¹ Kaha omo calingile ngecize etu tua lihangu nukele a=navo naku sunuka mu vuato, kaha tua sungamene na ku nganda ya kose, kaha halakaca ku nganda ya londose, kaha kufuma kuze tua hetele ku Patala. ² Kaha omu tua uanene vuato vua ku zavuka ku Fenisia, tue ngilile mu vuato na kulisa ndonga. ³ Kaha omo tua hetele ngecize tua muene Sipulu, tua isile kulivoko lia cimosue lia vuato, tua ile ku Silia kuze tua sulikile vuato ku Tilu, kuze vuato vua vualonguelele viteli. ⁴ Kaha omo tua uanene va longesi, tua kele kuze matangua atanu a vali. kuhitila aye mu muzimu kaha va sembuilile Paulu kati aye ku Yelusalema. ⁵ Omu matangua etu ana hiti, tua fumine kona kuya muvungenzi, kaha va kevose hamo na mpuevo ziavo na vana, vatu sindikile munganda. Kaha tua tsikamene havitu mano na kuvundila, ⁶ kaha naua vali salesele umo na mukuavo. Vunoni tuengilile mu vuato, na ku hiluka kuimbo. ⁷ Kaha omo tua manasele vungezi vua kufuma ku Tile, tua hetele ku Tolemainda. Kaha tua hinduisele va muanetu na kua ndama navo litangua limo. ⁸ Omo litangua lia celeko tua vasezele tuaile ku Sesaliya.Tuengilile mundzivo ya Filipu uze mukua kuambulula, ou ikeye ua vatanu na vavali, kaha tuakele neni. ⁹ Vunoni ou yala ali na vana va uana kanda va somboka va kevo vakele na kuambulula vupolofeto. ¹⁰ Omo tuakele kuze matangua amosi, kaha tua hilukile naua Yundeya kua fumine umosi ka polofeto uali zina lia Angambu. ¹¹ Uezile kulietu na kumbata muiva ua Paulu. Ukeuo uali zitikisile mikono na mavoko kaha ngueni, " mu muana handekeka muzimu ua lela,'kaha va Yuleya ku Yelusalema va kuta ou yala na muiva ueni, kaha va kamuhana muhana mu mavoko avantu veka." ¹² Kaha omo va vuile viuma evi, netu na vantu vakele muze mucihela vamu lambelele Paulu kati aye na kuheta ku Yelusalemu. ¹³ Kaha Paulu ua va kumbuiliele ngueni, " vika munakulinga, muna kulila ange nja lizange, kati kunji kuta lika, vunoni na kutsa muze mu Yelusalema muli zina lia muangana Yesu." ¹⁴ Kaha ikeye katavele kusindiya, tua mu vulukisa vuholoka na nguetu, " kulingi ue cizango ca muana." ¹⁵ Munima ya mutangua, tua mbatele mapa kumuna etu na kuya ku Yelusalema. ¹⁶ Kaha na vakevo tue zile na va ndongesi kuze ku Sesaliya. Kaha vanehele muana ua nsoni, yala ua ku Sipulu, ou ndongesi ua lalivanga, kuli ikeye kutu ku tumama. ¹⁷ Omu mutu kuheta mu Yelusalema, vandumbuetu vatumenekele na kuviu kilila. ¹⁸ Kaha tangua likuavo Paulu uaile netu kuli Tiangu kaha vose va kuluntu vakeleho. ¹⁹ Kaha vose tua va kunguluile kama, ua mbuluilile umo vuima vize Njambi nalingi hali miyati kuhitila mu va ndongesi. ²⁰ Kaha omo va vuile, vamu lemesele Nambi, na ku handeka nguavo kuli ikeye, "ua mono, vandumbuetu ma kombakazi angahi va na tsiliela hakati kava Yundeya. vaze va zangama muku lama lusimbi. ²¹ Kaha va valekele hali yove, nguavo ulongese vose va Yundeya vaze vakala vakua vifuti na vu vindika Mosesa, kaha ua lekele nguavo kati mu lovele vana venu, nakuenda muaila