¹ Nkaambo kaako tweelele kupa kuteelela kulanhwu kuliceeco ncotwaka teelela, kwaamba kuti tutatantamunwi kuli ncico. ² Ikuti naa makani akakananwa kwiinda mubangele kuti alyeelele, alimwi mukulubizhya koonse a mububi butambulwe akweenzhyewa mbokweelele, ³ mbubuti hena mbotunga twahutuka naa twawiika bukando bwa luhutuko? Oolu ndoluhutuko kutaanguna ulwakaambilizhyiwa a Mwami alimwi akutambulwa kuli ndiswe abaabo ibakaluteelela. ⁴ Muciindi ncicona Leza wakaciyubulula kuzhyitondezhyo, zhyikankamanihyo, alimwi amumaleele andeene, alimwi akukumwaya zhyipego zhya Moza Usalala kweendelana aluyando ulwakwe. ⁵ Eeci ticakali kubangele balo Leza mbatakabambilile nyika iiboola, yolo eeyo njotukanana. ⁶ Pele umwi kumwi wakayubulula, kwaamba, "Muntu ninzhyi, nchomubikila maanu walo? antela mwana wamuntu, ncomubambilila? ⁷ Wakalenga muntu mukuceya kwiinda bangele; wakamusamika bulemu alimwi akulemekwa. ⁸ Wakacibika kuti cibe citondezhyo kumatende aakwe." Nkaambo cakali kuli nguwe kuti Leza wakabambila nguwe. Pele ono tatuna bona nzhyaakabambilwa. ⁹ Pele twamubona wakabambwa kuceya kwiinda banjele kwakaindi kahyoonto, Jeso, wakasamikwa abulemu alimwi akulemekwa nkaambo kakupenga kwakwe alimwi aluhu, kwaamba kuti kuluse lwakwe Leza akonzhye kulabila luhu lwa boonse. ¹⁰ Eeci cakali kweelele kuli Leza, nkaambo zhyoonse zhyakalibonya kuli nguwe alimwi akwiinda mulinguwe, kukuleta bunji bwa bana basankwa kubulemu. Cakeelela kuli nguwe kubamba iyintalihyo yaluhutuko lwabo ]kumaninina kwiinda mukupenga kwakwe. ¹¹ I boonse kuli usalazhya alimwi abasalazhyiwa bakwete mwiinzo omwi. Awo tali ansoni kubaita kuti mbanyina. ¹² Ulaamba, "Ndakakambauka izhyina lyako kubakwesu, ndakaimba lwiimbo lwako kuhvwa akati kambungano. ¹³ Alimwi alimwi, "ndakahyoma muli nguwe." Alimwi alimwi, "Bona, ndime uuno alimwi abana abo Leza mbaakampa." ¹⁴ Nkaambo kaako, akaambo ka kuti bana balaabana muluseba alimwi a bulowa, ulaabanya muzhyintu eezhyo munzhyila njiyona, kwaamba kuti kwiinda muluhu a koonzhye kunyonyoona yooyo uli ansana zhyaluhu, uuli, ngo dyabulosi. ¹⁵ Eeci cakaba mukuti aangulule boonse aabo bali mukuyoowa luhu bapone maumi aabo boonse munzhyila yabuzhyike ¹⁶ Imahimpe tabali bangele mbagwahya, pele ndunyungu lwaka Abraham. ¹⁷ Lino cakeelela kuli nguwe kuba mbuli bana bakwabo munzhyila zhyoonse, kwaamba kuti abe mupaizhyi mupati iwaluse uuhyomeka kukwatikizhya zhyintu zhya Leza, alimwi kwaamba abambe muyasilo wa zhyinyonyoono kubantu. ¹⁸ Nkaambo Jeso ulwakwe mwini wakapenga alimwi akusunkwa, ulacikonzhya kuyohvwa baabo ibasunkwa.