¹ Amucite kuti muntu oonse ape bulemu kuba sololi bapati, mbokunga kunyina musololi ncita wakahvwa kuli Leza. Basololi baliko bakasalwa a Leza. ² Aboobo kuli yooyo uukaka basololi aabo wakaka mulawo wa Leza; alimwi abalo baukaka baya kutambula lubeta lwabo beni. ³ Mbo kunga baendelezhyi tabayoohyi kumicito mubotu, pele kumicito mibyaabyi. Hena ulalombozhya kuba mukandu wamweendelezhyi? Kucita eeco cibotu, eelyo uyakutambula bulumbu bwakwe. ⁴ Nkaambo mubelehyi wa Leza kuli ndiwe mubotu. Pele wacita cibi, kokanduka; nkaambo tabwezhyi panga inyina kaambo. Nkaambo mubelehyi wa Leza, utulwanina kubukali kuli yooyo wacita cibi. ⁵ Muli boobo mweelele kutobela, kutali buyo mukaambo kabukali, pele amukaambo ka mizeezo. ⁶ Mukaambo kaako kamubbadela mitelo ayalo. Nkaambo basololi mbabelehyi ba Leza, ibacita cintu eeco cakuzumanana. ⁷ Amubbadele kuli oonse muntu ukwete cikwelete: amupe mitelo nkoyeelele, bbadela kuli weelele kubbadelwa, yoowa kuli weelele kuyowewa, pabulemu ibulemu nkobweelele kupewa. ⁸ Utabi acikwelete cacitu cili coonse, pele buyo kuti muyandane umwi aumwi. Mbokunga kuli yooyo uyanda hyimukobo nyina wazuzukizhya mulawo. ⁹ Imilawo, ''mutaciti mamambe, utajayi, utabbi, utanyonokele,'' alimwi naa kuli uumbi mulawo waambwa mubuhwaahwi, ''yanda himukobo nyoko mbuli mboliyanda eebo.'' ¹⁰ Luyando talucisi hikamukobo nyoko. Aboobo luyando ncecizuzukizhyo camulawo. ¹¹ Kaambo ka ceeci, mulizhyi ciindi, kuti cili nkwene kale ciindi cakuti mubuke kuhvwa mutulo. Nkaambo luhwutuko lwesu luli ahwaahwi kwiinda nitwakatalika kuhyoma. ¹² Buhiku bwalondelela, abuzuba bwaswena munhi munhi. Atubikke ambali milimo yamumudima, alimwi atubweze ntobo yamumuni. ¹³ Atweende toonse mubululami, mbuli mubuzuba, kutali kusekelela mukukolwa na bucakolwa; alimwi tuteendi mubwaamu naa munkwela yaku talikwata amumunyono. ¹⁴ Pele amusame Mwami Jesu Klisto, alimwi mutabikki busena munyama, kukkuhya bwaamu.