¹ Keith upwe na chipululu chabaje bali na bubi nambe kuthinganyeka kulinunga nabo, ² mwafwa bimbunge byabo bikayo-ngola bukenya cho tunwa twabo twendeka bya bukalu. ³ Kwitila mu mana njubo baitunga cho mukuthzibithitha ikatumama. ⁴ Namangana bitbatulo babishulitha na bufuko bwa theho na bubwa. ⁵ Munu wa mana apwa wakutakama, cho munu wamangana akakelako ku thzili yendi; ⁶ kwitila mukutwamenena mwatha kuwa thzita yeni cho nabaka kunangula babengi kukakala kuhyana. ⁷ Mana atabakana chilema; muchikolo kethi kushokolola kanwa kendi. ⁸ Kwakala umo ou akathinganyeka kulinga bubi- na banu bakamuthana kupwa mukulunu wa bubi. ⁹ Bithinganyeka bya bulema binapu bubi cho mukakushendumuna napu kushaula ku banu ¹⁰ Oshe ngwe uthzeya na lyoba mu litangula lya bukalu, cho kutakama chobe chipwa chachindondo ¹¹ Ohyela baje bali nakutwala ku kuthsa na kukwatelela baje bali na kutalyangelela kubathsiya. ¹² Oshe wendeka ngwobe, ''kenga, kutwathibukile nambe chimo hamulonga wechi, ''nkuma ou akapethzeletha mbunge katha kuthziba obyo wendeka di? Ou akanyungu mwoyo wobe, kachitanekeya ndi? Njambi kakana kuli umonaumo ocho chinamupande Ndi? ¹³ Obe munange, lya buki mwafwa bunapu bwababwa, mwafwa kuje kumbweka cha ngenga ya buki chipwa chakutobala mukumakela chobe. ¹⁴ Chifwa ocho chnapu mana a mwonyo -- nga uchwana, kukakala lutwe cho kutalelela cho kubaka chibatulako. ¹⁵ Kethi ushulubale mukubandamena ngwe munu wa bibi ou alukuka njubo ya munu wabathunga. ¹⁶ Kethi unyongethe njubo yendi.! Mwafwa munu wabuthunga a kau ka tanu nakabali na kwinduka lalo, oloni banu ba bibi bakatanu kila ku lubinda. ¹⁷ Kethi ukininine omo mukanole wobe awa cho kethi wechele mbunge yobe ibwahelele mwo atanuka, ¹⁸ ngochongocho Yehoba amona na kiyeneka kutabetha cho atengulwila matolo endi kutunda kuli ikeye. ¹⁹ Kethi ulubale hamulonga wabakakulinga bubi embwe, echo kethi upwe na chipululu ha bana babibi, ²⁰ mwafwa munu wa bubi kethi na lutwe ebwe cho na ndeya ya banu babibi ikathzima. ²¹ Thziba lyoba Yehoba, nakuthziba lyo mwene, obe munange; kethi ulinunge nabaje bakabatengulukila, ²² mwafwa ololo bukalu bwabo bukaija, iyajo athzibuka kwama cha kuthzimuna chije chikaija kutunda kuli bakebo boshe? ²³ Ei yinapa lalo endeketi yabaka mana. Kubatula mulonga chakwandunuka mu mashiko kuchabwa hele. ²⁴ Ou wishe akandeka kuli munu wa bibi ngwedi; ''Yobe umunu wabuthunga,'' bakamuthinga kuli banu na kumuthzinda ku mafuti. ²⁵ Oloni baje bakanyanyametha babibi bakapwa na kubwahelela na mabwana abubwa akaija kuli bakebo. ²⁶ Ou akana mukumba wakuthungama akama kuthsemba ha tunwa. ²⁷ Bwahetha chipangi chobde cha hanja , nakupwitha byuma byobe byoshe byakubwahetha mu myela; hanima yobyo, tunga njubo yobe. ²⁸ Kethi ukemane bukaleho hali mukweni chakujeneka mulonga cho kethi ukakwithe na tunwa twobe. ²⁹ Kethi ukendeke ngwobe, ''njipanga kuli ikeye ocho nalingi kuli yange, njimumilwithilamo hamulonga wochonalinga.'' ³⁰ Njaile mu lihya lya munu wa buwa, kwita mu mahya a munalume, wakwilika mana. ³¹ Mwoshemwoshe munamene mingonga, libu balifwikile ku bimbamba, cho bimbango byacho byamamanya babibujwile. ³² Cho njamwene na kubitabela, njakengele nakutambula bilongetha. ³³ Kulalako kaundondo, kunengulako kamandondo, kukoneko maboko kamandondo na kuhwima--- . ³⁴ Cho kayanda chikaija nakukaba ngeya yobe, na kuthetela chobe ngwelishwalale wakulyanganya.