¹ Mwami wakamba kuli Muusa, wakati, ² ''Ambila mbungano yoonse ya Isulaili kuti, 'Amulisalazhye, nkaambo mebo ndi Mwami Leza wenu ndasalala. ³ Kuhwumbwa muntu weelele kulemeka babanyina alimwi abaushi alimwi mweelele kwiibamba nsabata yangu. Ndime Mwami Leza wenu. ⁴ Mutatobeli mituni, alimwi mutali bamili baleza baku hwala. Ndime Mwami Leza wenu. ⁵ Ciindi nomupa cituuzhyo ca kuswaangana ku Mwami, kamupa cakuti cikozhye kutambulika. ⁶ Cilelele kuliwa mbubona buzuba nomwa caaba, naa buzuba butobela. Naa kuti ca hyaala kuya mubuzuba bwatatu, cilelele kuumpwa mumulilo. ⁷ Kuti naa caliwa mubuzuba bwatatu, nkulubizhya ooko. Tacitambulwi, ⁸ alimwi kuhwumbwa yooyo ucilya, bubi bwakwe bula mupilikila, nkaambo wasampaula cisetekene ca Mwami, alimwi muntu oyo weelele kukwihyiwa muciinga mwakwe. ⁹ Nomutebula myuunda yenu, mutatebuli kutuswi twa muunda, nokuba kumaninizhya muunda. ¹⁰ Mutatebuli masaansa enu muunda oonse, nokuba kubwezelela awa anhi mumuunda wenu. Mweelele kwaaleka ngabacete alimwi abamuhwa mahi. Ndime Mwami Leza wenu. ¹¹ Mutabbi. Mutabeji, Mutacengani. ¹² Muta konkezhyi zhyina lyangu cabuyon nde Leza wenu. Ndime Mwami. ¹³ Uta dyaaminini himukobo nyoko nokuba kumu bbila. Ciholo ncahola mutwanga wako, utacilahyiki pe umupe mbubona buzuba. ¹⁴ Mutatuki muntu utamvwi mumatwi, alimwi mutateyi moohu ibwe, pele a muyoowe Leza. Ndime Mwami wenu ¹⁵ Utabambi lubeta kuti lube lwalucengo, uta ubauli mucete akulemeka muvwubi. Pele, beteka himukobo nyoko mu bwini. ¹⁶ Uteendeendi kuya kumwaya twaambo twakubeya, pele kapula zhyila y kukobelela himukobonyoko. Ndime Mwami. ¹⁷ Utabikilili munyoko mumoyo. Komutapatila himukobonyoko caantangalala pele utalileteli mulandu akaambo kakwe. ¹⁸ Utaliyi nkoto nokuba kubikilila umwi wabantu nyoko, pele koyanda ba himukobonyoko mbuli mboliyanda lwako. Ndime Mwami. ¹⁹ Kamubamba milawo yangu. Mutasanduli muhyobo wa banyama bamwi kumuhyobo wa banyama bambi. Mutavweli mbuto yamuhyobo umwi mumboto imbi akuhyanga mumuunda omwe. Mutasami cikobela cakababwa kuntali zhyamihyobo yobile. ²⁰ Kuhwumbwa mulombwana oona amuhimbi muhike, uyanda kutwalwa, pele katana lubululwa, na kupewa lwaanguluko welele kupewa cisubulo. Pele tabeelele kuyaiwa, nkaambo takaninga lubululwa. ²¹ Mulombwana ulelele alete cipaizhyo ca bubi bwakwe ku Mwami, kumulyango wa tente lya kuswaanganina - imbelele mbuli mulumbo wa cibi. ²² Mpoona mupaizhyi uyakuba kubamba muyasilo wa imbelele wacibi cakwa akupa mulumbo ku Mwami, kucinyonyoono ncakacita. Mpoona cinyonyoono ciya kulekelelwa. ²³ Mwaakuhika kunyika mukahyange micelo ya mihyo mihyobo uliwa, mpoona micelo itikazhyalwe uli sohwele kulya. Micelo ili sohweele kwa myaka yatatwe. ²⁴ Pele mu mwaka wane, wakuzhala micelo, ila salala, ili setekene ku lumbaizhya Mwami. ²⁵ Mumwaka wa musanu inga mwalya micelo, nkaambo mwalindila kuti cisamu cizhyahihye. Ndime Mwami Leza wenu. ²⁶ Tamweelele kulya buyani bucikwete bulowa muli mbubo. Mutacapi nokuba kusonda. ²⁷ Mutali geli mutwe oonse nokuba kuli geli cilezu coonse. ²⁸ Mutali nengi mubili wenu nkaambo kabahu nokuba kuli yasaula a mubili. Ndime Mwami. ²⁹ Utasampauli mwanaako muhimbi kumubamba buhuule, nkaambo cihi coonse inga cazula mamambe alimwi nyika ila zula busohweehi. ³⁰ Mweelele kubamba ma nsabata angu alimwi akulemeka cipaililo a tabanikele yangu. Ndime Mwami. ³¹ Muta yandihi bamucaoe a mizhyimo mutabakapuli nkaambo inga basohwazhya cihi. Ndime Mwami Leza wenu. ³² Mweelele kubuka kabatana buka baliaavwi mutwe bantu alimwi mulemeke banene baliko. Kamuyowa Leza wenu. Ndime Mwami. ³³ Kuti naa muhwa kule kakele munyika yenu, mutamuciti cibi. ³⁴ Muhwa kule ukala andimwe aba mbuli umwi waba Isulaili mbomupona limwi, alimwi mweelele kumuyanda mbubona mbomuli yanda, nkaambo amwebo mwakali bahike munyika ya Egipiti. Ndime Mwami Leza wenu. ³⁵ Mutaciti bubehi mwali kweeleka zhyintu, kupima,naa kubika. ³⁶ Mweelele kubelehya zhyelekelo zhyeelele, zhya kupima, zhya ephah, alimwi a hin. Ndime Mwami Leza wenu, wakamunguhya munyika ya Egipiti. ³⁷ Mweelele kulemeka milawo yangu akucita mbweelele. Ndime Mwami.""