¹ Oloni yeni batupilithitu oku kukambeyaya kunepu kweni. '' ² Umona mwe mwenowa kuthzibilila, nakwonowa kubijala mubimbunge byeni mangan mwane kushangatheka kulithzina lyange, ''ngwe Yehoba wabumpau, ''cho njikatuma chithingo kuli yenicho nyikathinga kukwithula cheni. Bushunga bene, Njina bathingi, mwafwa kumwayalelechikambeyeyo change mubimunge byeni. ³ Kengeni nyishaka kubayengulu bakukulwila beni, na kumikwila bufwati kubihanga byeni, bufwati kutunda kututhitu mukana kuchi kombelo cho akamwambatela kumolikanabyo. ⁴ Cho mukathzubuka ngweni njimatumu echi chikambeyeyo kuli yeni, cho mangana chikumiiyo change chikatwalelela na lebiti,'' ngwedi Yehoba wabampau. ^{5 7} Chikumiiyo change nendi chapwile cha monyo nakwoloka kulu, cho uja byanene lyoba lyonge, cho wakele namunjunju wa lithzina lyang. ⁶ Kunangula kwabuthunga kwakele mukanwa kendi, nabimo byahi byamakuli bawanene ha tunwa twendi .Cho wendele nange mukwoloka kulu na kulithingimika cho watengulwile bingila byabingi kutunda kububi. Omo kanwa kakapilithitu kanapande ku nyunga mana akuthzibukitha cho banu banapande kutambula kunangula kutunda kukonwa kendi,omo ikeye napu muluwa wa Yehoba wabumpau. ⁸ Oloni yobe wanatenguluka kutunda mungila yabusunga. Chowanena kuba tanukitha babangi mulonga wakunangula kwobe kwetheketha nalithiko. Unabiitha chikumiiyo chiiyalikumiiye na lebiti, ''ngwendi Yehoba wabumpau. ⁹ ''Cho lalo, njikakupanga kupwa bishwashwa na kumikehetha kumwesho abanu, mwafwa unonowa kunyunga bingila byange, oloni ukalimwetha kumesho abanu kwetheketha mu ukanongula.'' ¹⁰ Kutwethi tubana bamunu umondi? Kethi njambi watutongelendi? bikajo tujenekela kulikulaela umo nandoleme yendi, kushaula chikumiiyo chatate yetu? ¹¹ ba yunda kubakele nakulaelo. Byuma bya bunyegwe bya keke mu isalela namu Yelusalema. Omo ba Yunda banathilulula kuthzila cha kwoloka cha Yehoba Chije chathzanga cho nambata mwana wamunakathzi wa litandinda lya Njambi. ¹² Yehoba napande kubatukako kutunda ku tende ya yakoba munu uje akalingi echi, umo uje alinakutona kamulambu kuli Yehoba wabumpau. ¹³ Yobe lalo liga echi : Fwika mutula wa Yehoba na mithithzi na kulila na kubinjoka mwafwa achili kanda atenguluke nakukenga kumilambu nameme kuitambula nagothzi kutunda kuliboko lyobe. ¹⁴ Oloni wendeka ngwobe, '' mulonga wabikajo?'' mwafwa Yehoba wapwile mukaleo akati kobe na munakathzi wa mubwanike bwobe, uje washaku wa kulaelele, namene wapwile wapwile mukakathendo kobe na munakathzi wobe kupwa chikumiiyo. ¹⁵ Kabapangele kupwa umolika na mwela wa munthzinthime wendi ndi?choni bikajo wa mipangelele kupwa umolika? mwafwa wakele na kulomba batekulu kutunda kuli njambi. Cho ulinyunge yobe babenya mumunthzinthzime wobe, cho kethi ujeneke kupwa wakukulaela kuli munakathzi wobe wamu bwanike bwobe. '' ¹⁶ Omo yange ujathzida kulilukulula,''Ngwendi Yehoba, njami wa isalela, ''na umo uje afwika buthzalo bwendi mukulubala, '' ngwendi Yehoba wabumpau. ''Cho nyunga yobe babenga mu munthzi nthzime wobe cho kethi apwe wakujeneka kukala nalukulaelo. ¹⁷ Muna mutheyetha Yehoba na majwi eni. Oloni mwendeka gweni, ''Tunamutheyetha bali?mukwendeka ngweni, ''Woshe alinga bubi napu wamubwa mu bakebo,'' nameme ''kuthompetha cha Njambi chili kuli?''