¹ Mɔ yereyi nugn yii aa rooreyu a shɔng ladongyi bii, yii dungyiyãa, yii wɔ̃ng zayi aru pele shoni tɔ̃ɔving, ² Yii na dãa shɔngɓɔɔ ɓa, yii na bɛɛ ɓang ɓa, ɓɔɔ yii wɔ̃ng shɔng yiniyu, yii rooreyu a shɔngɓeweya bii. ³ Aruviya alaɓɔɔ wo sii wɔ̃ng jɔ ɓani lereni tɔ̃ɔving ɓa ɓɔɔ shɔngdũngniyãa ɓa. Shɔng wũngte wo asɔɔ riise wo foo ɓe kaseni viyi ɓɔɔ tãnitɔ̃ɔving. Wo wɔ̃ng a vusu ruvini ɓɔɔ gnkaani. Wo rii vibɛ̃ɛni asɔɔ ɓɛ̃ɛ wee. ⁴ Vizeniwuko alaɓe tɔ̃ɔving ɓe wukɔ woshɔngrani yu ni wu kaseni shong koodanga keye, ⁵ ɓa aru woshɔngni vipeleni tɔ̃ɔving ɓe wo pele ɓa, aru wu gingkõni ɓe rawoyu, ni dõrɔng sɔkeni ɓe yeni shɔng polɔ ɓɔ kɔseni ɓe Suru B́ɔlɔnɓɔ, ⁶ ɓe Laa tẽre wo vẽeni ni woshɔngraniyu Yeso Kirisi, ⁷ alaɓeshɔngkpensewo ni wu ani tɔ̃ɔving, wo dawong ja rooni Kpanti ɓe wo shingnign ɓe suru dongdong. ⁸ Ruu ɓem ɓi ruu shãngni tɔ̃ɔving. N kase mo shinging a viɓenyii walikãng, aruuɓeShɔngɓeyii shinging a Laaɓi yii da kɔyu amon peleni vishongni tɔ̃ɔving. Vi ɓemyiiɓi vi tɔ̃ɔvingsɔ likɔtɔ a shɔngɓi walikãng. ⁹ Anankono ya gɔnseni yã ɓe wureni ɓɔyãgãdosɔ ɓɔkareni yãɓo bam aru yãdangni. Viiwayii walikãng vikwani ɓa vusu ɓa ɓi vinanka kɔ she. ¹⁰ Noɓẽ Shɔngɓe kaseke n vase no yu, a tumpu nungseni wu la gɔrɔ, ya zitti, ¹¹ Taseyii ni zong shɔngwa gwengye a dõrɔng tɔ̃ɔving sɔ wa tingye ni ruvini a lese wuyu. ¹² Alaɓe N shɔng Artima kↄ Tikikusi a nobii, mo ɛ laaɓing mo kwan a Nikafɔli, a mɔngɓe N shing a gn N wong a mɔngɓi. ¹³ Mo pele vi walikãng mo shĩng Zinas ɓe wukɔshɔng yã dangni ɓɔ Apɔlɔsi, aruɓe yii da wong ɓa nawati ɓa. ¹⁴ Woshɔngɓi yii shingn yii mante vi peleni ɓe tɔ̃ɔving ɓe da a wo viɓe wo kase ham, yii na wong ɓa ana laɓe renungɓa. ¹⁵ Shɔngɓe yii ni mini a mɔnɓem yii ji no yã. No jishen Shɔngɓeyii kasewo a shingnign. Laa ani tɔ̃ɔving wu wong ni noni walikãng.