¹ Wakali ngu Melchizedek, mwami wa Salem, mupaizhyi wa Leza Uusumpukile, waka swaanganya Abraham kapiluka kuku yaya bamami alimwi wakamuleleka. ² Kwakali kuli nguwe oko Abraham nkwaakapa cimanya kumi ca zhyoonse. Kutaanguna, bupandulizhyi bwazhyina lyakwe bwaamba kuti, "Mwami wabululami "; alimwi nguwena "mwami wa Salem," nkokuti, "mwami wa luumuno." ³ Unyina uhyi, unyina babanyina, unyina bahikamukowa bahikale, unyina makankilo aa mazuba naaba mamanino aabuumi. Alimwi ukozhya Mwana wa Leza, ulahyaala mupaizhyi kukabe kutamani. ⁴ Langa bukando oyu muntu mbwakabele oko hikale Abraham nkwaakapa cimanya kumi icazhyintu zhyaakabweza kulumamba. ⁵ Mazhyalane a Levi ibatambula mulimo wa bupaizhyi bakwete malailile kweendelana amulawo kubwelele cimanya kumi kuhvwa kubantu, nkokuti, kuhvwa kubabunyina, nokuba kuti, abalo, mazhyalane aa Abraham. ⁶ Pele Melchizedek, uuli amazhyalane aa takayanwa kuhvwa kuli mbabo, wakatambula cimanya kumi kuli Abraham, alimwi wakamuleleka, walo wakakwete zhyihyomwa. ^{7 10} Kunyina kukazhya kuti muhyoonto ulelekwa aa muntu mukando. ⁸ Mukaambo aka, bantu balenge balatambula cimanya kumi, pele mukaambo ako kwanhvwiwa kuti ula zumanana kupona. ⁹ Alimwi, muciimo cakukanana, Levi, iwakalikutambula zhyimanya kumi, awalo wakapa zhyimanya kumi kwiinda muli Abraham, nkaambo Levi wakali mumubili waahikale ilyo Melchizedek naa kaswaanganya Abraham. ¹¹ Ono kuti kululama kwakali kukonzhyeka kwiinda mubupaizhyi ubwaba Leevi (kaiyi muli mbubo bantu bakatambula mulawo), kwali kuyandikila nzhyi uumbi mupaizhyi muciimo ca Melchizedek, wamana kataambwi kuba muciimo ca Aaron? ¹² Nkaambo naa bupaizhyi bwacincha, mulawo awalo weelele kucincha. ¹³ Oko zhyintu ezhyi nkozhyaambwa zhyaba kuli umbi muhyobo, oko kunyina naba omwi wakabeleka acipaililo. ¹⁴ Ono casalala kuti kuhvwa kuli Judah nkokwakazhyalwa Mwami wesu, luhvwubo ulo Musa ndwaatakaamba kukwatikizhya bapaizhyi. ¹⁵ Ncotwaamba cila salala umwi mupaizhyi naaboola muciimo ca Melchizedek. ¹⁶ Oyu wakaba mupaizhyi, watakali kuyanwa mukuyanda kwa mulawo, pele ansana zhya buumi butamani. ¹⁷ Mangwalo alapa bumboni bukwatikizhya nguwe: " Uli mupaizhyi iwakutamani uuli muciimo ca Melchizedek." ¹⁸ Kutali kuti malailile aakaindi akabikwa ambali nkaambo kakuti alikompeme alimwi ngamanimani - Mukuti mulawo kunyina ncowakali kululamika - ¹⁹ pele abwalo bulangizhyi bubotu bwaba, mwalo motuswena kuhwaahwi a Leza. ²⁰ Alimwi tiicakabulile cikonke! Bamwi bakaba bapaizhyi kakunyina cikonke, ²¹ pele wakaba mupaizhyi akukonkezhya kwiinda muli wakaamba kulinguwe, "Leza wakonkezhya alimwi takacinchi muyeeyo uwakwe: 'Webo uli mupaizhyi kukabe kutamani.'" ²² Muli ceeci Jesu awalo wakapa kukalilila kwa cihvwuminano cibotu. ²³ Bapaizhyi bakutaanguna bakali banji mumweelwe, mbokunga luhu lwakabakahya kuzumanana mumulimo. ²⁴ Pele nkaambo Jesu ulazumanana kupona kukabe kutamani, ukwete bupaizhyi ibukkalilila. ²⁵ Aboobo ulakonzhya kuhvwuna icakumaninina abo bahika kuli Leza kwiinda mulinguwe, nkaambo lyoonse ulapona kwiiminina mbabo. ²⁶ Ncobeni cakali kweelela kuti tube aa mupaizhyi mukando, uusalala, uunyina kampenda, uubalangala,waandeene kuhvwa kubabihyi, alimwi wasumpulwa atala lya mazeulu. ²⁷ Tayandiki, mbuli bamwi bapaizhyi bakando, kupa miyasilo yabuzuba abuzuba. kutaanguna iya zhyinyonyoono zhyakwe, alimwi kwamana aya zhyinyonyoono zhya bantu. Wakacicita ici lwiindi lomwi kwamana nakalyaaba ulwakwe mwini. ²⁸ Nkaambo mulawo ulabika mbuli bapaizhyi bakando bantu bakwete bubonhvwubonhvwu. Pele izwi lyacikonke, ilyakaboola kunze aamulawo, lyakasala Mwana Musankwa, iwalulamikwa kukabe kutamani.