¹ Emyaka aha kaitenda ekumi ne anja mu mpuso ya Tibbeliyasi Sezale- Potiyasi Pilato aha kali muyendisi wa Judeya, aho Heroda nali nfumu wa Galileya, mukurwe Filipi nali nfumu wa Ituleya ne cishi ca Tilakonita, Lisanyasi kali nfumu wa Abbilene, ² Anasi ne Kayafasi nebali bakuru baba Purisita- ezywi lya Nyambe lyoku kezya kwa Johani mwana wa Zakaliya, mwi nkanda. ³ Nayenda mu cishi chonshe ci zimburukite Jorodani, naya bu zyiisa abantu ezywi lye kwantiro ye zibi. ⁴ Shina aha kuñoretwe mumbuka yomu porofita Isaya, "Ezywi lyozyu akuwira mwi nkanda, 'Mutende nenja enjira yo Nfumu, mu oworore njira yakwe. ⁵ E zigorogoro zonshe nezira zyura, ne marundu onshe naara fwimpisiwa, ne njira zaazya kuworokete zonshe zi otororwe, ne mu ma dulu-dulu naku tendiwa zinjira mwene, ⁶ mi abantu bonshe bara bona okuhaza kwa Nyambe."' ⁷ Johani akuwamba ku bantu bonshe aba ni bakezya kuku korobeziwa kwakwe ye, "Enwe bana ba mazyoka! Ndini na mi sumwina ye mubutuke ku bukali obu bukezya? ⁸ Aha kwina bulyaho, mutende ezintu zibotere omuntu nabaka, mwaha tatiki kuki ambauza ye 'Shwetu ndi Abburahama,' ndimi sumwina ye Nyambe awora kutenda bana ba Abburahama ha ma buwe. ⁹ Nanaho katemu kabikitwa ha minsi ye zishamu. Conshe cishamu kacibiki ziyangantu ezirotu necira nkankiwa noku shoherwa mumulilo.'' ¹⁰ Abantu bonshe boku kwatilila kumubuza ye, "Chinji tuwora kutenda?" ¹¹ Akubataba nokubata ye, "Heba kwina ozyu akwesi zizyabaro zo bire, aheko muyenze ozyu azya, no zyu akwesi zilyo atende bulyaho." ¹² Bashi mutero nabo niba kezya kuku korobezwa, bakumu buza nabo, "Muzyiisi, cinji tuwora kutenda?" ¹³ Akubata ye, "Mwa shalifisi okuhitiliza omu nimwa terwa." ¹⁴ Ne baka nkondo nabo bo kumu buza ye, "Eswe mbuti? Cinji tuwora kutenda?" Nabata ye, "Mwaha hindi mashereni ku muntu koku mutapa, kame mwaha hambiki muntu omurandu. Muzumine entuwero yenu." ¹⁵ Mi aho kaba balindire hawa bantu oku kezya kwa Kresite, bonshe kabena ba azyara mu myozyo yabo ye tema Johani nde Kresite. ¹⁶ Johani akubataba bonshe ye, "Eme, ndi mi korobeza na menji, kono kwena akyezya andihita ku ngamu, kame kandiwoli ku shumununa e nkwele ze shangu zakwe. Eye nara mi korobeza cho Ruho Ruchena neko mulilo. ¹⁷ E chikahu cakwe kacina mu anja nachenesa hanshi ye ashanganiseze ho mahira munjuwo yakwe. Mi nara tumbura e sutu no mulilo kaumani." ¹⁸ Koku goliseza hawa, Johani na zyiisa amazywi marotu ku bantu. ¹⁹ Aha a nyansa nfumu Heroda koku shesha Herodiyasi muka wa mwancuwakwe, ne zintu zonshe ezi mango ezi natenda, ²⁰ a kukambikira ku murandu: no ku mutwara mutorongo. ²¹ Paho shekuba ye, bantu bonshe shibana korobezwa, Jeso neye na korobezwa. Na ha karapera, ewiru nilya aruka, ²² Oruho Ruchena roku kezya hawiru lyakwe mwi njira yo njiba, koku shuwahara ezywi kalizwira muwiru, "Ndiwe Mwanangu, ozyu ndishaka. Ndiki kumusa kako." ²³ Jeso aha shatatika o musebezi wakwe, kakwesi zilimo zishuna kuma kumi otatwe. Kali mwana (ozyu kaakalezwa) wa Josefa, mwana wa Heli, ²⁴ mwana wa Matate, mwana wa Levi, mwana wa Mereki, mwana wa Janayi, mwana wa Josefa. ²⁵ Josefa kali mwana wa Matatiasi, mwana wa Amosi, mwana wa Nahumi, mwana wa Esli, mwana wa Nagayi, ²⁶ mwana wa Mate, mwana wa Matatiasi, mwana wa Semeini, mwana wa Joseke, mwana wa Joda. ²⁷ Joda kali mwana wa Johanani, mwana wa Resa, mwana Zerubabele, mwana wa Salatiere, mwana wa Neri, ²⁸ mwana wa Meleki, mwana Adi, mwana wa Kosama, mwana wa Elimadamu, mwana wa Ere, ²⁹ mwana wa Joshuwa, mwana wa Eliezere, mwana wa Jorimi, mwana wa Matati, mwana wa Levi. ³⁰ Levi kali mwana wa Simiyoni, mwana wa Juda, mwana wa Josefa, mwana wa Jonami, mwana wa Eliakimu, ³¹ mwana wa Meleya, mwana wa Mena, mwana wa Matata, mwana wa Natani, mwana wa Davida, ³² mwana wa Jese, mwana wa Obedi, mwana wa Bowazi, mwana wa Salumoni, mwana wa Nashoni. ³³ Nashoni kali mwana wa Aminadabi, mwana wa Adamina, mwana wa Arini, mwana wa Hezironi, mwana wa Perezi, mwana wa Juda, ³⁴ mwana wa Jakobo, mwana wa Isaka, mwana wa Abburahama, mwana wa Tera, mwana wa Naho, ³⁵ mwana wa Serugi, mwana wa Rewu, mwana wa Pelegi, mwana wa Ebere, mwana wa Shela. ³⁶ Shela kali mwana wa Kayinani, mwana wa Afakisadi, mwana wa Shema, mwana wa Nuwe, mwana wa Lameki, ³⁷ mwana wa Metusela, mwana wa Enoke, mwana wa Jaredi, mwana wa Mahalalelu, mwana wa Kayinani, ³⁸ mwana wa Enosi, mwana wa Seta, mwana wa Adama, mwana wa Nyambe.