¹ Aya ngamazwi Muusa ngaakanana kubana Israel boonse akutala amulonga wa Jordan mu lukula, mucibanda Suph, akati kati a Paran, Tophel, Laban, Hazeroth, alimwi a Dizahab. ² Ndweendo lwamazuba aali kumi abuzuba bomwe kuhwa ku Horeb munhyila ya mulundu wa Seir kuya ku Kadesh Barnea. ³ Cakacitika mumwaka wa makumi one, mu mwezhi wa kumi a komwe, mubuzuba bwa kutaanguna bwa mwehyi, kuti Muusa wakakanana kubantu ba Israel, kubaambila zyoonse zyaakalailila kukwatilizhya mbabo. ⁴ Eci cakali ciindi Leza naakamana kulwana Sihon mwami waba Amorite, wakakala mu Heshbon, alimwi a Og imwami waba Bashan, wakakala ku Ashtaroth ku Edrei. ⁵ Kwiinda Jordan, munyika ya Moab, Muusa wakatalika kwaambilizya malailile aya, wati, ⁶ "Mwami Leza wesu wakakanana kuli ndiwe ku Horeb, wakati, 'Mwapona ciindi calampa mucihi camulundu eci. ⁷ Amuundamuke mutole lweendo lwenu, alimwi amuunke kucihi camulundu ca Amorite alimwi aku masena oonse munhyimunhyi kulya mucibanda ca mulonga wa Jordan mu musena mucihyi ca malundu, mumabanda, mu Negev, alimwi amunkomwe ya lwizyi- munyika yaba Canaanite, alimwi amu Lebanon kusakana kuya kuyakumulonga mukando, wa Ephrates. ⁸ Langa, ndaipa inyika kumbele kwako; konjila ubweze nyika eyo Leza njakatondezya kuli bamauso- ba Abraham, kuli Isaac, alimwi a Jacob- kupa kuli mbabo alimwi aku mazyalane munhyi lyabo.' ⁹ Ndakakanana kuli ndiwe muciindi cilya, ndakati, 'Nhyekohyi kukubweza yebo mebo endike. ¹⁰ Mwami Leza wako wakuvwuzya yebo, alimwi, langa, sunu uli makamu makamu aantoongwezi zya kwizeulu. ¹¹ Mwami, Leza waba mauso, akuvwuzye zyuulu zya zyiindi mbuli mubunji mbomubele, alimwi amuleleke, mbuli mbwaamusyomezya mwebo! ¹² Pele ino mbuti mebo endike mbwinga ndabweza zyaango zyenu, mikuli yenu, alimwi ankazyanyo zyenu? ¹³ Bweza balombwana basongo, balombwana bateelela, kuvwa kumusyobo omwe omwe, alimwi njakubacita kuti babe mitwe kuli ndimwe.' ¹⁴ Wakandivwiila alimwi wakati, 'Cintu ncowaamba ncibotu kuli ndiswe kucita.' ¹⁵ Aboobo ndakatola mitwe yamisyobo yako, bantu basongo, alimwi balombwana zyiimo zyibotu, akubacita kuti ibe mitwe kuli ndimwe, balangi ba zyuulu, balangi ba myaanda, balangi ba makumi osanwe, balangi ba makumi, alimi abahimilimo muhyobo amuhyobo. ¹⁶ Ndakalailila babetehi benu muciindi cilya, ndakati, 'Kamuvwa nkazyano akati kabanyoko, alimwi ubeteke cabululami akati kamuntu amunyina, alimwi a mweenzu uuli anguwe. ¹⁷ Utabi kulubavwu kuli umwi munkzyano; uteelele muhyoonto amukando mbubona buyo. Utayoowi busyu bwamuntu, nkaambo lubeta ndwaka Leza, nkazyanyo eyo yakukomenena, wiilete kuli ndime mebo njakwiiteelela.' ¹⁸ Ndakakulailila kuciindi eco hyintu nhyoyelede kucita. ¹⁹ Twakeenda kuvwa ku Horeb alimwi twakaunka mulukula luyoohya ulo ndokabona, munhila kuya kumulundu wacihi caba Amorite, mbuli Mwami Leza wesu mbwakatulailila; alimwi twakahika ku Kadesh Barnea. ²⁰ Ndakati kulindiwe, 'Waboola ku cihi camilundu yama Amorite, eco Mwami Leza wesu ncatupa. ²¹ Langa, Mwami Leza wako nyika waibika kumbele lyesu, koya, wiibweze, mbuli Mwami, Leza wabamauso, mbwakakanana kuli ndiwe; mutayoowi nokuba kutyompwa.' ²² Omwe omwe wenu wakaboola kuli ndime