¹ Lijwi lya Yehoba lyethzile kuli Yona lwa muchibali, nakwendeka ngwalyo, ² "Katuka, uye ku Ninibe, kuje kunganda ya kama manene, cho ukawambulule uje muthzimbu uja kukambeyeye." ³ Cho Yona wakatukile nakuya ku Ninibe, kwetheketha ki lijwi lya Yehoba. Ololo Ninibe yapwile nganda ya kama, yakwenda matangwa atatu. ⁴ Yona waputukile kukobela mu nganda cho anima ya bungethzi bwa litangwa limo wa tambakanenene kwendeka ngwendi, "Mumakumi awana amatangwa Ninibe bakaishandola." ⁵ Cho banu bamu Ninibe bakulaelele Njambi cho bambulwile majwi akulikela kulya. Cho boshe bathzalele buthzalo bwakulililamo, kutunda kuba kulunu nakweta kubabandondo. ⁶ Ololo muthzimbu wetele kuli mwene wamu Ninibe. Cho wemanene kutuna achitwamo chabu mwene,washulwile buthzalao wendi bwa bumwene, na kulifwika ikeye babenya buthzalo bwa kulililamo, na kutumbama mu lito. ⁷ Cho watumine majwi akulumbununa na kwendeka ngwendi, "Mu Ninibe, mubithzili bya mwene na ba twamena bendi ngwendi: 'Kethi mwechele woshowo munu nameme kathitu, nameme bimulu, kumakela a chuma chimo embwe. Becheleni kethi balye, nameme kunwa meema. ⁸ Oloni etheleni woshe munu na kathitu bapwe ba kufwika buthzalo bwaku lililamo cho becheleni balilile manene kuli Njambi. