ Kuti tulaamba ati tuli kamantene aze amana tuleenda mu musinze, tulachenga alimwi tatuchiti bwini. ⁷ Pele kuti na tuleenda mu mumuni ukoya walo mbwali mu mumuni, tulikamantene umwi uumwi, ubulowa bwa Jeso mwanakwe bulatusanzha kuvwa ku shibi shoonse. ⁸ Na twaamba twiina shibi, tulali chenga tubeni, alimwi meni meni tali mwesu. ⁹ Pele nakuti twalyambilila shibi shesu, ulashomeka alimwi ulatulekelela shibi ukutusalazha kuvwa kububiyabi. ¹⁰ Nakuti twaamba twiina nitwakabisha, tulamupanga kuba mubeshi, ati izwi lyakwe talili mwesu.