¹ Ba Yawe balimwichile Mosesa no kulabila kuli ye mwi teti lya kukumaninamo , ati , ² '' Labila ku bantu ba mu Isalela ubebe ati , ' Kana umuntu uli onse ukufuma mukati kenu kaleta umulambu , kuli ba Yawe , mukalete umulambu wenu ukufuma mwitanga lyang'ombe , nangu ilya nama shinini . ³ Kabili umulambu wakwe nga mulambu wa kokya ukufuma mwitanga lya ng'ombe , akapane iyalalume iyakubula ubulema . Kabili akapanine pa mulyango we teti lya kukumaninamo , pakweba ati kiketabishiwe pa menso aba Yawe . ⁴ Kabili akabike ukuboko kwakwe pa mutwi wa mulambu wakokya , kabili kiketabishiwa mukwimakaninako ukumulubula kwakwe . ⁵ Kabili elya akepaye ing'ombe iyalalume pamenso ya ba Yawe . Abana bakwa Alona abalalume , abapapatishi , bakaleta imilopa kabili no ku sansa pa kyokelo ikili pa mulyango we tenti lyakukumaninamo . ⁶ Penka elyo akafunde umulambu wakokya kabili nokuputaula tunini tunini . ⁷ Kabili abana ba kwa Alona abalalume umu papatishi bakabika umulilo po kyokelo kabili no kubika bwino inkuni pa mulilo . ⁸ Penka abana bakwa Alona ababalume , na ba papatishi , ebakubika utupifwa twanama , ukubikapoofye no mutwi ne mafuta , pa nkuni ishili pa mulilo uli pa kyokelo . ⁹ Pano ifyamunda kabili na molu akafisafye na amenshi . Pano abapapatishi elyo bafyokye fyonse pa kyokelo kubati mulambu wakokya . Ukaleta ubwema ubuweme kuli nemo ; kikekala mulambu uwa ku mpaingila nemo kumulilo . ¹⁰ Kana ubupe bwa milandu ykokya bwafuma ku itanga lya nama ishinini , umo uwa mu mbelele nangu umo uwa mu mbushi , alilingile ukupana iyalalume iya kubula ubulema . ¹¹ Kabili akaipaile ku kabanga ka kyokelo ku menso yaba papatishi , ba kasanse umulopa ku lubali lonse ulwa kyokelo . ¹² Alingile uku iputaula mutu pifwa tinini tunini ne mutwi kabili namafuta yayo , kabili abapapatishi baka bike utupifwa twanama pa kuni ishili pa mulilo uli pakyokelo , ¹³ Pano ifyamunda kabili namolu akafisafye na menshi , pano elyo abapapatishi ba kapaane yonse , kabili no ku yokya pa kyokelo . Mulambu wako kya kabili ukaleta ubwema ubuweme kuli ba Yawe ; kikekala mulambu uwa ku mpaingila kuli ye kumulilo . ¹⁴ Kana ubupe kuli ba Yawe bukekale mulambu wakokya uwa toni , nishi akalete umulambu wakwe ikulimba nangu ipolobi shinini . ¹⁵ Umupapatishi alingile ukuleta ku kipailo , no kuishondako umutwi , kabili noku yokya pa kyokelo . Penka no kusunsulula umulopa ku lubali lwa pa kyokelo . ¹⁶ Akafumye ifyakulya ifituntulu , kabili nekufiposa ku lubali lwa kyokelo ku lubali lwa kukabanga , mulya munkende ya butoi . ¹⁷ Aka kitabule palya pa mapindo , pano tekwesha uku kyabanya mu fipifwa fibili . Elyo abapapatishi baka kyokya pa kyokelo , pakuni shilya shili pa mulilo . Kikaba , muulambu wakokya , kabili kikaleta ubwema ubuweme ku menso aba Yawe ; kikekala mulambu wakupaingila kuli ye kumulilo .