¹ Bangele bobile bakaboola ku Sodom mangolezhya, Lot kakele amulyango wa Sodom. Lot waka babona, wakayumuka kuba swaanganya, alimwi wakahungama abuhyu bwakwe anhyi. ² Wakati, ''Bona ono, ba himalelo bamgu, akaka amuhike kung'anda yamutwanga wenu, mukale mahiku, alimwi musambe kumaulu enu. Inga mwayumuka mahumohumo kuya nkomuya.'' Bakaingula, ''Nee, tula bumana buhiku muci buwaca manhyi.'' ³ Pele wakabazumanana, aboobo bakaunka angwe akunjila mung'anda yakwe. Wakabamba cakulya alimwi wakajika cinkwa cinyina mumena, alimwi bakalya. ⁴ Pele kabatana lala, balombwana bamu munhyi, balombwana ba Sodom, baka hyinguluka ng'anda, boonse bana aba kando, balombwana boonse kuhvwa muhibeela zhyoonse zhya munhyi. ⁵ Bakaita Lot, alimwi bakati kuli nguwe, ''Bali kuli balombwana bakuswaya aya mahiku? Balete kuli ndiswe, kutewa tubazhyibe.'' ⁶ Aboobo Lot wakaunka kumulyango kuli mbabo wavwa amane wakajala cijazhyo muhi lyakwe. ⁷ Wakaamba, ''Ndamulomba, bakwesu, mutaciti busonhwi. ⁸ Amubone ono, ndikwete bana bahimbi bobile batana zhyiba balombwana. Akaka imbalete kuli ndimwe, alimwi mucite kuli mbabo humbwa cibotu mumeso enu. Ibuyo mutaciti cintu ku balombwana aba, nkaambo bahika mung'anda yangu.'' ⁹ Bakati, ''Kovwa!'' Alimwi bakati, ''Oyu wakaboola buyo kukala mbuli muhvwa kule, ino waba buti mubetehi! Ono tula kusubula kwiinda mbabo,'' Baka mutonkelezhya cansana, Lot limwi cijazhyo cakayanda kuhwa. ¹⁰ Pele beenzu baka tambikizhya matanhyi abo akuleta Lot mung'anda ambabo alimwi bajala cijazhyo. ¹¹ Kumane beenzu baka Lot bakoohwaazhya bantu bakali ansengwe, boonse bashyoonto aba kando, cakuti bakatale kujana mulyango nobakali kusola kuujana mulyango. ¹² Ono balombwana bakati kuli Lot, ''Hena ulaumbi muno? Kuli batwele bana bako, bana bako basankwa alimwi abana bako bahimbi, alimwi aumwi ngokwete mu munhyi, baguhye muno. ¹³ Nkaambo tuyanda kunyonyoona munhi, nkaambo kabubi bwawo Leza watutuma kuti tuunyonyoone.'' ¹⁴ Lot wakaunka akwaambila batwele bana bakwe, balombwana bakali kuyanda kutwala bana bakwe, wakati, ''Kuhwambaana, amuvwe mubusena buno nkaambo Leza uyanda kunyonyoona munhi.'' Pele kubana bakwe balombwana bayanda kutwala bana bakwe bahimbi bakabona mbuli kuti ulasobana. ¹⁵ Nobwakayanda kuca, bangele bakaambila Lot, bakati, ''Koya ubwenze mukaintu wako alimwi abana bako bahimbi bobile abo ibaliko ono kutewa utaunkilizhyi mucisubulo camunhi.'' ¹⁶ Pele waka zhyozhyoota. Elyo balombwana baka kwata tanhyi lyakwe, atanhyi lyamukaintu wakwe, alimwi amatanhyi abana bakwe bahimbi, nkaambo Leza wakakwete luse kuli nguwe. Bakaba guhya, akubabika kunze amunhi. ¹⁷ Nobaka baguhya, umwi waba lombwana wakati, ''Amutiyaane