cisemua. ²² Tukulinga vati? Kuli vamo va nguavo ove uneza. ²³ Linga vituna kuleka kuli liove. Tuli na vamala vauana ava vali tavuasanene. ²⁴ Mbatenu ava vamala muva fuetele yenu va vene, na ku vahanena vuima viavo, kaha na ua vakambe mitue yavo. Kaha vose vaka tantekeya viuma viose vina va leka kuliove via makuli. Kaha vakali longese nove una ku yoya muakoloka, kalama lusimbi. ²⁵ Kaha kueseka navua vifutu ava va tsiliela, vaso tua sonekele visingayika viatu viatila kulama etu vavene mu viuma via kuli hana mahamba, na kumanga na ku vupangala." ²⁶ Kaha Paulu uambatele vamala, na tangua lia hateleko ua lilelesele livene hakati kavo. Kaha va vaile mu cikungulukilo, na kuhana visoneka mu matangua a kuli viu kisila ana lisulisi lana malambu kali uose. ²⁷ Kaha omo matangua aze atanu na avali ku hiule, va Yundeya vaze va ku Asia,vamunene Paulu ali mu tembele, uakele na mbunga yose va ha kele mavoko avo hali ikeye. ²⁸ Kaha vakele na ku tambakana,'' vamala va ku Isalela, tu kuasenu. kaha ou yala ua longesele va mala vose muze muaya vuima via cinandu na vantu, Lusimbi, na cino cihela. Cili, kaha naua ua nehele va Ngelengu muci kunguluilo na kuhana ha cihela ca kuzila.'' ²⁹ Muomu laze va muene Tolofimu mukua Efeso hamo neni mungand, kaha va singanyekele ngue Paulu na muneha mutembele. ³⁰ kaha limbo liose lia vundilile, kaha vantu vatuutile hamo na ku kuata Paulu. Va mu kokelele ha mbanza ya tembele, na vi kolo va visokele vuasi vuasi. ³¹ Kaho omu va tondele ku mutsiha, mizimbu yezile kufuma ku mu kuluntu ua masualale mu ka kunyiu nga va kua Yelusalema yose ya kele na tua zingunda. ³² Haze vene ua mbatele masualale na tupitau vatuntilile ha mavu ya mbunga.kaha omo vantu va muene masualale na tupitau. Kaha valikelele ku veta Paulu. ³³ Kaha kapitau ua va hetesele na ku muleka ngueni vamu kuate Paulu, a ku va sikangueni va mu ku te malenge avali. Kaha ua hiule ngueni iya nalingi vika. ³⁴ Kaha vamo mu mbunga va tambakanene cuma cimo na vakua vo cuma ceka. Vumi kapitau ka lilongeseleho vusunga muomu ikeye ua kui vua kalua, ua sikile ngueni Paulu va munehe mu mbunge. ³⁵ Kaha omo ua zile ku zindonda, va mu mbatele ku masualale hamulonga ua kupihilila ca civunga. ³⁶ Muomu civunga ca vantu cava kavele tambeka hamoye,'' halako neni!'' ³⁷ Omo Paulu ua hetele haku muneha ku civunga, ua handekele kuli kapitau,'' cikuasiua ange ku handeka kuli yove?'' Kapitau ngueni,'' ukuha sa ku handeka cingelengu? ³⁸ Kati umuka ingito ue zile ntsimbu ya laza ua putukile uzita kaha ua tua lele ku zindinda makulu kazi a uana ava mala ua kua kutsiha mwcifuti?'' ³⁹ Paulu uahandekele,'' Ange nji kauleya nji ua nganda ya Tulusu mu silisia. Ange nji mundambo kati va nganda Yakuhona ku lema. Nji mitsikamena nji tavesenu nji handeke na vantu.'' ⁴⁰ Omo kapitua ua mu hiele lisesa, Paulu ua katukile ha ndonda ua sovo uele vantu na mavoko ku vantu. Ua zimi ninine mukuholoka ua handekele navo lilimi lia hevelu na handaka.