¹ Eeci cakacitika mu mazuba aba Amraphel, mwami waku Shinar, Arioch, mwami wa Ellasar, Kedorlaomer, mwami wa Elam, aku Tidal, mwami wa Goyim, ² icakuti wakabamba nkondo aba ku Bera, mwami waku Sodom, Birsha, mwami waku Gomorrah, Shinab, mwami waku Admah, Shemeber, mwami waku Zeboyim, amwami wa Belem(wiitwa kuti Zoar). ³ Aaba bamami bali chisambomwe bakaswaangana antoomwe mwibanda lya Siddim (kakutewa lwizhyi lwamwino). ⁴ Ikumi lya myaka yobile baka mutobela Kedorlaomer, pele mumwaka wa kumi atutatu baka muzangila. ⁵ Mumwaka wakumi ayine, Kedorlaomer a bamami bakali aanguwe baka boola aku lwana ba Rephaim mu Ashteroth Karnaim, ba Zuzites mu Ham, ba Emites mu Shaveh Kiriathaim, ⁶ aba ma Horites mumu lundu wacihi ca Seir, kuhikila ku El Paran, cili muhimuhi aa lukula. ⁷ Kumane bakacinda muka akuboola ku En Mishpat (alimwi kaciitwa kuti Kadesh), akukoma mahi oonse aama Amalekites, alimwi aba Amorites bakali kukala mu Hazezon Tamar. ⁸ Mpoona mwami wa Sodom, mwami wa Gomorrah, mwami wa Admah, mwami wa Zeboyim, amwami wa Bela (kaitwa kuti Zoar) bakaunka akuli bambila kwa lumamba mwibanda lya Siddim ⁹ kulwana Kedorlaomer, mwami wa Elam, Tidal, mwami waku Goyim, Amraphel, mwami wa Shinar, Arioch, mwami wa Ellasar; bami bone kabalwana bali bosanwe ¹⁰ Ono mwibanda lya Siddim mwazhwile zhyilindi zhya ntimba, alimwi mbuli bamami ba Sodom a Gomorrah nobakatiya, bakawila mumo. Aabo bakahyaala bakatiila kumi lundu. ¹¹ aboobo bamami bakabweza zhyintu zhyoonse zhya Sodom a Gomorrah azhyintu zhyabo zhyoonse, akuya nkubakali kuya. ¹² Nobakaunka, bakatoleela a Lot, mwanaa munyina Abraim musankwe, wakali kukala ku Sodom atoomwe abunhwubi bwakwe boonse. ¹³ Omwe wakatiile wakaboola akwaambila Abram mu Hebrew. Wakali kukala munhimunhi a zhyisamu izhya oak zhyakali zhya Mamre, mu Amorite, wakali munyina a Eshkol alimwi a Aner, balo bakali balongwe ba Abram. ¹⁴ Ono Abram nakanhvwa kuti bahikondo bakwata musazhyinyina, wakasololela balombwana bakayiihwi bali myaanda yotatwe akumi alusele bakazhyalilwa mung'anda yakwe, akuba tobela kuhikila ku Dan. ¹⁵ Wakaapaula balombwana bakwe kuya ciindi ca mahiku, walo aba twanga bakwe, akubatobela kuhikila ku Hobah, kuli kunyika a Damascus. ¹⁶ Kumane wakapiluhya lubono, akupiluhya Lot azhyintu zhyakwe zhyoonse, alimwi abamakaintu abmwi bantu. ¹⁷ Abram nakapiluka mukuzunda Kedorlaomer abamami bakali aanguwe, mwami wa Sodom wakaunka kuya kumuswaanganya mwibanda ilya Shaveh (wiitwa kuti ibanda lya Mwami). ¹⁸ Melchizedek, mwami wa Salem, wakaleta cinkwa a waini. Wakali mu paizhyi wa Mwami Leza usumpukile. ¹⁹ Wakamuleleka kati, ''Alelekwe Abram a Mwami Leza usumpukile mulengi wa julu anyika. ²⁰ Alemekwe Leza usumpukile, ooyo wapa bahinkondonyoko mumatahi mwako.'' Mpoona Abram wakamupa cibeela ca nkumi izhya zhyoonse. ²¹ Mwami wa Sodom wakati kuli Abrsm, kondipa bantu, ubweze zhyintu zhyibe zhyako.'' ²² Abram wakati ku mwami wa Sodoma, ''Ndanyamuna matahi aangu ku Mwami Leza, usumpukile,mulengi wa julu a nyika, ²³ kuti hikabwezhyi kanweba, kaazhyo kampato, nokuba cimwi cintu cako, kutewa utakabi nowamba kuti, ''Ndakabamba Abram kuti anhvwube.'' ²⁴ Kunyina ncitibweze pele buyo eezhyo bana basankwe bakaunka andime. Amumuleke Aner, Eshkol, a Mamre batole zhyibeela zhyabo.