¹ Paulusi, mu apositola- kali mu apositola azwa mu bantu kapa kusebelisiwa ku muntu, kono ka Jeso Kiresite ne Nyambe Shwetu, ozyu na mubusa ku bafu- ² mi na barumeli bonshe bena neme, ku nkeleke za Galatia: ³ Chishemo kwenu ne mpore izwa kwa Nyambe Shwetu no Nfumu Jeso Kiresite, ⁴ ozyu nakiha yemwini ku zibbi zetu ye atuhaze ku bubbi bweino nako, kokuya koku shaka kwa Nyambe wetu ne Shwetu, ⁵ kwakwe kube ne tubo kuyo koo. Kube bulyaho. ⁶ Ndi komokwa hawa ye muhwera o kuzwa kozyo namikuwa ke chishemo cha Kiresite. Ndikomokwa ye mukwesi muya kwalingi ezywi. ⁷ Oku kali nkuta ye kwina limwinya ezywi, kono kwina bamwi bantu bashaka okureta o bukababu no ku zora ezywi lya Kiresite. ⁸ Kono nanga ndiswe kapa ndingiloi lizwa kwiwiru liambe zywi kwenu kunje yeli nitwa misumwina, a kutiwa. ⁹ Shina ho nitwa amba katanzi, nahanu ndita hape, "Haiba kwina ozyu shaka na ambe ezywi kuzora buti ni mwalishuwa, akutiwe." ¹⁰ Hanu shendi shaka kuzuminwa ku bantu nali kwa Nyambe? Ndi shaka ku tabisa bantu? Haiba ndishi yereka kutabisa bantu, kali ndili mwika wa Kiresite. ¹¹ Paha ndishaka ye muzyibe, bakwangu, ye ezywi eli ninda amba kali ndi zywi lyo muntu. ¹² Kali ninda litambura ku muntu kapa o kuli zyiiswa. Kono, kaili ko kuboneswa kwa Jeso Kiresite kwangu. ¹³ Ni mwashuwa zo buharo bwangu muchi Juda, buti kandi shandisa e nkeleke ya Nyambe kuhitiliza nokutiye kandishaka kuimanisa. ¹⁴ Ninda hitiliza ze chi Juda kutanta bungi bwe ntaka zangu, aba kabazwa kuba kwangu. Mbobulyaho kandina ku kwatilila e chizo chi be shwetu. ¹⁵ Kono Nyambe, ozyu nandi sharura mubumo li bama, no kundi kuwa ke chishemo chakwe, ¹⁶ na boterwa kundi sunda za mwane, ye ndi muambe kubashi zishi, Nendi shini ku kwata e nyama na maroha. ¹⁷ Kali nindayenda kwa Jerusarema ku ma apositola bakare kwangu. Kono, ninda yenda kwa Arabiya mi hape ndoku boora kwa Damasikasi. ¹⁸ Aha shekuhita myaka yotatwe ninda yenda kwa Jerusarema ye ndikazyibe Kefasi noka kara neye mazyuba e kumi ne anja. ¹⁹ Kono kwaazya bamunya ba apositola ninda kabona mbita Jakobo, mwancu wo Nfumu. ²⁰ Kwe chi ndimi ñorera hanu, ndimiha e niti habuso bwa Nyambe, ye kandihomi. ²¹ Paha shika ndiya ziraranda za Siliya ne Silisia. ²² Kali kandishini kuzyibahara ku ba ma keleke a Judeya ena kwa Kiresite. ²³ Mbulyo ni bashuwa neyi ambwa, "O mukwame ozyu katu shandisanga ndeye sha amba ze ntumero eyi kashaka kumanisa." ²⁴ Ke baka lyangu bokuha Nyambe entumbo.