¹ Ono mwami wakati kuli Abram, "Koya konvwa mucihi cakenu, akubasazhyinyoko, abang'anda yabauso, unke kunyika njitikutondezhye. ² Muli nduwe njakubamba kuba cihi cikando, alimwi njakukuleleka, alimwi akusumpula izhyina lyaka, alimwi uyakuba cileleko. ³ Abo bayakukuleleka njakubaleleka, oyo utakwe kuya kulemeka njakumutuka. Muli nduwe yoonse mikwahi ya nyika iyakulelekwa." ⁴ Elyo Abram wakaunka, mbuli Mwami mbwakamwambila kucita, awalo Lot wakaunka anguwe. Abram wakali a myaka ciloba ayosanwe yakuzhyalwa nakavwa mu Haran. ⁵ Abram wakamutoleezhya Sarai, mukaintu wakwe, Lot, mwana wamunyina, alubono loonse ndobakanhyuwile, abantu mbakakwete mu Haran. Bakavwa kuya kunyika ya Canaan, alimwi akuya kuhyika mu nyika ya Canaan. ⁶ Abram wakainda munyika kuyakuhyika ku Shechem, ku cinvwuna caku Moreh. Muciindi eco bama Canaaite bakali kukkala munyika eeyi. ⁷ Mwami wakalibonya kuli Abram, alimwi wakati, "Kulunyungu lwako ndakupa nyika." Elyo awo Abram wakayaka cipaililo ca Mwami, walo wakalibonya kuli nguwe. ⁸ Kunvwa waawo wakaunka kunyika ya malundu kwiwe a Bethel, oko nkwakaakuyaka cinvwuka cakwe, Bethel wakali kumbo kakuli Ai wakali kwiwe. Oko wakakuyaka cipaililo ca Mwami alimwi wakaliita izhyina lya Mwami. ⁹ Ono Abram wakazumanana mu lweendo, kaya kagama ku Negev. ¹⁰ Kwakaba inzala mucihi, Elyo Abram wakaunka ku Egypt kuyakukkala, nkaambo inzala yakali inkali mucihi. ¹¹ Nakali kuyeeya kunjila mu Egypt, wakaambila Sarai mukaintu wakwe, "Bona ono, ndilizhyi kuti uli mukaintu mubotu. ¹² Bantu baku Egypt bakubona bayakwaamba kuti, 'Ooyu mukaintu wakwe,' aboobo balakandiyaya, pele webo tabakakuyayi. ¹³ Ukabaambile kuti webo ulimucizhyi wangu, kutea kuti bandilanganye kabotu kwiinda muli ndiwe, alimwi kutewa buumi bwangu buhywutuke kwiinda akaambo kandiwe." ¹⁴ Nocakahika ciindi Abram naknjil mu Egypt, bana Egypt bakabona kuti Sarai wakali mubotu. ¹⁵ Bana basankwa baka Pharaoh bakamubona, bakamulumbaizhya kubota kuli Pharaoh, elyo mukaintu wakatolwa ku ng'anda yka Pharaoh. ¹⁶ Pharaoh wakamubamba kabotu Abram akaambo kakwe, alimwi Abram wakapewa mbelele a ng'ombe alimwi abasune bama donki, batwanga balombwana, bamakaintu batwanga, ma donki mapwizhyi alimwi a nkamela. ¹⁷ Mpoona Mwami wakawaalila Pharaoh aba mukwahyi wakwe malwazhyi mabyaabi akaambo ka Sarai, mukaintu waka Abram. ¹⁸ Pharaoh wakamwiita Abram, wakati, "Nizhyi eeci ncocita kuli ndime? Ino nizhyi ncotakandaambila kuti wakali mukaintu wako? ¹⁹ Ino nizhyi ncokamba, 'Mucizhyi wangu,' kutewa kuti ndimubweze kuba mukaintu wangu? Aboobo ono, ngooyu mukaintu wako. komutola, alimwi koya uunke." ²⁰ Elyo Pharaoh wakapa malailile kubantu bakwe cikwatilizhya nguwe, aboobo bakamutanda, antoome amukaintu wakwe azhyeezhyo zhyoonse zhyakakwete.