¹ Leza wakalibonya kuli Abraham mucibanda ca Mamre, mbuli bwaakakele amulyango wa tente mukupya kwa buzuba. ² Wakalanga kuzeulu alimwi, ima, wakabona balombwana botatwe bakali iivwi kutala lyakwe. Naa kababona, wakabatiyaanina kuba swaanganya kuhvwa kumulyango wa tente alimwi wabahwugamina. ³ Wakati, ''Mwami wangu, kuti naa ndayana luse mumeso aako, ndakomba mutamwiindilili mutwanga wenu.'' ⁴ Meenhi mashyoonto letwe, musambe kumatende, alimwi mulyoookezhye mucisamu. ⁵ Indete cakulya cishyoonto, kutewa mukalukwe, mwamana inga mwaunka nkomuya, mbokunga mwaboola kumutwanga wenu.'' Mpoona wakavwiila, ''Cita mbuli mboowamba. ⁶ Mpoona cakuhwambaana Abraham wakanjila mu tente kuli Sarah, alimwi wakati, ''Binda, bweza mitiba yotatwe ya fulawo, kanda, ubambe cinkwa.'' ⁷ Mpoona Abraham wakatiyanina mubutanga, wakubweza moombe mushyoonto mubotu, alimwi akupa mutwanga , alimwi cakuhwaambana waka mubamba. ⁸ Wakabweza cakulya amukupa, amoombe wakajikilwe, akubabinkila cakulya, wakaima alimbabo mucisamu nobakali kulya. ⁹ Bakati kuli nguwe, ''Nguli Sarah mwinako?'' Wakati, ''Nguulya, mu tente.'' ¹⁰ Wakaamba, ''Ncobeni njakuboola kuli ndiwe mu ciindi camupeyo, alimwi bona, Sarah mwinako uya kuba amwana musankwa.'' Sarah wakali vwile mumulyango wa tente, wakali kunuma lyakwe. ¹¹ Ono Abraham alimwi a Sarah bakali cembeele, bakali himpile mukokomena, alimwi Sarah wakali indile aciindi bamakaintu nobazhyala bana. ¹² Aboobo Sarah wakalisekala, walyaambya mwini, ''Mebo ndamana awalo himalelo wangu wakomena, hena ono inga ndaba abubotu obu?'' ¹³ Leza wakaamba kuli Abraham, ''Nkaambo nhyi Sarah waseka alimwi wati ncobeni, ''Hena inga ndazhyala mwana, mubu cembele.'' ¹⁴ Hena kuli ciyumu kuli Leza? Aciindi cabikilwa andime, mumu semuna, njakupiluka kuli ndiwe. Mbuli ciindi eci mwaka uboola Sarah uya kuba amwana musankwa.'' ¹⁵ Elyo Sarah wakakazhya alimwi wakaamba, ''Nhyiindaseka, ''nkaambo wakayoowa. Waka vwiila, ''peepe, waseka.'' ¹⁶ Elyo balombwana bakayumuka kuti baunke alimwi bakalange kuya ku Sodom. Abraham wakaunka ambabo kubatondezhya nhyila yabo. ¹⁷ Pele Leza wakati, ''Hena nhyise kuli Abraham nceyanda kucita, ¹⁸ mbokunga Abraham ncobeniuya kuba mukando alimwi cihyi cansana, alimwi mahyi oonse aanyika ayaku lelekwa muli nguwe? ¹⁹ Nkaambo ndamusala kuti akonhye kulailila bana bakwe alimwi abang'anda yakwe kuhvwa kuli nguwe kuti abambe nhila ya Leza, kucita bululami alimwi akweelele, kutewa Leza alete kuli Abraham enco caamba kuli nguwe.'' ²⁰ Elyo Leza wakaamba, ''Nkaambo kakulila kwa Sodom alimwi a Gomorrah nku kando, alimwi zhyinyonyoono zhyabo zhyili hyinihye, ²¹ Ono ndaselemukila nkuko alimwi nkabone kulila kwakulilila kwahika kuli ndime, naa ncobeni bacicita naa pe njakuhyiba.'' ²² Aboobo balombwana bakawvulukila nkuko, alimwi baunka kuya ku Sodoma, pele Abraham wakahyaala uli ivwi kumbele iya Leza. ²³ Mpoona Abraham wakahika wati, ''Hena uya kuba manizhya boonse baluleme ababihyi? ²⁴ Ndiza kuli bali makumi osanwe baluleme mumunhyi. Hena uya kumwaya munhi alimwi tokauleki nkaambo kabali makumi osanwe aba baluleme abo bali mumunhi? ²⁵ Tacili boobo kucita cintu camushyobo oyo, kujaya baluleme aba bihyi, kutewa baluleme balangwe mbuli babihi. Tacili boobo! Hena mubetehi wanyika yoonse taka citi cintu cili kabotu?'' ²⁶ Leza wakati, ''Naa ndanjana mu Sodom makumi abaluleme mumunhi, elyo njakuuleka munhi oonse nkaambo kabaabo.'' ²⁷ Abraham wakavwuwa wakati, ''Bona ono, njanda kukanana ku Mwami wangu, nokuba kuti ndi vwu alimwi aitwe! ²⁸ Hena kuti kuli bali bosanwe batakwani kuli makumi osanwe baluleme? Hena uya kunyonyoona munhi oonse nkaambo kabali bosanwe?'' Elyo wakati, ''Nheka unyonyooni, kuti ndajana bali makumi ali one kwabula bosanwe.'' ²⁹ Wakaamba kuli nguwe alimwi, wakati, ''Ino kuti kwajanika bali makumi one uko?'' Wakaingula, '' Nhyekaciti nkaambo kabali mukumi one.'' ³⁰ Wakati, ''Mutanyemi, Mwami, kutewa ng'ambe. Ambweni makumi otatwe baya kuyanika kulya.'' Wakaingula, ''Nhyekaciti kuti ndajana otatwe kulya.'' ³¹ Wakaamba, ''Bona ono, ndakozhya kubandika ku Mwami wangu! Ambweni makumi obile aya kuyanika oko.'' Wakaingula, nhyika inyonyooni nkaambo kabali makumi obile.'' ³² Wakati, ''Kaka utanyemi, Mwami, ndaamba eci ciindi comwe camamanino, Ndizhya bali kumi baya kujanika kulya.'' Elyo wakati, ''Nhyeka unyonyooni kaambo kabali kumi.'' ³³ Mwami wakunka munhila yakwe mbwaakamana buyo kwaambaula kuli Abraham, alimwi Abraham wakapiluka ku ng'anda,