¹ Umwana ngwe ngwabo wangule mukati ka lithzina lya libwa na bufuko bwa bwingi cho mapande kwakangala lithzina lya libwa chomanawa kathingimiko ka kabwa manene kutubakana siliva na ngolinde. ² Bakakufuka na tuutu balipangela chumu chimo mukati kabo — boshe ba ba tangele kuli Yehoba. ³ Uje wa maana a mona bukalu cho alishweka, olojo uje wa kweeba a litwala ikeye babenya mubukalu buje. ⁴ Bufuko, kathingimiko, na mwonyo bikebyo byapwa fweto ya ku likehetha na lyoba lya Yehoba ⁵ Mingonga na makamwila bikebyo bya kala mu ngila ya baje bakaku linga bya bunyengwe; uje woshe ya thzema mwonyo wendi napande ku tuma ku byumebi. ⁶ Nangula mwamike ngila ije ya na oande kwendelamo, mangana ni ngwe na kolo cho ka katha ku tenguluka ku chilonngetha chije. ^{7 8} Baka kufuka baka thwana ali banje tuutu chona uje woshe yaku kumuna a kapa ndungo ya uje muka kukumitha. Uje ya kuba bubi cho nendi a ka teja kayando chojo na chibanthzi cha matoto endi chikahwa. ⁹ Uje woshe yali na lisho lya ku thzema kwana baka mu kwithula, mwafwa ikeye a ka lipangela likende lyendi na baje baka kujeneka. ¹⁰ Sheka uje muka ku shendu muna bakwabo, chobene una cheke na kulijokota; chojo na bimata na kulishaula binahu. ¹¹ Uje ya thzema ku kala na mbunge ya ibwa cho na uje yendeka majwi a ngethzi, uje wangachije cho akapwa kabuthamba ka mwene. ¹² Mesho a Yehoba a ka talelela a kuthzubuka, olojo a ka nyongetha majwi a uje muka makuli. ¹³ Uje munu muka bulwa a kendeka ngwendi,'' muli ndumba mu ngila! anji thsiya umona ngwe uji tuukila anja.'' ¹⁴ Kanwa ka chikwithzi cha munakathzi kanapu mbulu ya kuloba; kuka ija kuli woshe uje ya ka lyambila mu mbulu ije. ¹⁵ Bulema bukebwo bukebwo bukashulu mu mbunge ya mwanike, oloni chibanthzi cha ku mweiyala manene. ¹⁶ Uje woshe ya ka yandetha tuutu ngechi a fuke ikeye, indi ngechi ane kuli baje bana fuku laja, cho ikeye bene na kapwoni wa kuutwa. ¹⁷ Tela litwi lyobe na ku tolilila ku majwi a baka maana na kwaka mbunge yobe ku kuthzubuka kwange, ¹⁸ mwafwa chikapwa cha chibwa manene kuli yobe umona ngwe ubi nyunga bwino mukati kobe umona ngwe byoshe bikala bya ku bwahetha bwino laja a tunwa twobe. ¹⁹ Akulinga ngwenge uukulahele muli Yehoba, njili na ku kulongethabyo lelo bene — kuli yobe bene. ²⁰ Kumani yange ku njakuthonekelele biththimuthiya maumi a tatu bya bilongetha na kuthzibuka , ²¹ kuku longetha buthunga muli awa majwi a buthunga, managa watwe kwana ku kumbulula kwa chili kuli boshe banje ba ku tuma? ²² Unatha kunyanyamena kautu akakulinga napu kautu, indi nambe kubetwetha uje wa ku jeneka nemana ku chikolo, ²³ mwafwa Yehoba a ka bemanenako na kuba batwila na`nda yabo, chojo ikeye a ka nyeka mwonyo kuli boshe baje bana ba nyanyamenene. <sup>24</sup> Kethi ulikwate buthamba na munu wa matoto cholalo kethi wende amo na munu uje wa ku lubala lubala, <sup>25</sup> kutewa no uli lingethako katumbameno kendi na ku likotanganya. <sup>26</sup> Kethi utabe kukala chikulahetho cha ku fwetelaho munu mukuli wendi. <sup>27</sup> Mwafwa ngwe monowa ku fweta cho chuma muka chichi mwonowetha kwija wa kwambata nambe bulili bwobe buje uwa lalaho? <sup>28</sup> Kethi a ka shwenyethe life limanya lya ku than`ulu life bashimbi kile baishweni kupwa chimwetho cha nginga. ²⁹ Una mono munu wa butongwe mu chipangi chendi? a kemana ku mesho a bimyene; ka kemana ku mesho a banu ngocho embwe.