¹ Ono Muuya utokomana kwaamba kuti muciindi ciboola bantu bamwi baya kuhiya luhyomo akubikila maanu kumuuya wabubehi alwiihyo lwa madaimona ² akuupaupa wababehi, muyeeyo yabo beni yakasaama. ³ Baya kukahya bantu kutwala akuyanda kuti balo baliimye kuhvwa kuli zhyakulya walo Leza zhyakalenga kuti zhyikatambulwe akulumba abaabo balo bahyoma aku zhyiba kahimpe. ⁴ Mukuti zhyoonse zhyilengwa Leza zhyibotu, alimwi kunyina citambwilwe akulumba ceelele kuti cikakwe. ⁵ Mukuti cili salazhyilwe ayizwi lya Leza amipailo. ⁶ Naa mwabinka zhyintu eezhyi kumbele lyababunyina balombwana, uyakuba mutwanga mubotu wa Jesu Klisto. Nkaambo muli sanininwe busani bwa mazwi aaluhyomo alimwi anjihyo zhyibotu zhyalo zhyomwa katobela. ⁷ Pele amukake twaano tukwelelezhya tuyandwa abamacembele. Pele, amuliyiishye mubuleza. ⁸ Nkaambo kuyiishya mubili cibotu ashoonto, pele buleza mbubotu muzhyintu zhyoonse. Bulakwatiilila zhyihyomyo zhyabuumi oobu bwaono a buumi buboola. ⁹ Mulumbe ooyu ulahyomeka akweelela kutambulwa cakumaninina. ¹⁰ Nkaambo kaako tulabeleka akulwanina. Mukuti tulaa luhyomo muli Leza uupona, walo uuli ngomunununi wabantu boonse, pele kapati kuli bahyoma. ¹¹ Mubalailile bantu aku baiishya zhyintu eezhyi. ¹² Mutalekeli naomwi kusampaula bukubuhyi bwenu, pele mube mukozhyano wa bahyomi mukwaambaula, mukuli lemeka, muluyando, muluhyomo, amubusalale. ¹³ Kuhikila nkaboole, amutobele mukubala, mukusumpulwa, amukuyiishya. ¹⁴ Mutakaki cipengo cili muli ndimwe, caalo cakapewa kuli ndimwe kuzhvwa kucishishimi, akutandabikwa matanhi abaa pati. ¹⁵ Bukwabilizhyi kuzhyintu eezhyi. Mube muli zhyizhyo, kutewa kuzwiindilila kwenu kuboneke ku bantu boonse. ¹⁶ Amulibinkile maanu akulintokomeka kunjihyo. Amuzumanane muzhyintu eezhyi. Nkaambo mukucita boobo muya kuli hwutula abaabo bateelela kuli ndimwe.