¹ Uta lemanini muntu mukando, ibuyo, musumpule mbuli kuti muzhyali. Sampula bakubuhyi mbuli babunyina, ² bama kaintu bakando mbuli bamamama, alimwi abalo balindu mbuli bacihyi, mubu salahyi. ³ Mulemeke bamuka bahwu, bamukabahwu ncobeni. ⁴ Pele muka muhwu kuti bana nobaba bazhyikulu, abataangune baiye kutondezhya bulemu muli cabo mumu kwahyi. Aba bbadele bama zhyali babo nkaambo eci ncibotu kuli Leza. ⁵ Pele oyo muka muhwu ncobeni, wahiiwa alike, wabika bulangihyi bwakwe muli Leza alimwi wazumanana mu milumbo akulombehya mumipailo mahiku amahikati, ⁶ pele mukaintu uuponena kuli komanihya uli nhwile ana pona. ⁷ Mubalaile muhyintu ezi azhyalo, kutewa bakabule kaambo. ⁸ Pele kuti umwi katapi bamukwahyi wakwe, kwaambihya banganda yakwe, walutama luhyomo alimwi waindilizhya kuli uutali muhumini. ⁹ Mukaintu aambwe kuti ngumu kamuhwu uuli amyaka iindilila ku makumi aali cisambomwe, mukaintu uuli amulombwana omwe. ¹⁰ Uliyelele kakwete micito mibotu, nakuba kuti wabamba bana, nokuba kubamba beenzu, antela wasanhya matende abantu ba Leza basalala, antela wagwahya bapengele, anrela uli lyaabile kumicito mibotu. ¹¹ Pele bamuka bahwu bacili bana, mukanke kubabika musangano. Akaambo kakuti nobalekela mibili yabo kuluunyaunya kulwana Klisto, balayanda ku twalwa. ¹² Muciimo eci bacita lutuko nkaambo babika ambali mulawo wabo wakutaanguna. ¹³ Aciindi ncicona, baiya butolo alimwi balaambaula zhya buyo alimwi mibili iipakehye kwaamba zhyintu zhyobateelele kwaamba. ¹⁴ Aboobo ndiyanda bakaintu bahyoonto kuti batwalwa, bazhyale bana, kutewa babambe mikwahyi, alimwi akutapa ciindi kuli bahinkondo nyina kuti batulwane. ¹⁵ Nkaambo bamwi bazanduka kale kucilila satani. ¹⁶ Naa kuhumbwa kuti umwi mukaintu ukwete bamuka muhwu, aba gwahye, kutewa cikombelo citaminwi, kutewa cigwahyi bamuka bahwu beni beni. ¹⁷ Bakando beendelezhya kabotu aba yeeyelwa zhyiino zhyobile, kwaambihya abo babeleka munyika alimwi amukuyiihya. ¹⁸ Nkaambo malembo aamba, ''Utaangimusune uulyatauka mapopwe'' alimwi ''mubelehyi weelele kuvwola kwakwe.'' ¹⁹ Utakazhyani amukando cita kakuli bakamboni bobile antela botatwe. ²⁰ Amuba olole babihyi boonse kumbele aboonse kutewa boonse bayoowe. ²¹ Ndamulailila mubulemu, kumbele a Leza alimwi a Klisto Jesu alimwi aba ngele basale, kubamba malailile aya kakunyina kweeleba, aalimwi kakunyina kusalula. ²² Utabiki matanhyi aako cakukazhyanya alimwi umwi. Utaabanini muzhyinyonyoono zhya bamwi. Amulibambe lwenu mukusalala. ²³ Mutanywi limbi meenhyi. Ibuyo, weelele kunywa waini inshyoonto nkaambo kamwida alimwi akutabukili bulo. ²⁴ Zhyibi zhyabantu zhyili zhyibilwe antangalala, alimwi zhyili kumbele lyabo kuya mulubeta. Pele zhyimwi zhyibi zhyila tobela. ²⁵ Munhyila njiyona, imwi milimo mibotu ili antangalala, pele imwi takohyi kuhyiswa.