¹ Mweelele kubamba malailile oonse nginda mupa sunu, kutewa mupone alimwi muvwule, alimwi muunke munjile mukakale Mwami njakakonka kuli bamauso. ² Mwiibaluke mumizeezo hyila zyoonse Mwami zya musololela mumyaka eyi makumi one mulukula mukuti mootomane, mukuti amusunke kuhyiba cakali mumyoyo yenu, akuti naa mulakozya kubamba milawo yakwe naa pe. ³ Wakamubatamika, alimwi wamujazya nzala alimwi wakamusanina manna, ngomwatakahyi alimwi abalo bamauso tiibakahyi wakacita obo kutewa muhyibe kuti takuli kwalo kuponya muntu; naa, nkwiinda muli ceeco coonse civwa mumulomo wa Mwami ono bantu mobaponena. ⁴ Zyisani zyenu tiizyakazapauka akuloka kuvwa kuli ndimwe, amatende enu kunyina naaka himba mulweendo lwamyaka iili makumi one. ⁵ Mulayeeya mumyoyo yenu, mbuli muntu mbwalaya mwana, awalo Mwami Leza wenu mbwamulaya. ⁶ Mwiibambe milawo ya Mwami Leza wenu, kutewa mweende munhyila zhyakwe akumulemeka. ⁷ Nkaambo Mwami Leza wenu wamuleta kunyika imbotu nyika yatulonga twa meenhyi, yamunzo ya buntolo, iikunka mwibanda akati ka malundu; ⁸ nyika yabulotwe, alimwi abuci, ya zyihiko, zy mukuyu alimwi atununkilizyo, nyika zyisamu zya olive alimwi abuci. ⁹ Nyika njomutakwe kulya cilyo mucete alimwi momutakabali cintu; inyika mabwe anjiyo akabambwe alubulo, alimwi mumalundu ayo muya kunhya copper. ¹⁰ Muya kulya akukuta, alimwi muya kumulemeka Mwami Leza nkaambo kanyika mbotu njaamupa. ¹¹ Amucenjele kuti mutalubi Mwami Leza wenu kwiinda mukukilwa kubamba milawo yakwe alimwi amalailile alimwi ambeta zyakwe ezyo zyemulailila sunu. ¹² Abula coolwe, mwalya akukuta, alimwi mwayaka maanda mabotu akupona muli ngayo, myoyo yenu ilalisumpula. ¹³ Amucenjele matanga naavwula alimwi silver yenu a golide nizyavwula, alimwi azyoonse zyomukwete nozyavula. ¹⁴ Myoyo yenu noya lisumpula mwaluba Mwami Leza, wakamuleta kuvwa munyika ya Egypt, kuvwa mung'anda yabuzyike. ¹⁵ Mutamulubi wakamuleta kwiinda mulukula luyoohya anzoka zyijaya alimwi atubanze alimi yanyota mwalo mwakanyina meenhyi, wakamuletela meenhyi kuvwa mwibwe liyumu nta. ¹⁶ Wakamusanina mulukula amanna ayo bakulukulu benu ngobatazyi, kutewa amubatamike alimwi a amusole, kumucitila bubotu kumamanino, ¹⁷ pele mulakonzya kwaamba mumyoyo yenu, 'Nsana zyangu abuyumu bwatanhyi lyangu ndajana lubono olu.' ¹⁸ Pele mulayeeya mumizeezo yenu Mwami Leza wenu, nkaambo ngongue uumupa nsana zyakujanya lubono, kuti mukozye kubika civwuminano eco ncaakakonka kuli bamauso, mbuli mbocibele sunu. ¹⁹ Ciya kucitika kuti, naa mukamulube Mwami Leza alimwi akweenda aba leza bambi, mwabakomba alimwi akuba lemeka, ndahinizya kuli ndimwe sunu kuti ncobeni muya kunyonyooka. ²⁰ Mbuli manhyi Mwami ngacitya kuti anyonyooke kumbele lyenu, elyo muya kunyonyooka, nkaambo tamuteeleli izwi lya Mwami Leza.