wakati, atutume bantu basolole kuli ndiswe, kutewa bakeene nyika yesu, alimwi bakatuletele zwi mbuli mbotunga tweenda kuya kukulwana, alimwi a minhyi eyo njotuya kuhika. ²³ 'Ilulayo lwakandikomanihya; ndakatola balombwana bali kumi abobile ibenu, muntu omwe ome kumusyobo omwe. ²⁴ Bakanyona akuunka mucihi cahilundu, bakahika kucibanda ca Eshkol, alimwi bakaceena. ²⁵ Bakabweza zyimwi hijanwa mucihi mulya, mumatanhyi abo kuli ndiswe. Alimwi bakatuletela izwi alimwi bakati,' Ninyika mbotu eyo Mwami Leza wesu njatupa.' ²⁶ Pesi mwakaka kulwana, pele mwakazangila mulawo wa Mwami Leza wenu. ²⁷ Mwakatongooka mu zyivwuka zyenu mwakati, " Nkaambo kakuti mwami ulitusuulile ncaatuleta kuvwa kunyika ya Egypt, kutupa swebo mumatanhyi aba Amorite kuti tunyonyooke. ²⁸ Nkuli nkotunga twaunka ono? Bakwesu bacita myoyo yesu kuti yeenzemuke, bati, 'Abo bantu mbakando alimwi mbalanhu kwiinda ndiswe, mihyi yabo mikando alimwi ili yakilwe kuhika mwizeulu; alimwi, twabona bana baba Anakim kulya.'" ²⁹ Elyo ndakati kuli ndimwe, ' Mutayoowi, nokuba kukankama. ³⁰ Mwami Leza wenu uumusololela, uyakumulwanina, mbuli zyoonse zyakacita mu Egypt mumeso enu, ³¹ alimwi amulukula, mwalo momwabona Mwami Leza kamubweza, mbuli muntu kbweza mwana wakwe, koonse nkomwakaunka kuhika limwi mwahika mu cilawo cakwe.' ³² Pesi nokuba kuzwi eeli kunyina nomwakamuhyoma Mwami Leza wenu, ³³ wakamusololela munhyila kuya kuyana busena bwankambe, mumulilo mahiku alimwi mwikumbi mahikati. ³⁴ Mwami wakavwa mazwi enu alimwi wakanyema; wakalumbila wakati, ³⁵ 'Kahimpe kunyina omwe wamusela wababihyi uya kubona nyika mbotu iyo njinakakonkezya kupa kuli ba hikale benu, ³⁶ cita Caleb mwana wa Jephunneh. Uyakwiibona alimwi njakumupa walo alunyungu lwakwe inyika eyi njindalyata, nkaambo Leza wamucilila cakumanina.' ³⁷ Leza ambebo wakandinyemena nkaambo kaako, wakati, 'Ayebo mbubona tokaunki kuya; ³⁸ Joshua wa Nun, uuyima kumbele lyako, uya kunjil; muyumye yumye, nkaambo uyakasololela Israel kwiikona. ³⁹ Aboobo, bana benu basyoonto, abo mbomwakamba kuti bayakuba kulwanwa, balo abo sunu banyina luhyibo lwabubotu a bubi- baya kunjila mulya. Kuli mbabo njakwiipa, alimwi baya kwiitola. ⁴⁰ Pele kuli ndiwe, nyona alimwi ubweze lweendo lwako kuya mulukula munhila iiya ku lwiihyi lwa Lubu.' ⁴¹ Elyo wakaingula kuli ndime, 'Twabihizya Leza, tulaunka tuka lwane, alimwi tuya kucilila zyoonse Mwami Leza zyatitulailile kucita.' Muntu oonsee akati kenu, alyaange zyilwanyo zya nkondo, alimwi mwakali libambile kulwana cihi ca mumalundu. ⁴² Leza wakati kuli ndime, 'Amba kuli mbabo, "Mutaumi alimwi mutalwani, nkaambo nhyetibe andimwe, elyo mulazundwa kuli bahinkondonyoko.' ⁴³ Ndakakanana kuli ndimwe munhyila, pele tobakateelela. Mwakazangila milawo ya Leza; mwakaba bahihyinguni alimwi mwakalwana cihi camulundu. ⁴⁴ Pele ba Amorite, bakali kukala mucihi cazyilundu cilya, bakamubikila alimwi bakamutanda mbuli nzuki, alimwi bakamupwaya mu Seir, kuyakusika ku Hormah. ⁴⁵ Mwakapiluka alimwi mwakalila kumbele lya Leza; pele Mwami kunyina naakanvwa mazwi eenu, nokuba kubikila maanu kuli ndimwe. ⁴⁶ Aboobo mwakala mu Kadesh mazuba manji, oonse mazuba ngomwakala kulya.