¹ Aaya ngamalembo alunyungu lwa Adam. Mubuzuba Leza mbwakalenga muntu, wakabamba kwiinda mucikonzyanyo cakwe. ² Mulombwana alimwi amukaintu wakabalenga. Wakabaleleka alimwi wakabaulika mazhina abuntu nobakalengwa. ³ Mpoona Adam naakapona myaka iili mwaanda amakumi otatwe, wakaba uhi wamwana musankwa mucikonkozya cakwe, nokwakamana cinkohya cakwe, alimwi wakaita izhina lyakwe kuti Seth. ⁴ Adam naakamana kuba uhi wa Seth, wakapona myaka lusele. Wakaba uhi wabana banji masankwa alimwi abahimbi. ⁵ Adam wakapona myaka iili myaanda mfwuka a makumi otatwe, alimwi mpoona wakahwa. ⁶ Seth naakapona myaka iili mwaanda a tosanwe, wakaba uhi wa Enosh. ⁷ Naakamana kuba uhi wa Enosh, wakapona myaka iili myaanda lusele a ciloba alimwi akuba uhi wabana banji basankwa abahimbi. ⁸ Seth wakapona myaka iili myaanda ifwuka amakumi obilo atubili, alimwi nokwakamana wakahwa. ⁹ Enosh naakapona myaka iili makumi fwuka, wakaba uhi mwana Kenan. ¹⁰ Naakamana kuba uhi Kenan, Enosh wakapona myaka iili myaanda lusele akkumi lyomwe ikumi lyomwe a tosanwe. Wakaba uhi wabana banji basankwa abahimbi. ¹¹ Enosh wakapona myaka iili myaanda fwuka a tosanwe, alimwi mpoona wakahwa. ¹² Kenan naakapona myaka iili makumi ciloba, wakaba uhi Mahalalel. ¹³ Naakamana kuba uhi wa Mahalalel, Kenana wakapona myaka iili myaanda lusele amakumi one. Wakaba uhi wabana banji basankwa abahimbi. ¹⁴ Kenan wakapona myaka iili myaanda fwuka a kkumi lyomwe, alimwi mpoona wakahwa. ¹⁵ Mahalalel naakapona myaka iili makumi cisambomwe atosanwe, wakaba uhi wa Jared. ¹⁶ Naakamana kuba uhi wa Jared, Mahalalel wakapona myaka iili lusele a makumi otatwe. Wakaba uhi waba banji basankwa a bahimbi. ¹⁷ Mahalalel wakapona myaka iili myaanda lusele a makuni fwuka a tosanwe, alimwi mpoona wakahwa. ¹⁹ Mpoona Jared wakapona myaka iili mwaanda makumi ciloba atobile ,wakaba uhi wa Enoch. Naakamana kuba uhi wa Enoch, Jared wakapona myaka ili myaanda lusele. ¹⁸ Wakaba uhi wabana banji basankwa alimwi abasimbi. ²⁰ Jared wakapona myaka iili myaanda fuka amakumi cisambomwe atobile, alimwi poona wakahwa. ²¹ Enoch naakapona myaka iili makumi cisambomwe atosanwe, wakaba uhi wa Mathuselah. ²² Enoch wakeenda a leza myaka iili myaanda yotatwa, nakamana kuba uhi wa Mathuselah .Wakaba uhi wabana basankwa banji aba himbi. ²³ Enoch wakapona myaka iili myaanda yotatwe amakumi cisambomwe atosanwe. ²⁴ Enoch waka pona myaka iili myaanda yotatwe amakumi cisambomwe atosanwe. ²⁵ Methusela naakapona myaka iili mwaanda omwe amakumi lusele aciloba, wakaba uhi Lamech. ²⁶ Naakamana kuba uhi wa Lamech, Methuselah wakapona myaka iili myaanda ciloba amakumi lusele ayobile. wakaba uhyi wabana banji basankwa alimwi abahimbi. ²⁷ Methuselah wakapona myaka iili myaanda fwuka a makumi ali ciloba a fwuka. Mpoona wakahwa. ²⁸ Lamech naakapona myaka iili mwaanda amakumi lusele a yobile, wakaba uhi wa mwana musankwa. ²⁹ Wakaita zhyina lyakwe kuti Noah, waamba, "Ooyu uya kutupa kulyookezya kuvwa kumilimo yesu alimwi akuvwa kukucisa kwakubeleka amatanhi eesu, ngotweelele kucita nkaambo kanhi Leza njaakatuka." ³⁰ Lamech wakapona myaka iili myaanda yosanwe amakumi fwuka atosanwe naakamana kuba uhi Noah. Wakaba uhi wabana banji basankwa alimwi abahimbi. ³¹ Lamech wakapona myaka iili myaanda ciloba amakumi ciloba a ciloba. Mpoona wakahwa. ³² Noah naakamana kupona myaka iili myaanda yosanwe, wakaba uhi wa Shem, Ham, a Japheth.