¹ Mupaizhyi mukando oonse, weelele kusalwa abantu, mpoona ulacitwa kuti kababelekela mulimo akubaiminina kuli Leza, mulimo wakwe ngwakupa zhyipego alimwi azhyipo izhyazhyinyonyoono. ² Kakonzhya kubalanganya bazhyiminine abaabo bakacengwa akaambo kubula luzhyibo kwabo, nkaambo awalo ukwete buteteete. ³ Nkaambo kaako, awlo welele kupa cipaizhyo cazhyinyonyoono izhyakwe, umbona mbwacita kuzhyinyonyoono zhyabantu. ⁴ Kunyina muntu ulipa mulimo ooyu mulemu pe. Aakale, wiitwa a Leza, umbona Aaron mbwakaitwa. ⁵ Munzhyila njiyona, awalo Klisto takalipa akulisalazhya mwini kuti abe mupaizhyi mukondo. Pele,uyo uukanana kuli nguwe wakamwaambila kuti, "Webo uli Mwanaangu Musankwa; sunu mebo ndaba Bauso." ⁶ Cili umbubona mbwakaamba alimwi kuti, "Uli mupaizhyi kukabe kutamani uuli muciimo ca Melchizedek." ⁷ Mumazuba aabuntu bwakwe, Klisto wakalila kupa kulomba akukumbila icakoongolola amisozhyi kuli Leza, uuyelele kumuhutula kuhvwa kuluhu, alimwi wakanhvwiwa nkaambo kabuumi bwakwe ubwa buleza. ⁸ Nokuba kuti wakali ngo Mwana Musankwa, wakaiya kuhyomeka kuli kooko nkwaakapenga. ⁹ Wakaba muntu uusalazhyilwe akuba, wabaabo boonse bakamuswiilila, wakabamba luhutuko lutamani. ¹⁰ Leza wakamubika kuti abe mupaizhyi mukando mbubona mbuli mucilengwa chaa Melchizedek. ¹¹ Tulikwete makani manji manji aakwaamba Jeso, pesi nciyumu kwaapandulula kuli ndimwe nkaambo muli bahicinguni mukuteelela. ¹² Nokuba kuti ciindi cakkwana cakuti mukonzhye kuyiihya,muceelele kuti umwi amuyiihye zhyiiyo zhyakutaanguna izhya mazwi aa Leza. Muyandika mukupa, kutali zhyakulya zhyiyumuyumu! ¹³ Nkaambo kuhumbwa muntu uunywa mukupa tanazhyiba njiihyo zhyaamba bululami, nkaambo ucili mwana muhyoonto. ¹⁴ Pele zhyakulya zhyiyumuyumu nzhyabantu bahimine. Mbabaabo mukuhima kwabo bakazhyiba kwaandanya cibi a cibotu.