¹ Kengeni, njili nakutuma muluwa wanga, akanji bwahethela ngila yange thimbu kanda njiye. Cho Shukulu, uje imuli nakushaketha, akatholomoka na kwija mu tembele yendi, Cho muluwa wa chikmiyo muli uje mwabwahelelamo, kengeni, akaija," ngwendi Yehoba wa mpau. ² Oloni iyajo akatha kuthimpa alitangwa lya kwija kwendi? Iyajo a katha kukemana omwo aka sholoka? Omo akapwa ngwe tuhya twa kulutengo na mulola wa kukushithsa. ³ Cho akatumbama ngwe lutengo lwa kubwabetha siliba, cho akabwahetha bana babanalume ba Lebiti. Aka babwahetha ngwe ngolinde na siliba, cho bakanena milambu yaku thungama kuli Yehoba. ⁴ Choni milambu yaba Yunda na baka Yelusalema ikapwa ya kumubwabetha Yehoba, ngwe mu matangwa akulaja, cho lalo ngwe mu myaka ya kunima. ⁵ "Cho njikamishwena na kukamisompetha cho bwathibwathi njikapwa mukaleo ali baka kupanda, baka bupangala, baje bakakulithinga mumakuli, na baje baka kuyandetha ba kabipangi mukba fweta nganyo yabo, na baje bakaku yandetha banuluwe babanakathzi na bana bathiwa, cho nakuli baje kubethi kutambwila mwamubwa bangethzi na baje kubethi kunjana kalemetha," ngwendi Yehoba wabu mpau. ⁶ "Omo yange, Yehoba, kunjekutenguluka embwe; nameme ngocho yobe kuku lwila wa Yakomba kubaku bihithile embwe. ⁷ Kutunda kumatangwa aba ishweni mwatenguluka kutunda kubilika byange cho ku mwabinyungile. Tengulukeni kuli yange, cho nange njitengulukila kuli yeni, "ngwendi Yehoba wa bumpau. "Oloni yeni mwendeka ngweni, 'Tutenguluka batijo?' ⁸ Kumani munu atha kwibila Njambi ndi? Okuni muli naku njibila. Oloni mwendeka ngweni, 'Bikajo twakwibila?' Mu chimo na mulikumi . ⁹ Mwathingwa na chithingo, omo muli na kunjibila, mu lifuti lyoshe. ¹⁰ Neneni chimo kulikumi mu njubi yaku nyungila bitenga bya Njambi,cho mangana mukale bya kulya mu njubo yange, cho njesekeni ololo muli echi," ngwendi Yehoba wabu mpau, umona ngwe yange kunja kamishokolwele binjanena bya mwilu nakumi chukumwina kwithi ali yeni, noho mukonwa mwela wakwakamo yoshe. ¹¹ Cho njikonowetha bije bikabihitha bimbuto byeni, cho linga mangana kethi baka bihithe bije bimukateje mu libu lyeni. Cho binyu bili mu mahya eni mangana kethi bibihye bushukwa bwayo, "ngwendi Yehoba wabu mpau. ¹² "Mafuti oshe akamithana kupwa mubakukwithula, omo mukakala mu lifuti lya kubwahelela," ngwendi Yehoba wabu mpau. ¹³ "Majwi obe ali yange anapu akukola," ngwendi Yehoba. "Oloni mwendeka ngweni, 'Bikajo tunendeka akati ketu kukengetha kuli yobe?" ¹⁴ Munendeka ngweni, 'Chinapu changocho ngocho kupangela Njambi. ¹⁵ Nganyo mukajo tuwanamo mukunyunga bya shaka nameme kwenda mubuthiwa ku mesho endi Yehoba wabe mpau? ¹⁶ Cho baje bamujujwa Yehoba bakendeka kuli uom na mukwabo. Yehoba wolokele na kubathzibilila, cho na mukanda waku banuka bauthonene ku mesho endi ali baje ba mujjwile Yehoba na kulemetha lithzina lyendi. ¹⁷ Cho bakapwa bange, "ngwendi Yehoba wabu mpau, "bakapwa bufuko bwange alitangwa lije linjika linga. Njikabathzibila ñeke, ngwe munu nathzibila ñeke munendi wa munalume uje aka mupangela. ¹⁸ Choni lalo akeoni mukathzubuka akati ka baka buthunga na baka bubi, akati kauje aka mulombo Njambi na uje kethi kumulomba.