¹ Mulombwana wakamuzhyiba Eve mukaintu wakwe mpoona wakamita akuzhyala mwana Cain. Wakati, ''Ndazhyala mwana musankwa kwinda mukugwahiwa a Mwami Leza. ² Nokwamana wakazhyala mwanaakwabo musankwa Abel. Ono Abel wakaba muvubi wabanyama, pele Cain wakali mulimi wabulongo. ³ Cakacitika kuti nokwakainda ciindi Cain wakaleta imwi micelo ya mubulongo akupa cituuzhyo ku Mwami. ⁴ Walo abel, wakaleta bana bakusomona bazhyi nyama zhyakwe alimwi amahuta. Mwami wakatambula Abel amulumbo wakwe, ⁵ pele Cain amulumbo wakwe takautambula. Cain wakanyema, aku hulungana ameso. ⁶ Mwami wakati kuli Cain, ''Nkambozhi ncolemana kuba abushyu buhulungene? ⁷ Nawacita ciluleme, hena inga ntotambulwa? Pele na ntociti bululeme, cinyonyoono cilihvwi amulyango ciyanda kukwendelezhya, pele weelele kucizunda. ⁸ Cain wakamba kuli Abel mwanaakwabo. Caka citika kuti nobakali kumuunda, Cain wakahubukila Abel mwanaakwabo akumuyaya. ⁹ Mpoona Mwami wakati kuli Cain, ''Ino uli kuli Abel mwanakwenu? ''Wakahvwuwa wakati, ''Cita hezhyi. Hena mebo ndime inyembela mukwesu?'' ¹⁰ Mwami wakati, ''Ino ncizhyi eeci nchocita? Bulowa bwa munyoko bwandililila kuzwa anhi. ¹¹ Ono watukanwa yebo kuvwa kunyika, yajula mulomo kutambula bulowa bwamunyoko kuhvwa kumatahi aako. ¹² Wakwilima nyika, kuhvwa sunu taikakupi butebuzhyi bwelele. Ulaba hikweendenda akutuntulika anyika.'' ¹³ Cain wakaamba ku Mwami, ''Cisubulo ncikando hikozhyi kucinyamuna. ¹⁴ Kahimpe, wantanda buno buzuba kuhvwa munyika eeyi, alimwi uya kundiyubya kubushu bwako. Njakuba himweendenda ahimatuntuli munyika, alimwi kuhumbwa uya kundiswaanganya uya ku ndinjaya.'' ¹⁵ Mwami wakati kuli nguwe, ''Nakuti umwi akakuyaye, uya kupewa cisubulo kwa zhiindi cilomba.'' Mpoona Mwami wakabika citondezhyo ali Cain, kutewa nakukabe umujana, oyo muntu teelele kumulwana. ¹⁶ Mpoona Cain wakahvwa kubuhwu bwa Mwami akuunka kuya kukalila kunyika ya Nod, kwiwe amuunda wa Eden. ¹⁷ Cain wakamuzhiba mwinakwe mpoona wakamita. Wakazhyala mwana Enoch. Wakayaka munhi akuulika zhyina lya mwanaakwe musankwa Enock. ¹⁸ Kuli Enoch kwakazhalwa Irad. Irad wakaba wihi wa Mehujael. Mehujael wakaba wihi wa Methushael. Methushael wakaba wihi wa Lamech. Lamech wakatwala bamakaintu bobile. ¹⁹ Izhyina lyaumwi wakali Adah, umwi izhyina lyakwe wakali Zillah. ²⁰ Adah wakazhyala Jabal. Wakaba wihi wa baabo bakkala mumahvuka alimwi bali bavwubi babanyama. ²¹ Mwanakwabo wakali zhyina lya Jubal. Wakaba wihi wabaabo baali kuuma tutimbwa a mpeta. ²² Awalo Zillah, wakazhyala Tubal -Cain, muhuli wa bronze a lubulo. Mucizhyi wa Tubal-Cain wakali Naamah. ²³ Lamech wakaamba kubanakwe, ''Adah a Zillah, amuteelele kumazwi angu; nywebo nobamuka Lamech, amutelele mazwi aangu. Nkambo ndayaya muntu nkaambo wandiyasa, mwana musankwa nkaambo wancisa. ²⁴ Nakuti Cain waumwa zhyiindi ciloba, nkokuti Lamech ulaumwa zhyiindi zhyili makumi ali lusele alusele. ²⁵ Adam waka muzhiba mwinakwe, akuzhyala mwana musankwa. Waka mwiita zhyina lya Seth a kwaamba kuti, ''Leza wandipa mwana umbi musankwa abusena bwa Abel, kaambo Cain wakamuyaya.'' ²⁶ Mwana musankwa wakazhyalwa kuli Seth akumwiita zhyina kuti ngu Enosh. Aciindi eeco bantu ba kakankakwiita izhyina lya Mwami.