¹ Isaya nakacembaala ameso aakwe nakaba agubilizhi katacikozhi kubona, wakaita Esau, mwana wakwe musankwa wakutaanguna, akwaamba kuti kuli nguwe, ''Mwanaangu musankwa.'' Esau wakati kuli nguwe, ''Ndime waano,'' ² alimwi Isaya wakaamba, ''Bona ono, ndacembaala. Tandibuzhi buzuba bwaluhu lwangu. ³ Muli kooku bwaza zhyiwezezhyo zhyako, kahwimi kako abuta bwako, uunke musonkwe undiwezele munyama. ⁴ Undiikile cihu cibotu, nceyandihya, wamana ucilete kuli ndime kutewa ndicilye a kukuleleke nkitanahwa.'' ⁵ Ndilyona Rebekah wakahwa nakaamba Isaya kuli Esau mwanaakwe. Esau wakaunka mwisokwe kukuweza akuleta buyani. ⁶ Rebekah wakakanana kuli Jakobe mwanakwe musankwa akwaamba kuti, ''Langa kuno, ndamuhvwa uso kakanana ku mwana kwenu. kaamba kuti, ⁷ 'Kondiletela buyani bwa musokwe ubunjike, kutewa ndye ndamana ndikuleleke kubushyu bwa Mwami hitanahwa.' ⁸ Ono aboobo mwaangu musankwa, koteelela izwi lyangu mbuli mbweamba kuli ndiwe. ⁹ Koya kubutanga akundeetela twana twa mpongo tobile; ndamana ndijoke cakulya cibotu kuhwa kuli ntuto ca uso kuti alye, mbubona mbuli mbwayanda. ¹⁰ Ula cibweza umutolele uso, kutewa acilye, kutwa webo akuleleke kalutana hika luhu lwakwe. ¹¹ Jakobe wakati kuli Rebekah banyina, ''Langa, Esau mwanaakwesu ulaboya amubili wakwe, pele mebo ndimuntu unyina. ¹² Inga taata kaya kundi kwata amubili, alimwi njakulibonya kuli nguwe kuti ndimubehyi. Ndaliletela tuhi ali ndime kutali zhyileleko.'' ¹³ Banyina bakaamba kuli nguwe, ''Mwanaangu, nakuli ituhi aliboole kuli ndime. Koteelela izwi lyangu, koya, ulete kuli ndime.'' ¹⁴ Jakobe wakaunka akuya kuleta bana ba mpongo akubapa banyina, banyina bakayika cakulya cibotu, mbubona mbwakali kuciyanda wihi. ¹⁵ Rebekah wakabweza zhyakusama zhyibotu zhyaka Esau, mwanakwe mukando musankwa, zhyakali aanguwe mung'anda yakwe, akuzhyisaminka Jakobe, mwanakwe musankwa muhyoonto. ¹⁶ Wakamusamika zhyisalu inzhyatu pongo kumatahi aakwe amuhingo. ¹⁷ Wakabika cakulya cikwelelezhya cibotu alimwi acinkwa nchakabambile mumaanza amwanaakwe musankwa Jakobe. ¹⁸ Jakobe wakaunka kuli wihi akwaamba kuti, ''ba taata.'' Wihi wakati, ''Ndiwaano ndime; ino ndiweni, mwanaangu musankwa?'' ¹⁹ Jakobe wakati kuli wihi, ''Ndime Esau mwanaako wakutanguna. Ndacita mbubona mbokaamba kuli ndime. Ono konkala alimwi ulya buyani, kutewa undileleke mebo.'' ²⁰ Isaya wakaamba kumwanaakwe musankwa, ''Ino wahwaambana buti kuciyana cakuhwambaana, mwanaangu? Wakaamba, ''Nkaambo Mwami wako wacileta kuli ndime.'' ²¹ Isaya wakaamba kuli Jakobe, ''Koswena munhi lyangu, kutewa ndicikozhye kukukwata, mwanaangu musankwa, akuti ndizhyibe kuti naa ndendiwe mwanaangu musankwa Esau na toli nguwe.'' ²² Jakobe waka unka kuli Isaya wihi; mpoona Isaya waka mwaampampa akuti, ''Izwi linvwika kuti ndizwi lya Jakobe, pele matanhi alinhwihya kuti nga Esau.'' ²³ Isaya wakakakilwa kumuzhiba, nkaambo maboko aakwe akali aboza, mbuli amwanakwabo Esau, mpoona Isaya waka muleleka walo. ²⁴ Wakaamba, ''Hena ndiwe nchobeni mwanaangu Esau?'' Wakahvuwa, ''Ndime.'' ²⁵ Isaya wakati, ''Koleta cakulya kuno kuli ndime, kuti ndilye kumunyama wako, kutewa ndikuleleke.'' Jakobe wakaleta cakulya kuli nguwe. Isaya wakalya, alimwi Jakobe wakamuleleka awine, wakaunywa. ²⁶ Wihi Isaya wakati kuli nguwe, ''Koboola munhi lyangu ono alimwi