¹ Mwatho wa myatho ei inapu ya Solomoni. ² Oo, cho akanjitthsemba na kuthsembethetha na kanwa kendi, omo chithzemo cha tubakana binyu. ³ Mathzi obe akubwabwa ali lwenzo lwalubwa; lithzina lyobe linapu ngwe mathzi, ali nakujujuluka akunika, cho munakathzi wa mwanike waku thzema. ⁴ Njambate njiye nobe, cho tukashatuk. Mwene nanjinena mu chibatulo chendi. Twabwahelela; Twabwahelela hali yobe; echela tulemethe chithzemo chobe; chinatubakana binyu. Chachibwa munakathzi mukwabo kukuthzema. ⁵ Njiwakuthzibala oloni nji wabithzemo, yeni bana babanakathzi ba mu Yelusalema— kuthzibala ngwe matende aku Kendale, kala na chithzemo ngwe mabamba a Solomoni. ⁶ Kethi unjiyongole mwafwa njapwa nji wakuthzibala, mwafwa litangwa lya njenyeka. Bana ba banana ba nyengwele nange; banji pangele kupwa kanyungi ka lihya lya binyu, oloni lihya lya binyu lyange njalihono kunyunga. ⁷ Njileke, yobe iya monyo wange wathzema iya, kulijo ukalithila mabutanga abimanga bobe? Kulijo uka hwimitha mabutanga abimanga bobe mutanya? Bikajo nji pwila ngwe umo uje ali na kukengethzeka akati kamatanga amuka kathendo wobe? ⁸ Umona ngwe kuuthzubuka, uwa mubwa manene akati ka munakthzi kaka ndondo, kabangeya myanja ya mabutanga ange, cho ya ukalithe bana babi membe bobe kuyehi na matende atu nyungi. ⁹ Njika kwetheketha, chithzemo change, kuli akati katu balu ba lwabo bakuli kalu lya Falao. ¹⁰ Biponthzi byobe bya bibwa na lilyenge lyaku panga mwabutongwe, thingo yobe ili na mikole ya buthanga mutingo yobe. ¹¹ Tukaku pangela lilyenge lya kupanga mwa butongwe lya ngokinde na bimande bya siliba. ¹² A thimbu mwene nashulubala a mwela wendi, mathzi ange bakawa tunditha mulutengo. ¹³ Muka chithzemo change kuli yange unapu ngwe njeke ya bulilila ije ili na kukitha bunthzi inalala mukati kamabele ange. ¹⁴ Muka chithzemo change kuli yange napu ngwe byuma bije bya thoko amolika bya kulifwa byabi ntemo mu lihya lya Engendi. ¹⁵ Thziba, wapwa uwamubila muka chithzemo change; Thziba, wapwa uwa mubwa; mesho obe ngwe atutela. ¹⁶ Thziba, umunalume wa mubwa, muka chithzemo change, kenga bubwa bwobe. ¹⁷ Mukata wa njubi yetu wapwa wa chiti cha Sendalasi; mathoko etu apwa a chilti cha felisi.