¹ Muusa wakabunganya lunyungu lyoonse lwa bantu ba Isulaili wakati, ''Ngaya makani Mwami nga mulailila kucita. ² Mumazuba ali cisambomwi amubeleke, pele kuli ndimwe, buzuba bwa ciloba bwelele kuba buzuba busetekeni, insabata ya kulyookezhya kwini, busetekene ku Mwami. Kuhwumbwa ubeleka mubuzuba oobu, welele kuyaiwa. ³ Tamweelele kukutula mulilo mu minhi yenu mubuzuba bwa nsabata.'' ⁴ Muusa wakakanana kumbungano lyoonse ya kubantu bana Isulaili, wakati, ''Eeci ncicintu Mwami camulailila. ⁵ Kamutola mulumbo ku Mwami, mwebo noonse nomukwete moyo ulyaabile. Kamuleta mulumbo ku Mwami - ngolide, insiliva, mukuba, ⁶ nyanzabili, mweemvwe,alimwi azhisalala pyuu, amasani atuba ; aboya bwa mpongo; ⁷ cikutu ca mwana wa mbelele cipentelwa zhyisubila alimwi mabotu a cikutu; amubanga; ⁸ mahuta amuma lambe, tununkilizhyo twa mumahuta akunanika amutunkilizhyo, ⁹ mabwe aaonu, alimwi amabwe mayandishyi oonse. ¹⁰ Kuhwumbwa muntu mukwabikwabi akati kene, uleelele kuletwa kuzhyi kubeleka mulimo Mwami ngwalailila - ¹¹ itabanikele ama tente, zhyihumbilizhyo, zhyakuhimpa, zhikwabilizhyo, tubulo, zhyakubinka, alimwi azhyakunsi; ¹² alimwi abbolesi azhyisamu zhyayo, ntapa usetekene, alimwi acchijazhyo . ¹³ Bakaleta tebule atusamu twalyo twakwiimika, alimwi azhyibelehyo lyazhyo, acinkwa cakuyanika; ¹⁴ ciimino ca lambe kumumuni, azhyibelehyo zhyazhyo, lambe, amahuta amulambe; ¹⁵ cibikilo atunukilizhyo aciimino cazhyo, mahuta akunanika atununkilizhyo' alimwi azhya mulyango unjilila ku tabanekela; ¹⁶ cipaililo akuumpila mulumbo azhyibelehyo ca mukuba atusamu twayo alimwi azhyibelehyo zhyazhyo zhyiyandika. ¹⁷ Zhyihitilizhyo zhyalubuwa ,alimwi azhyisamu zhyakwiimika, azhyakukazhyika azhyihyitizhyo zhya lubuwa. ¹⁸ Inkaka zhya tzbenikele, imkaka zhya lubuwa antoomwe antambo. ¹⁹ Bakaleta zhyikobela zhyakubelehya abusena busetekene, hikobelo zhyisetekene zhya Aloni mupaizhyi alimwi abana bakwe basankwe, kuti kababelehya mbuli bapaizhyi. ²⁰ Mpoona imnbunga yoonse ya Isulaili bakavwa kubuhyu bwa Muusa. ²¹ Boonse baka lyaaba mumuya bakaboola kuleta zhyipo ku Mwami zhya kuyahya tabanekela, alimwi abugwaligwali bwakali kuyandika kubelehya , alimwi azhyisani busetekene. ²² Bakaboola, balombwana abakaintu, boonse bakali amyozo yakalyaaba. Bakaleta zhyihita, atucoco, anwenwe mushobo oonse wangolide. Boonse bakampa mulumbo wa golide mbuli kulemeka ku Mwami. ²³ Alimwi kuhwunbwa wakakwete masani a nyazabili, cikambwe, na asubila pyuu, naa antuba nakalukilwe kabotu, naa boya bwa mpongo, acikanda ca mwana ambelele. ²⁴ Boonse bakali ngolide, insiliva bakazhyileta mbuli mulumbo ku Mwami, alimwi kuhwumba waka kwete masumu amuunga wakubelehya wakaleta. ²⁵ Kuhwubwa mukaintu ,usengwe esngwe kukusuma amatahi akwe wakaleta zhyakusuma - zhyanyazabili, zhya mweemvwe,zhyisubila pyuu alimwi azhyituba. ²⁶ Bamakaintu boonse bakakondwa bakacihi kusuma boya bwa mpongo. ²⁷ Basololi bakaleta mabwe a onyx alimwi amabwe ambi mayandihyi kusoma mu ephod alimwi azhyakubika acamba;

²⁸ bakaleta tununkilizhyo alimwi a mahuta amuma lambe, amahuta akunanika, alimwi atununkilizhyo. ²⁹ Bantu bamu Isulaili bakaleta mulumbo wakulyaaba ku Mwami; kuhwumbwa mulombwana a mukaintu zhyibelehyo Mwami zhyakalailila kuli Muusa kuti zhyiletwe. ³⁰ Muusa wakati kubantu bana Isulaili, ''Mubone, Mwami waita izhyina lya Bezalel mwana wa Uri waku Hur, kuhwa ku mukowa wa Judah. ³¹ Wazuzhya Bezalel a Mozo wakwe, kumupa busongo a luhibo abusengwe sengwe bwabu fwazhyi, ³² kuti abambe milimo ya busengwe sengwe alimwi aluzhybo lwa kubamba golide, nsiliva alimwi a mukuba; ³³ alimwi akukosola mabwe mayandihyi akubamba mupulanga - kuti boonse bubambe bubotu abuhwahyi. ³⁴ Wabika mulingwe luhibo mumozo wakwe lwakuihya, boonse Oholiab mwana wa Ahisamak, kuhwa kumukowa wa Dan. ³⁵ Wabazuza luhibo lwabu sengwe sengwe bwa bahwazhyi abwakuhwazhyi kuti babambe mulimo yoonse iyandika alimwi amilimoyakusuma. Bu kwabi kwabi muli zhyoonse zhyintu.