¹ Ono twakanyona akuunka munhila yaku Bashan. Og, imwami waku Bashan, wakaboola alimwi akutulwana, walo abantu bakwe boonse, kutulwana ku Edrei. ² Leza wakati kuli ndime, 'Mutamuyoowi; nkaambo nyebo ndamupa kukoma a bantu bakwe boonse alimwi a nyika yakwe kubweendelezyi bwenu. Muya kucita kuli nguwe mbuli mbomwakacita Sihon, mwami waba Amorites, wakali kukala ku Heshbon.' ³ Aboobo Mwami Leza wesu watupa swebo kukoma Og mwami wa Bashan, alimwi abantu bakwe boonse bakabikwa mubweendelezyi bwesu. Twakabajaya boonse kuhikila limwi kunyina wakacaala naba omwe kuli nguwe. ⁴ Twakabweza minhyi yakwe yoonse kuciindi cilya. kunyina nauba munhyi omwe ngotwakabweza akati kaminhyi iili makumi cisambomwe ngotwatakabweza kuvwa kuli mbabo- coonse cooko ca Arab, bulelo bwa Og mu Bashan. ⁵ Eeyi yoonse yakali minhyi yakayakilwe abwaanda bulanhwu, milyango, alimwi ahyibulo zyilandabala ezyi kuba kuminhyi mini yatakayakilwe. ⁶ Twakamanizya kubanyonyoona, mbuli mbotwakacita kuli Sihon mwami wba Heshon, kumanizya kunyonyoona boonse balombwana bamumunhyi- alimwi abakaintu alimwi abana. ⁷ Pele zyivwubwa zyoonse alimwi azyisaalo zyamumunhyi twakazyitola mbuli zyisaalo zyesu. ⁸ Kuciindi eeco, twakabweza nyika kuvwa mumatanhyi aba mami bobilo baba Amorite, bakali kutala lya Jordan, kuvwa kucibanda ca Arnon kuhika kumulundu wa Hermon ⁹ (Mulundu wa Hermon wiitwa kuti Sirion aba Sidonia, alimwi Amorite bawiita kuti Senir) ¹⁰ alimwi minhyi yoonse ya mumusena, boonse ba Gilead, a Bashan oonse,nhyila yoonse kuya ku Salekah a Edrei, minhyi ya bulelo bwa Og mu Bashan." ¹¹ (Nkaambo boonse bakahyaala baku Rephaim, alike Og mwami wa Bashan nguwakahyaala. Langa! Bulo bwakwe bwakali bulo bwalubulo. Hena tomwakali mu Rabbah, omo mazyalane aka Ammon mwaakali kukkala? Twakali tukokols ihuka kuya mwizeulu alimwi atukokola tone mubwaanda, mbuli kweeleka kwabantu.) ¹² "Eyi nyika eyo njotwakabweza muciindi eco- kuvwa ku Aroer, iili munhyi acibanda ca Arnon, alimwi cisela cacihi camalundu ca Gilead, aminhyi yayo- njindakapa kuba Reubenite alimwi akuba Gadite. ¹³ Ibusena bwahyaala bwa Gilead alimwi a boonse bwa Bashan, ibulelo bwa Og, ndakapa kucisela ca musyobo wa Manasseh. ( Coonse cooko ca Argob mu Bashan cakali kwiitwa kuti nyika ya Rephaim. ¹⁴ Jair, mazyalane a Manasseh, wakabweza cooko ca Argob kuya kumunyinza waba Geshirite alimwi aba Maakathite. Wakaciita cooko, a Bashan, azyina lyakwe, Havvoth Jir, kuhika sunu buno buzuba.) ¹⁵ Ndakapa Gilead kuli Makir. ¹⁶ Kuba Reubenite alimwi kuba Gadite ndakap busena kuvwa ku Giled kuya kucibanda ca Arnon- akati kacibanda ngo munyinza wabusena- alimwi kuya ku mulonga wa Jabbok, uuli ngomunyinza amazyalane a Ammon. ¹⁷ Aumwi munyinza wabo ncibanda ca mulonga Jordan, kuvwa ku Kinnereth kuya kulwiizyi lwa Arabah (oolu, ndolwizyi lwa Mwino) kuya kuselemuko ya mulundu wa Pisgah kwiwe. ¹⁸ Ndamulailila cilya ciindi, kuti, 'Mwami Leza wenu wamupa nyika eyi mwiikale; mwebo, boonse balombwana bankondo, bayakwiinda kabakwete zyilwanyo kumbele lyabo bana bakwenu, bantu ba Israel. ¹⁹ Pele bamakaintu benu, bana benu, alimwi azyivwubwa zyenu (ndihyi kuti mukwete zyinji zyivwubwa), zyiya kukala muminhyi eyo njindamupa, ²⁰ kuhika Leza akamupe kulyookezya kubanabakwenu, mbuli mbwaacita kulindimwe, mane abalo bakaikale nyika eyo Mwami Leza njabapa kwitala a mulonga wa Jordan; elyo nomutikapiluke, muntu oonse wenu, kuzyintu zyenu zyindamupa.' ²¹ Ndakalailila Joshua muciindi cilya, kuti, 'Meso ako abona zyoonse Mwami Leza zyaacita kuli bamami aba bobile; Leza uyakucita mbubona kumalelo oonse nkomuya kuunka. ²² Tamukabayoowi, nkaambo Mwami Leza wenu nguuya kumulwanina.' ^{23 24} Mukuhinizya ndakalomba ku Mwami muciindi cilya, kuti. 'O Leza Mwami, wakatalika kutondezya batwanga bako bukando bwako alimwi abuyumu bwa tanhyi; ino ngu leza nhyi uuliko mwizeulu nomuba munyika oyo ukozya kucita milimo njoocita, alimwi amicito mikando? ²⁵ Ndilanduke kuya kwitala, ndakulomba, alimwi mbone nyika mbotu eyo iili kutala lya Jordan, ilya nyik mbotu ya zyilundu, alimwi a Leban.' ²⁶ Pele Mwami wakandinyemena nkaambo kenu; kunyina naakandivwuwa. Mwami wakati kuli ndime, ooku akuzulile kulindiwe nkaambo- tocikaambi alimwi makani aya kulindime: ²⁷ koya atala a Pisgah ukanyamune meso ako kumbo, kumusanza, kunyika, alimwi akwiwe; ulange ameso aakwaako, nkaambo tokalanduki mulonga Jordan. ²⁸ Ibuyo, lailila Joshua umuyumye umye alimwi umuhimike, nkaambo uyakulanduka kumbele abantu aba, alimwi uyakubacita kuti bakakone nyika eyi njoyakubona.' ²⁹ Elyo twakala mucibanda cilanganye a Beth Peor.