¹ Aboobo, mukuti cihyomyo cakunjila mukulyokezhya kwakwe cicihumizhiwa kwiimikilizhyiwa, atuyoowe, kutewa kubule umwi wenu utibule wahwa muli cciko. ² Nkaambo twakaambilwa mulumbe mubotu mbuli mbowakabele. Pele ooyo mulumbe towakagwaha kuli baabo batakaswaanana mubuhomi abaabo bakatobela. ³ Mukuti swebo notwakahoma tulanjila kulyookezhya, a mbuli mbwakaamba, "Mbuli mbundakakonkezhya mubukali bwangu, Kunyina nobaya kunjila mukulyookezhya kwangu." Nokuba boobo, milimo yakwe yakamani zhyuwa kuhwa kumatalikilo a nyika. ⁴ Mbuli mbwakabndika mumwi abuzuba bwa ciloba: "Alimwi Leza wakalyookezhya mubuzuba bwa Ciloba kuhvwa kumilimo yakwe yoonse." ⁵ Alimwi mucibeela eeci ncicona wakati, "Kunyina nobaya kunjila mukulyookezhya kwangu." ⁶ Muli kaako, cihaalila bamwi kuti banjile mukulyookezhya okuya, aboobo balo ciindi cakamana bakakambaukilwe mulumbe mubotu tibakanjila mukay akaanbo ka kutalilemeka kwabo. ⁷ Aboobo Leza wakabika buzuba bumwi, akubwiita kuti "Sunu," ciindi naakabangika kwiinda muli Davida muhi aamabala aambwa kale : "Sunu naa uteelele izwi lyakwe, mutayumyi myoyo yenu." ⁸ Naa kuti Joshua wakabapele kulyookezhya, Leza naatakabandika kukwatilizhya buzuba bumbi. ⁹ Aboobo bwahyaala buzuba bwakulyookezhya bwa Nsabata bwakabikwa ku bantu ba Leza. ¹⁰ Ooyo wanjila mukulyookezhya kunhvwa ku milimo, mbubwena mbuli Leza mbwakacita kuli yakwe. ¹¹ Aboobo atube aluyandihihyo kunjila mukulyookezhya okulya, kutewa kubule naba omwi uutiliyane mumuhyobo wakutalilemeka ngubakacita. ¹² Nkaambo Izwi lya Leza lilapona akubeleka akuboha kwiinda panga libohya koonse koonse. Lilagonka nokuba aandanina akukozhya kwaandanya mizeezo amakanze aa moyo. ¹³ Kunyina eeco cakalengwa calo cisisilwe kuli Leza, pele zhyoonse zhyili antangalala kumeso ayooyo walo ngotweelele kupa bumboni. ¹⁴ Nkakaako, mbotukwete mupaizhyi mukando uusumpukile akaindilila majulu Jeso mwana a Leza, atukwatilile cakuhikkimana mukweempwa kwesu. ¹⁵ Mbuli mbotutakete mupaizhyi usumpukile walo utakozhyi kubaa luse mubuteteete bwesu. Pele tulikete umwi alo muzhyila zhyoonse wakasunkwa mbuli ndiswe, pele buyo kunyina cibi. ¹⁶ Aboobo atuunke abuhicamba kucuuno ca luse a luzhyalo luya kugwahya muciindi cakubula.