undimyonte, mwanaangu.'' ²⁷ Jakobe wakaswena munhi munhi wamumyonta wihi, waka nuhizhya bweemya bwa zhyikobela zhyakwe akumuleleka walo. Wakamba, ''Amubone, bweenya bwa mwanaangu musankwa buli mbuli bweenya bwa mumuunda kuti Mwami mbwa leleka. ²⁸ Leza akupe caabilo camume wakwi zeulu, cabilo ca kukwatihya kwanyika, amaila manji awine mupya. ²⁹ Mikoa minji ikubelekele a mahi manji akuhvwuntamine. Ube mwendelezhyi kubana bakwenu, alimwi bana basankwa babanyoko bakuhvwuntamine. Kuhumbwa yooyo ukutukana atukanwe; kuhumbwa yooyo ukuleleka alelekwe.'' ³⁰ Kuhwaambana buli Isaya nakamana kuleleka Jakobe, alimwi Jakobe mbwakahwila kuhwa kubuhyu bwa Isaya wihi, Esau mwanakwabo wakahika kuhwa kukuweza. ³¹ Awalo wakaika cakulya cibotu akucileta kuli wihi. Wakati kuli wihi, ''Taata, kobuka unkkale akulya cakulya camunyama camwanako, kutewa undileleke.'' ³² Isaya wihi wakwe wakati kuli nguwe, ''Ino ndiwe ni?'' Wakamba, ''Ndime mwanaako, mwanaako wakutaanguna, Esau.'' ³³ Isaya waka kankama kapati akwaamba, ''Ino nguni waka weza munyama akuleta kuli ndime? Ndailya yoonse kotana hika, alimwi nda muleleka.'' Canco beni, ulilelekelwe.'' ³⁴ Esau nakanhvwa mazwi a wihi, wakalila acililo cikando alimwi akulila kwabukali, akwaamba kuli wihi, kondileleka, andime, taata.'' ³⁵ Isaya wakati, ''Mwanaakwenu waliko kuno wandiunina alimwi akubweza cileleko cako.'' ³⁶ Esau wakati, ''Hena taulikilwe kabotu kuti nguJakobe? Nkaambo wandicenga zhyiindi zhyobile. Wabweza zhyileleko zhyabuzhyale bwangu, alimwi, amubone, ono wanditolela zhyileleko zhyangu.'' Mpoona wakaamba, ''Hena kunyina acileleko nconjo bwela?'' ³⁷ Isaya wakahvwuwa akwaamba kuli Esau, ''Langa, ndamubika kuti abe mwendelezhi wako, alimwi ndamupa kuti boonse bana bakwabo babe batwanga bakwe, alimwi ndamupa maila a wine mupya. Ino nkunji zhyi nkwinga ndakucitila, mwanaangu?'' ³⁸ Esau wakaamba kuli wihi, ''Hena kunyina nociba comwe cileleko cangu, taata angu? Kondileleka, andime ambebo, taata wangu.'' Esau wakalila ca kongolola. ³⁹ Isaya wihi wakahvwila akwaamba kuli nguwe, ''Langa, busena nkohvwa buli sakene kuzwa kubuhvubi bwanyika, kule amume wajulu atala. ⁴⁰ Kuzwa kucheba uya kupona, alimwi uya kumubelekela mwanakwenu. Pele wakuzanga uya kukompoola joko kuhvwa muhingo yako.'' ⁴¹ Esau wakaba amumyono kuli Jakobe nkaambo ka cileleko wihi ncaka mupa. Esau wakati mumoyo wakwe, ''Mazuba akomooka taata ahwiimpa; kwamana njakumuyaya mukwesu Jakobe.'' ⁴² Mazwi aka Esau mwanakwe mukando akaambwa kuli Rebekah. Aboobo wakatuma akumiita Jakobe mwanakwe muhyonto akwaamba kuti kuli nguwe, ''Langa, mwanakwenu Esau ula lyumbulizhya akaambo kako ukanza kwiinda mukukanza kwakukuyaya. ⁴³ Ono muli kooko, mwanaangu musankwa, konditeelela atiye akuya kuli Laban, mwanakwesu, ku Haran. ⁴⁴ Ukakkale anguwe kwa ciindi, kuhikila bukali bwa mwanaakwenu buceye, ⁴⁵ kuhikila bukali bwa mwanaakwenu buhwe kuli ndime, alube kuli ceeco nchoka mucitila. Kwamana njakukwiita alimwi akukupiluhya kuhuwa kokuya. Nkambozhi nceti sweekelwe ndinywe nobile mubuzuba bomwe? ⁴⁶ Rebekah wakaamba kuli Isaya, ''Ndabusulaika buumi nkaambo kabana bahimbi ba Heth. Nakuti Jakobe amubweeze omwe kuti abe mwinakwe, mbuli bamakaintu aaba, bamwi bahimbi bamunyika, ino buumi bwangu buya kuba abubotu nzhi kuli ndime?''