¹ Ono makani menimeni ngotwaamba ngaaya: Tulikwete mupaizhi mukando uukele kululyo lwa cuuno cabulemu kwizeulu. ² Mutwanga wamubusena busalalisha, itabanakile lya kahimpe elyo Leza, kutali muntu, ndyakabika. ³ Mbokuti oonse mupaizhi mukando ulasalwa kupa zhipego a zhituuzhyo. Aboobo cilayandika kukwata cakupa. ⁴ Ono kuti Jeso naacili anhi ano, natali mupaizhi pe, nkaambo nkobali ibapa zhipego kweendelana amulawo. ⁵ Babelekela mukozhanyo amunhwule wazhintu zhya kwizeulu. Mbubona mbuli Muusa mbwakcenjezhewa a Leza lilya naakali kuyanda kuyaka itabanikile: Leza wakaamba, "Kolangihya kuti uzhibambe zhyoonse mbuli mukozhyanyo ngookatondezhyewa amulundu." ⁶ Pele ono Klisto watambula mulimo mubotu, mbubona mbwali himwiima akati wa cihvwuminano cibotu, icili azhyihomyo zibotu. ⁷ Naa cihvwuminano cakutaanguna nocatakakwete kampenda, naatakabamba cabili pe. ⁸ Nkaambo Leza naakayana kampenda mubantu wakaamba, "Amulange, mazuba alahik-mbwaamba Mwami- ninja kubamba cihvwuminano cipya a ng'anda ya Israeli alimwi a ng'anda ya Juuda. ⁹ Tacikabi mbuli cihvwuminano ncindakapangene aba mankaaka babo mubuzuba mbwindakababweza atanhi lyabo kubagwihya munyika ya Egypt. Nkaambo tiibakacilemeka kabotu cihvwuminano cangu, ndakaleka kubabala-mbwaamba Mwami. ¹⁰ Nceeci cihvwuminano ncinjakubamba a ng'anda ya Israeli kwaakuma mazuba -mbwaamba mwami. Njakubika milawo yangu mumizeezo yabo, alimwi njakwiilemba a myoyo yabo. Njakuba Leza wabo, alimwi bayakuba bantu bangu. ¹¹ Tabakayiihyanyi aumwi aumwi mucihi comwi alimwi nobaba babunyina, kwaamba kuti, "Zhyiba Leza." Nkaambo boonse bayakundizhyib, kuhvwa kumuhyoonto kuhikila kumukando. ¹² Njakubahwila luse kumilimo yabo mibyaabi, azhyinyonyoono zhyabo nhikazhiyeeyi limbi." ¹³ Kwaamba cihvwuminano kuti "ncipya," wakatondezya kukulumpala kwa cihvwuminano cakutaanguna, alimwi cakulumpala akucembaala inga cili a hwaahwi akumana.