¹ Mwami mwakambaula kuli Muusa a Aloni wakati, ² ''Kamwaambaula kubantu ba Isulaili, alimwi muti kuli mbabo, 'Kuhwumbwa muntu waciswa bulwazhyi bwakusensa meenhi kuhwa mumubiliwakwe, tasalali. ³ Kuta salala kwakwe nkaambo ka meenhi asohweele. Nakuba kuti mubili ooyo uhwa meenhi olo naa alika, ulisahweele. ⁴ Kuhwumbwa bulo mbwalala abwalo bulasohwaala, alimwi kuhwumbwa cuuno ncakala acalo cila sohwaala. ⁵ Kuhwumbwa wakwata bulo bwakwe weelele kusazhya hikobela zhyakwe alimwi asambe alwakwe mumeenhi, alimwi ulisohweele kuhika kumangolezhya. ⁶ Kuhwumbwa ukala acitu cili coonse awoo muntu ushohweele pakele, uyo muntu weelele kusazhya zhisani zhyakwe alimwi weelele kusamba mumeenhi, alimwi ulisohweele kuhika kumangolezhya. ⁷ Kuhwumbwa ukwata mubili wayooyo usohweele ameenhi weelele kusazhya hisani alimwi akusamba lwakwe mumeenhi, alimwi ulisohweele kuhikila mangolezhya. ⁸ Kuti muntu uli ameenhi ahwa waswila umwi usalala, nkokuti ulya muntu weelele kusazhya hisani zhyakwe alimwi weelele kusamba mumeenhi, alimwi ulisohweele kuhikila mangolezhya. ⁹ Kuhwumbwa ceendelo ncaendela ukwete bulwahi awalo ulaba musohweehi. ¹⁰ Kuhwumbwa ukwata ciintu ncabelehya muntu ooyu ulasohwaala kuhikila mangolezhya, alimwi kuhwumbwa ubweza zhyintu eezhyo weelele kusazhya hisani zhyakwe alimwi akusamba mumeenhi; ulasohwaala kuhikila mangolezhya. ¹¹ Kuhwumbwa yooyo mulwazhyi uusensa ngwa kwata mumatanhyi katasambile, ulasohwaala, weelele kusamba alimwi akusazhya hisani zhyakwe. Ulasohwaala kuhikila mangolezhya. ¹² Kuhwumbwa cibiya ncakwata ooyu mulwazhyi usensa ceelele kupwaiwa, alimwi zibinkilo zhyazhyisamu zhyeelele kusanhyiwa a meenhi. ¹³ Mpoona kuti oyu mulwazi wasalazhyiwa kubwulwazhyi bwakwe, uleelele kulilangilila mazuba aali ciloba mukusalahiwa; mpoona asanzhye hisani zhyakwe alimwi amubili wakwe mumeenhi akunka. Mpoona ulasalala. ¹⁴ Mubuzuba bwalusele abweze izhyiba naa nkwilimba zhyobile hicili zhyana aboole ku Mwami kumulyango wa tente lyaku swaanganina; ape bayuni bakwe ku mapaizhyi. ¹⁵ Mupaizhyi uleelele kuzhyitula, omwe muyuni abe cituuzhyo cacinyonyoono, alimwi uumwi abe cituuzhyo cakutenta elyo mupaizhyi abambe muyasilo wakwe ku Mwami akaambo kabulwazhyi bwakwe. ¹⁶ Naa mulombwana umwi walyoomba, weelele kusamba mubili oonse mu meenhi; ulasahwaala kuhikila mangolezhya. ¹⁷ Kuhwumbwa cikobela calambwa bweenze ceelele kusazhyiwa mu meenhi, cili sohweele kuhikila mangolezhya. ¹⁸ Kuti mulombwana balyana nkwela amukaintu, mpoona basubilana bayandika kusamba boonse amubili ameenhi, bali sohweele kuhikila mangolezhya. ¹⁹ Kuti mukaintu kali ku mwezhyi, kusohwaala kwakwe kulazumanana mazuba ciloba, alimwi kuhwumbwa umuguma awalo ulasohwaala kuhikila mangolezhya. ²⁰ Kuhwumbwa ncalala uli kumwezhi cila sohwaala alimwi kuhwumbwa ncakala cila sohwaala. ²¹ Kuhwumbwa uguma bulo bwakwe weelele kusazhya hisani zhyakwe alimwi weelele ku samba mu meenhi; oyo muntu ulasohwaala kuhikila mangolezhya. ²² Kuhwumbwa ukwata ncakele weelele kusazhya hisanizhyakwe alimwi akusamba mubili oonse mumeenhi; oyo muntu ulasohwaala kuhikila mangolezhya. ²³ Naa mpaa bulo olo mpaazhyi kuhwumbwa cakele, kuti nawaciguma, ooyo muntu ulasohwaala kuhikila mangolezhya. ²⁴ Kuti mulombwana balyana nkwela amukaintu uli kumwezhyi, kwamana bulowa bwamukuma mulombwana, ulasohwaala kwa mazuba aali ciloba. Kuhwumbwa bulo mbwalala bulasohwaala. ²⁵ Kuti mukaintu wasensa bulowa mazuba manji atali akulisalazhya kwakwe, alimwi naa waindilizhya mazuba akuli salazhya kwakwe, aaya mazuba alaba mbubona mbuli mazuba akumwezhyi kwakwe asohweele, Ulisohweele. ²⁶ Bulo mbwalala kuciindi eci bulaba mbubona mbuli bulo bwa mazuba nali kumwezhyi, mpoona kuhwumbwa ncakala ancalala, tahisalali. ²⁷ Huhwumbwa uuguma bulo bwakwe naa zhyabeleha weelele kusazhya zhyisani zhyakwe akusamba amubili oonse. Ulasohwaala kuhikila mangolezhya. ²⁸ Pele naa wasalazhyiwa kukusensa kwakwe, weelele kubala mazuba ciloba, ainda buyo mazuba aaya wasalala. ²⁹ Mubuzuba bwalusele abweze inzhyiba naa twanana twa nkwilimba tobile, atole kumupaizhyi, kumulyango wa tente alubuwa lwakuswaanganina a Mwami. ³⁰ Mupaizhyi uyakupa muyuni umwi kumulumbo wa cinyonyoono mpoona umwi muyuni uyakuba muyasilo wakuumpa, mpoona uya kubamba muyasilo ku Mwami akaambo kakunsensa bulowa. ³¹ Mbombubo oobo mbo mweelele kwaandaanya bana Isulaili kubusohweezhyi bwabo, kutewa batahwi akaambo kabusohwiizhyi bwabo akaambo kakusohwaazhya tabanikela mweponena ambabo. ³² Ngo mulawo oyu kuhwubwa muntu ulaa bulwazhyi bwa kusensa, kuhwumbwa mulombwana uukwihya bweenze ulali sohwaazhya mwini, ³³ kuhwumbwa mukaintu uunka kumwezhi , kuhwumbwa yooyo ukunka meenhi, mulombwana nanka mukaintu, alimwi kuhwumbwa mulombwa ulala amukaintu usohweele.'''