¹ Ono swebo tobayumu twelele kubweza buteteete bwa baabo batali bayumu, tatwelele kulikkomaniha lwesu tobeni. ² Omwe omwe wesu akkomanihe munyina kukumucitila cibotu, kutewa tumuyake. ³ Nkaambo awalo Klisto takahikkomaniha lwakwe mwini. Pele, cili mbuli mbocilembelwe, ''Matuhi abaabo bakakutukana akawila alindime.'' ⁴ Kunhwumbwa yaayo akalembwa kaindi akalembelwa kututondezhya kutewa kwiinda mulukakatilo amukuyumizhyiwa mu mangwalo tube alulangilo. ⁵ Ono Leza wa lukakatilo akuyumizhyanya amubambe kuba amuzeezo omwe antoomwe abamwi kwiinda muli Klisto Jesu. ⁶ Acita boobo kutewa a muzeezo omwe abukakatila mulumbaizhye Leza Taata wa Mwami Jesu Klisto a mulomo omwe. ⁷ Aboobo amutambulane umwi aumwi, mbuli Klisto awalo mbwakamutambula, kukulumbaizhya Leza. ⁸ Mbwindaamba kuti Klisto wakaba mutwaanga mu kuoalulwa kwiiminina kahimpe ka Leza, ⁹ kutewa azuzikizhye zhyihomyo zhyakapewa kuli bahinsiku, kutewa ba manhi balumbaizhye Leza akaambo ka lise lwakwe mbuli mbokulembelwe. ¹⁰ Alimwi kulaambwa, ''Amukomane, no ba manhi, abantu bakwe.'' ¹¹ Alimwi, ''Amulumbaizhye Mwami, noonse noba manhi; bantu boonse aba mukombe.'' ¹² Alimwi, Isaiah ulaamba, ''Miyanda ya Jesse ilaboola, walo waka nyamunwa kuza kulela ba manhi; muli nguwe ba manhi bayakuba aluhyomo. ¹³ Ono Leza wa bulangizhyi amupe kusekelela aluumuno mukuhyoma, kutewa munsana zhya Muuya Usalala muyumihiwe mu bulangizhyi. ¹⁴ Mbebo lwangu ndikkutile muli ndimwe, nobakwesu, ndikkutile kuti ilwenu muzwile bululami, alizhyibo. Ndikkutile kuti mulakozhya kutondezhyanya kuli umwi aumwi. ¹⁵ Pele ndalemba cakulisumpula kuli ndimwe ku zhyintu zhyimwi kutewa muyeezhye alimwi, akaambo kaluzhyalo ndwipelwe a Leza. ¹⁶ Olu luzhyalo ndwakuti ndibe mutwanga wa Klisto Jesu uwakatumwa kuli bamahi, kuba mbuli mupaizhyi wa mulumbe wa Leza, kutewa zhyipaizhyo zhyaba mahi zhyitambulwe, akusalazhyiwa a Muuya Usalala. ¹⁷ Muli Klisto Jesu ndikwete kaambo ka kulikankaizhya mukubelekela Leza. ¹⁸ Nkaambo hekozhyi kulikatazhya kwaamba cintu cili coonse pele buyo yaayo Klisto ngakamanizhya kwiinda muli ndime kukulemeka ba mahi. Ezhyi zhyezhyntu zhyakacitwa mu majwi amumilimo, ¹⁹ kwiinda mu nguzu zhya zhyitondezhyo zhyikakamanizhya, alimwi amunguzu zhya Muuya wa Leza. Eci cakaba kutewa kunvwa ku Jelusalema, koonse kuhikila ku lllyricum, ndizulizhye kubweza mulumbe wa Klisto. ²⁰ Munhila eeyi, kuyandinha kwangu nkwaku kambauka mulumbe, pele kutali buo Klisto nkwahibilwe inhina, kutewa intayakili antaliho ya muntu umbi. ²¹ Mbobuli mbokulembelwe: "Kuli baabo kunyina cilihibizhyo cakuti wakaliko tabakamuboni, alimwi abo batanavwa tabakateeleli.'' ²² Aboobo ndakalehewa zhyiindi zhyonji kuboola kuli ndimwe. ²³ Pele ono, hecikwete busena nobuba bomwe muzhyinhi omu, ndalikwete bulanginhi kwa myaka munji kuti ndiboole kuli ndimwe. ²⁴ Ndalombozhya kuya kumubona ndakwiinda kuya ku Spain, mukandigwahilizhya mu lweendo lwangu oko, ndikakukkomane andimwe kwa ciindi cinhoonto. ²⁵ Pele ono ndiya ku Jelusalema, nkabelekele bantu ba Leza basetekene. ²⁶ Nkaambo kwakali kunvwumina kwa bantu baku Macedonia aku Achaia kupa zhyipego ku bantu bacete basetekene ba Leza bali mu Jelusalema. ²⁷ Inha, kwakali kunvumina, aboobo beezhyinyina balikwete mulandu kuli mbabo. Nkaambo bamahi mbuli mbobakaabana zhyintu mu muya, balelele kubapa bama Juda kuti babape lubono lwabo lwa nyama. ²⁸ Aboobo, ndakumanizhya mulimo oyo akubona mahimpe kuti bazhyitambula zhyoonse zhyaka bungikwa, njakuunka ku Spain elyo njakwiinda kumubona. ²⁹ Ndilizhyi kuti ndakuboola kuli ndimwe njakuboola hezwile zhyileleko zhya Klisto. ³⁰ Ono ndamulomba, nobakwesu, mu Mwami Jesu Klisto, kwiinda mu luyando lwa Muuya, kuti mukamantane andime kundipailila kulim Leza. ³¹ Amundipailile kuti nkanhutuke kunvwa kubantu babyaabi mu Judea, alimwi kutegwa mulimo wangu ku Jelusalema ukakozhye kutambulwa ku bantu ba Leza basetekene. ³² Amupaile kutewa ndikakozhye kuboola kuli ndimwe ca lumwemwe mukuyanda kwa Leza, alimwi kutewa mebo, antoomwe andimwe, tukajane kulyookezhya. ³³ Leza wa luumuno abe andimwe noonse Amen.