¹ Bulusi, jaarɔɔkeni-wu ɓa jaarɔɔkeni a shↄngzengyi ɓii ɓa kɔ ni vipeleni shↄngzeng, vizeniwuko ɓi ni Yeso Kirisi kaa bii ɓɔↄ Daa Laa, ɓe yuse wu paa a yusa- ² ɓɔɔ shɔng dũngniyi walikãng ɓe yini mini, shɔng waare shɔng dũngniyi ɓe yii a Galantiː ³ Laa pãnti ɓɔↄ wɔ̃ngni ɓatata ɓe ke a Daa bii ɓɔɔ Dayere Yeso Kirisi wu ɛ nɔ bii, ⁴ ɓe aa wu yuu aru wo ruvĩni aruɓe daa kpengse wo a nanka koodanga ɓemi, ni kaseni wo Laa ɓɔɔ wo Daa, ⁵ ɓe bongni ɓi wu ɓe ko dongdong. ananko. ⁶ Bii zangye aruɓe nↄ zuse tũmpu ye labĩng labĩng a shↄngɓe ɓaa nↄ yãa ni Kirisi pãnti. Bii zang ye aruɓe nↄ zuse tũmpu ye nɔ tee poloruu tɔ̃ɔving ɓɔɔye tok, ⁷ ɓa weni poloruu tɔ̃ɔving ɓↄɔ ani tok ɓa, vizeniwuko shↄngveeyeyiɓↄɔ ani ɓe ying ɛse nɔ yuyɔreni yii sɔɔ kaseke yii lese poloruu tɔ̃ↄving ɓee Kirisi. ⁸ Vizeniwuko kↄ ɓi wo ko kɔ Laa shↄngshoni ɓe ke a koolapa ɛke ng waase nɔ poloruu tɔ̃ɔving ɓɔɔ tok ɓa ɓe wo waase nɔ ɓa, shɔngɓi wu wɔ̃ng ta vileseni. ⁹ Anaɓe wo shãngshe nɔ ye tɛ̃tɛ̃, wong paase nɔ shãngshe ni tɔti, “Shↄngɓɔↄ na waase nↄ poloruu tɔ̃ↄving ɓɔɔye naɓa ɓe nɔ tee a wo bii ɓa, shɔngɓi wu wɔ̃ng ta vileseni.” ¹⁰ Aruviya N bɛɛ hãmi kaseni ɓe shongzengyi ya kɔ ɓee Laa? N beeke ng peleni viɓe shɔngzengyi kase ya? N nang dong pele viɓe shɔngzengyi kaseke, N tɔɓa Kirisi jaashoni ɓa. ¹¹ Aruviya N kase nↄ zeke, mazũngyi, ni poloruu tɔ̃ↄving ɓe N waase nɔ ɓe ɓa ɓee shↄngzengyi waani poloruu tɔ̃ɔving ɓa. ¹² N de tee ɓa a shↄngveeyeɓɔↄ naa ɓa, kↄ shɔngɓɔɔ manteng. Viɓe watĩng wuko, ɓi ni keseni ruusuru ɓee Yeso Kirisi N kpaake. ¹³ Nↄ tãng gɓengti dɔɔkn ni ɓe N pele a Dũngni Shɔng Yahudayi ye, kaaɓe N kp̃aare shɔng dũngni Laa ɓe jãa gãani kɔtɔ ɓɔɔ kaaɓe N sii kaseke ng leseyi. ¹⁴ Ang titi shɔngbiyi, N watĩng vɛ̃ɛni ni vidũngni shɔng Yahudayi a jãng ɓaniyi walikãng. Ɓemi wu ko kaaɓe ng sii kase dũngni ɓee maadayi naalangsi. ¹⁵ Vizeniwuko alaɓe Laa, ɓe rɔngke alaɓe N dong a maanaa yato, ɓe sɔɔ ɓang yãa ni wu pãnti, tãa tɔ̃ɔving ¹⁶ wu kese wu Jaa ang bii, aruɓe N daa waake wu yãa a shↄngɓe yii sii dũng Laa ɓa bii, N de wa ɓa tɛ̃ti a bee ruubii ɓɔɔ kpaa ɓa. ¹⁷ N de sɔɔ waa kpaa shɔngɓe yii rii jaarɔɔkeniyi ye shɔɔni a mini a Urushelima ɓa, Viɓeng pele wuko, N waa koo Arabiya asɔɔ zuse Dimasiku. ¹⁸ Alaɓiko atũmpu saa tati N waa paa Urushelima a waa kpaa zeni Kefasi N sɔɔ wɔ̃ng ni wuni ɓee diki kopi atu maani. ¹⁹ Vizeniwuko N de zee gãasi jaarɔɔkeniyiɓɔɔ ɓa naɓa Yakubu, Daayere zũngɓi ɓa. ²⁰ A vusu viɓe N binke nɔ, N gãale nɔ a Laa watĩng ɓani jĩngni yãa ɓa. ²¹ Alaɓiko N sↄɔ waa kaa Suruya ɓɔɔ Kilikiya. ²² Shɔng jaakalaa ɓee Yahuda ɓe yii a vusu Kirisi yii sii de zeng zɔng ɓa a watĩng ɓa. ²³ Viɓe yii tãa shɔng shãng wuko, "Shↄngɓe sii kpãare shↄng dũngniyi wu ko hãmi ng waayãa poloruu tɔ̃ɔving ɓee gnshĩngni ɓe sii kaseke wu lese ɓe." ²⁴ Arugoko yii aa Laa bongni aru mini.