¹ Kuciindi cakalekale Leza wakali kubandika kuli ba matata kwiinda mubanhinhimi zhyiindi zhyinji amuzhyila zhyinji. ² Pele kumazuba aya aakumamanino, ulabandika kuli ndiswe kwiinda mu Mwana wakwe, walo ngwakatondeka kuti abe nguyendelezhya zhyintu zhyoonse. Kwiinda muli nguwe Leza mwaakabamba majulu anyika. ³ Walo ngu mwenhya bulemu bwa Leza , mahimpe abwiimininzhyi bwa buntu bwakwe. Nguukwatilila zhyintu zhyoonse kwiinda muzwi lyansana zhyakwe. Naakamana kusalazhya zhyinyonyoono , wakaakukkalla kutanhyi lyalulyo lyabulemu ulwa uusumpukile. ⁴ Wakaba uusumpukile kwiinda bangele mbubona mbuli zhyina ndyakakona iliinda kubota kwiinda zhyina lyabo. ⁵ Nkuubangele nzhyi Leza nkwakaamba kuti , "Yebo uli Mwanaa ngu Musankwa, sunu ndaba Uso"? Na nkukubangele nzhyi Leza nkwakaamba kuti, " Mebo ndakaba wihyi, awalo ulakaba Mwanaangu Musankwa kuli ndime"? ⁶ Pele alimwi, Leza nakaleta mwana wakwe wakutaanguna munyika, wakaamba, "Bangele boonse abaka Leza beelele kumukomba." ⁷ Kukwatikizhya bangele wakaamba, "Walo ngonguwe wakabamba bangele myuuya, alimwi abatwanga bakwe mabangabanga aa mulilo. ⁸ Pele ku Mwanaa kwe wakaamba, "Cuuno cako ica bwami, Leza, ncakutamani akutamani. Musako uwa bululami ngo musako uwa bulelo bwako. ⁹ Webo ulabuyanda bululami akusula cinyonyoono. Akaambo kaako Leza, Leza wako. wakunanika amahuta aakukkomana akwiinda beenzhyinyoko. ¹⁰ Kumakankilo, Mwami, ndiwe wakayala intalihyo iya nyika. Izeulu njemilimo iya matanhyi aako. ¹¹ Zhyilakamaninina, pele yebo ulakazumanana. Zhyilakajujuka mbuli kabeela kacisani. ¹² Ulaka zhyihvwungaila mbuli cibaki, alimwi zhyilakacincha umbona mbuli kabeela kacisani. Pele webo ulimbubona tocinchi, a myaka yako taihimpi. ¹³ Pele nkukubangele nzhyi Leza nkwakaambile kuciindi cimwi kuti, "Kkala kululyo lwangu kuhiikila nkabambe bahinkondonyoko malyatilo aamatende aako"? ¹⁴ Hena taatewa bangele boonse njemyoza iibeleka, abo ibatuminwe kubelekela baabo bayakukono luhwutuko?