¹ Naa kuhumbwa muntu uuleta mulumbo wanseke ku Mwami, mulumbo wakwe weelele kuba buhu bunante, alimwi uya kutila mahuta amulumbo alimwi akubika tununkilizhyo atala amulumbo. ² Weelele kutola mulumbo kubana basankwa baa Aloni bapaihyi, alimwi okuya mupaizhyiuyaku buula tanhi lyomwi lya buhu bubante antoomwi amahuta alimwi atununkilizhyo atala. Mpoona mupaizhyi uya kuumpa mulumbo atala lya cipaililo mbuli ciiminizhyo. Ciya kukwihya kununkilila kubotu ku Mwami; uya kuba mulumbo ubambwa kuli nguwe amulilo. ³ Kuhumbwa ciya kuhyaala kuhwa kumulumbo wa nseke ciya kuba ca Aloni alimwi abana bakwe basankwa. Cilasalalihya ku Mwami kuhvwa kumulumbo kuya ku Mwami wakakabambwa amulilo. ⁴ Naa wapa mulumbo wa nseke utakwete bumena bwakayokwa mu ciyokelo, ceelele kuba cinkwa cibohvwu bohvwu cabuhu bunante buhvwelelwe a mahuta, na cinkwa ciyumu yumu citakwete bumena, calambwa a mahuta. ⁵ Kuti naa mulumbo wanseke wako wayokwa aciyokelo calubulo, weelele kuba buhu butakwete bumena obo buhvwelelwe amahuta. ⁶ Weelele kucikomona muzhibeela beela alimwi utile mahuta aali ncico. Ooyu ngo mulumbo wanseke. ⁷ Naa mulumbo wako wa nseke waikwa muciikilo, weelele kubambwa abuhu bunante alimwi amahuta. ⁸ Uleelele kuleta mulumbo wa nseke wakabambwa kuhvwa kuli zhyeehyi ku Mwami, alimwi uleelele kutondezhyewa ku mupaizhyi, walo uya kuuleta ku cipaililo. ⁹ Mpoona mupailizhyi uya kubweza zhyimwi kuhvwa kumulumbo wa nseke mbuli mulumbo waciiminizhyo, alimwi uya kuumpa acipaililo. Uya kuba mulumbo wakabambwa a mulilo, alimwi ciya kukwihya kununkilila kubotu ku Mwami. ¹⁰ Kuhumbwa ciya kuhyaala kuhvwa ku mulumbo wa nseke ciyakuba ca Aloni alimwi abana bakwe basankwa. Cilasalalihya ku Mwami kuhvwa ku mulumbo kuya ku Mwami wakabambwa a mulilo. ¹¹ Kutabi mulumbo wa nseke ngomupa ku Mwami uyelele kubambwa a bumena, nkaambo tamweelele kuumpa bumena, nokuba manyonsi, mbuli mulumbo waka banbwa a mulilo kuya ku Mwami. ¹² Uya kuzhipa ku Mwami mbuli mulumbo wa kabalwe balwe, pele tazhikabelehewi kukwihya kununkilila kubotu a cipaililo. ¹³ Muleelele kulunga umwi aumwi mulimbo wa nseke a mwino. Tamweelele kuhvwumizhya mwino wa cihvwuminano ca Leza wenu kuti utayaniki kuhvwa mu milumbo yenu ya nseke. Kumilumbo yenu yoonse muleelele kupa mwino. ¹⁴ Naa wapa mulumbo wa nseke wa kabalwe balwe ku Mwami, kopa nseke zhyibohvwu kazhyi yokelwe a mulilo alimwi kwamana kazhitwilwe kuba buhu. ¹⁵ Mpoona uya kubika mahuta alimwi atununkilizhyo ali ngilwe. Eci mulumbo wa nseke. ¹⁶ Mpoona mupaizhyi uya kuumpa kuhyoonto kwa nseke zhyitwilwe alimwi a mahuta alimwi a kanunkilizhyo mbuli mulumbo wa kwiiminina. Ooyu ngo mulumbo wakabambwa a mulilo kuya ku Mwami.