¹ Mpoona Mwami Leza wenu wamuleta munyika eeyo njomuya kupewa, uya kutanda mahi kumbele lyenu- bana Hittites, bana Girgashies, bana Amorites, bana Kenaani, bana Perizzi, bana Hivite, alimwi abana Jebusi- mahi aali ciloba makando alimwi akwete nsana kwiinda ndimwe. ² Mwami Leza wenu nguubapa kuli ndimwe nomubakoma, alimwi mulleelele kuba zonyoona caku maniina. Mutakabambi civhuminano ambabo, alimwi mutakaba tondezhi luse. ³ Mutakabi nomuya kutwalana ambabo. Mutakabi nomuya kupa bana benu bahimbi kubana basankwa babo, alimwi mutakabi nomuya kubweza bana babo bahimbi kubaletela bana benu. basankwa ⁶ Nkaambo muli cihi cibikilwe ambali ku Mwami Leza wenu. Wamusala kuti mube bantu bakwe baa kaama, kwiinda muvhwele vhwele wa bantu boonse bali atala aya nyika. ⁷ Mwami taakabika luyando lwakwe ali ndimwe nokuba kumusala nkambo mwakali banji kumweelwe kwiinda bamwi bantu- mwakali kwiinda kuceya ku bantu boonse - ⁸ pele nkaambo ula muyanda, alimwi ulombozhya kubamba cikonke eco ncaakatondezhya kuli ba mauso. Nkakaambo aaka Mwami wamuleta atanhi likwete nsana alimwi akumunununa kuhvwa mung'anda yabwaange, kuhvwa kwitanhi lya Faalo, mwami wa Egipiti. ⁹ Aboobo amuzhyibe kuti Mwami Leza wenu - ngo Leza, Leza uuhyomeka, uubamba zhihvuminano alimwi ulahyomeka ku cuulu camisela cabaabo ba muyanda alimwi akubamba milawo yakwe, ¹⁰ pele ulaka basubula batamuyandi ku buhyu bwabo, kuba zonyoona; takabi mubohvu ali yooyo utamuyandi; ulaka musubula kubuhyu bwakwe. ¹¹ Aboobo uya kubamba milawo yangu, malailile, alimwi amilawo eeyo njinda kulailila sunu, kutewa ukaicite. ¹² Naa mwateelela kumalailile aaya, alimwi akwaabamba alimwi akuzhicita, ciya kucitika kuti Mwami Leza wenu uya kubamba cihvuminano amwebo alimwi akuhyomeka ooko nkwaaka hyomezhya kuli ba mauso. ¹³ Uyaku muyanda, kumuleleka, alimwi akumuhvwuzhya. Uya kuleleka mucelo wada lyenu, mucelo wa inhi yenu - inseke yenu, waini wenu mupya, alimwi amahuta eenu - boombe bamatanga eenu alimwi abana bamatanga aambelele munyika eeyo njaaka hyomezhya bamauso kuti amupe. ¹⁴ Muya kulelekwa kwiinda bantu bambi boonse; takukayanwi musankwa musundi nokuba muhimbi musundi akati kenu nokuba akati kazhihvwubwa zhyenu. ¹⁵ Mwami uya kukwihya malwazhi oonse kuhvwa kuli ndimwe; kunyina nokuba bomwi bulwazhi buhyaabi mbomwakazhi mu Egipiti buya kubikwa atala lyenu, pele uya kwaabika atala lyabaabo boonse batamuyandai. ¹⁶ Muya kubamena bantu boonse aabo Mwami Leza wenu mbaya kupa kuli ndimwe, alimwi liso lyenu talika bahwili luse. Kunyina nomuya kukomba tuleza leza twabo, nkaambo aako kayakuba kooze kuli ndimwe. ¹⁷ Naa mwaamba mumoyo wenu, 'Aaya mahi manji kwiinda ndime; mbubuti mbwinga ndabanyanga?- ¹⁸ mutabayoowi; mukayeeye Mwami Leza wenu ncaakacita kuli Faalo alimwi aku bana Egipiti boonse; ¹⁹ mapenzhi makando meso eenu ngaakabona, zhitondezhyo, zhyigambya, tanhi lili ansana alimwi akuboko kutandabele kwiinda muli nkuko Mwami Leza wenu uya kucita mbubona kubantu boonse aabo mbomuyoowa. ²⁰ Nokuba boobo, Mwami Leza wenu uya kutuma muluso akati kabo, kuhikila limwi abo bahyaala alimwi abaabo bamuyuba bamaniine kuhvwa kuli ndimwe. ²¹ Tamuka kanduki kuli mbabo nkaambo Mwami Leza wenu uli akati kenu, Leza mukando alimwi uyoohya. ²² Mwami Leza wenu uya kwaakwihya mahi aayo ali kumbele oonse lyenu ahyoonto hyoonto. Tamukaakomi oonse ciindi comwi, nokuba banyama ba mwisokwe baya kuhvwa bamuzhingulukile. ²³ Pele Mwami Leza wenu uya kumupa kuzunda mwaakuswaangana ambabo mulumamba; uya kuba nyonganya cansana kuhikila limwi bazonyooka. ²⁴ Uya kubika bamami babo kuti muka beendelezhye, alimwi muya kubamba zhina lyabo kumaninina kuhvwa anhi aa zeulu. Kunyina uya kucikozhya kwiima kumbele lyenu, kuhikila limwi mwabazonyoona. ²⁵ Muya kuumpa zhibeze zhya tuleza leza twabo- mutalombozhyi nsiliva nokuba ngolide eyo ibahvumbilile alimwi akuli bwezela lwenu nobeni, nkaambo naa mwacita, mulacewa ancico - nkaambo ncisesemyo ku Mwami Leza wenu. ²⁶ Mutakaleti kuhumbwa cisesemyo mung'anda yenu alimwi akutalika kucikomba. Mutakali swaanganyi alimwi mucileke nkaambo cibambililwa luzonyooko.