muhutule maumi enu! Muta cebi, nokuba kukala mucibanda. Amutiiye kumalundu kutewa muta nyonyoonwi.'' ¹⁸ Lot wakati kuli mbabo, ''Nee, akaka, bahimalelo bangu! ¹⁹ Bona ono, mutwanga wenu wajana luse mumeso enu, alimwi mwanditondezhya lweetelelo lukando mukuvwuna buumi bwangu, pele nhyikonhyi kutiila kumalundu, nkaambo lunyonyooko lula ndyeezhya, ndahwa. ²⁰ Bona ono, munhi uli kokuya mushyoonto. Akaka, nditiile kokulya - hena tauli mushyoonto? - alimwi buumi bwangu buya kuvwunwa.'' ²¹ Wakati kuli nguwe, ''Mbubo, ndakuzuminhya kulomba kwako, kuti hika unyonyooni munhi ngowaamba. ²² Binda! tiiyana oko, nkaambo kunyina ndacita mane uhike kulya.'' Aboobo munhi wakatewa Zoar. ²³ Izuba lyakali paswile kale Lot naa kahika ku Zoar. ²⁴ Elyo Leza wakaloshya mulilo ku Sodom a Gomorrah sulfur alimwi amulilo uuvwa kuli Leza kuvwa kwizeulu. ²⁵ Wakanyonyoona minhi, alimwi acibanda coonse, alimwi azhyoonse zhyikala muminhi, azhyishanga zhyaka komena anyika. ²⁶ Pele muka Lot wakali munhyi lyakwe, wakalanga munhyi alimwi wakaba musemu wamwino. ²⁷ Abraham waka huma kubuka alimwi wakaunka kubusena nkwaivwi kutaanguna kumbele kwa Leza. ²⁸ Wakalanga anhyi kulanga ku Sodom a Gomorrah alimwi akulanga moonse munyika ya cibanda. Wakalanga alimwi wakabona, buhi bwakali kuhuka kuvwa munyika mbuli buhi bwa ceengelo. ²⁹ Elyo Leza naa kanyonyoona munhi yamu cibanda, Leza wakati Abraham mumizeezo yakwe. Waka mutuma Lot kuvwa akati kalu nyonyooko naa kanyonyoona minhi omo LOt mwakali kukala. ³⁰ Pele Lot wakavwa ku Zoar kuya kukala ku malundu abana bakwe bahimbi bobile, nkaambo wakayoowa kukala mu Zoar. Elyo wakakala mu mpako, walo abana bakwe bahimbi bobile. ³¹ Mukando wakati kumushyoonto, ''Taata wesu wacembaala, alimwi kunyina mulombwana unga woona andiswe kweendelana ahyila yanyika. ³² Koboola, taata atumunywinhye waini, mpoona tuoone anguwe, kutewa tubambe mazhyalane esu kwiinda muli taata.'' ³³ Aboobo baka munwihya waini mahiku ayo. Mpoona mwana wakutanguna wakanjila wakoona abaushi; taaka zhyiba naakalala, anaa kabuka. ³⁴ Buzuba bwaka cilila mukando wakati kumushyoonto, ''Teelela, awa mahiku ndalala aba taata. Atuba mwinhye waini mahiku ayebo, alimwi uunke ukalale ambabo kutewa tubambe mukowa wesu kwiinda muli ba taata.'' ³⁵ Elyo uhi baka munwihya waini mahiku ayo, awalo mushyoonto wakaunka walala anguwe. Kunyina naahyiba naa kanjila anaa kavwa. ³⁶ Aboobo boonse bana ba Lot baka minhyiwa aba ushyi. ³⁷ Mukando wakazhyala mwana musankwa, waka mwiita kuti Moab. Wakaba wamukowa waba Moabites basunu. ³⁸ Awalo mushyoonto mwana muhimbi, awalo wakazhyala mwana musankwa, alimwi wakamwiita kuti Ben-Ammi. Wakaba wamukowa wabantu ba Ammon basunu.