¹ Shɔngyeeyi, nɔ anɔ fooyi viɓe tɔ̃ɔvĩng ɓɔɔ dang, aru nɔ zeye ninɔ Shɔngye jɔ ani a koolapa. ² Nɔ watĩng ni Laa gɔ̃reni ɓani yɔni ɓa, nɔ wɔ̃ngni zeni a taseni dɔreni, ³ nɔ gɔ̃re a yãawee aru woni tɔti, aruɓe Laa daa pure wo dɔ̃rɔng wu ruu shãngni, wo shãng ruu vɔ̃seni ɓee Kirisi, ɓe aru wuko N dɔɔ mani dĩngre saka. ⁴ Nɔ gɔ̃re arube N daa kese a gaa gbang, anaɓe likɔtɔ n shãng ɓe. ⁵ Nɔ kn ni kpɛ̃ni a shɔngɓe yii a gaa bii, nɔ sɔɔ kn ɓatata ni la ni. ⁶ Nɔ yãa shãngni wu wɔ̃ngni pãnti dikidi, nɔ tɔ̃ɔre ni tãayeng, aruɓe nɔ daa ze dɔɔɓe nɔng kase shɔng yãa gorogo ɓe. ⁷ Aru vii walikãng aru mini, Tisiku ng gãale nɔ viɓe N a vusu kɔtɔ. Wu ɓi mazũng tɔ̃ɔvĩng, shɔng ruu nungoko, maasang foo a vusu a Kirisi. ⁸ N shonte wu anɔ bii, aruɓe nɔ daa ze viɓe ng watĩng ni woni, aruɓe daa tɛ̃re nɔ zãngzãng a sĩnsĩng. ⁹ N shong wu a yãawee ni Onisimusi, mazũng nungoko, wu jɔ goro a nɔ titi. Ying gãale nɔ viɓe watĩng walikãng a mɔmi. ¹⁰ Aritaku, maasang ɓe gãayãa, jinɔ yãa, ni Marikusi, ɓe yii zũng goro ni Barinaba (wuko shɔngɓe nɔ te yãa aruu wuni; na e nɔ bii ye, nɔ tewu), ¹¹ ɓɔɔ tɔti Yeso ɓe shɔng ɓaa wuni Yusutusi. Ɓemi yii ko shee shɔng yeeni shaa ɓe N pele shoni ɓee Laa roonikpanti ni yini. Yii ko yii wɔ̃ng N shɔng rooreni sĩngsĩng. ¹² Abafarusi jinɔ yãa. Ɓi nɔ shɔng bii ko ɓɔɔ foo ɓee Kirisi Yeso. shii gatangatan a gɔ̃reni aru nɔ ni, aruɓe nɔ daa shi dang ni yini zeni Laa vii kaseni walikãng. ¹³ Aruviya N ze ye ni N nung kaɓe pele shoni vɛ̃ɛni aru nɔni, aru shɔngɓe yii a Lawuduki , ɓɔɔ shɔngɓe yii a Hirapoli. ¹⁴ Luuka shɔng mazũng shɔng gãng ani ɓɔɔ Dimosi jii nɔ yãa. ¹⁵ Nɔ jii mazungyi ɓee Lawudiki ɓɔɔ Nimpa yee yãa, ɓɔɔ shɔng dũngni ɓe a wu yee walikãng. ¹⁶ Alaɓe shɔng na ɓaale labini ɓemi ye anɔ bii, nɔ shĩng ke shɔng ɓaale tɔti a shɔng dũngni ɓe yii a Lawudiki, nɔ sɔɔ ɓaale labini ɓee Lawudiki yii jɔ. ¹⁷ Nɔ gãale Arikibu, "Wu yise vii shoni ɓee Daayere ɓatata anaɓe nɔ te ɓe, ni nɔ pele viɓi walikãng." ¹⁸ Yãa jii ɓemi keni ng naa -Bulusi. Nɔ yenugn ang dɔɔ maani a gãaya. A pãnti wu wɔ̃ngni nɔni.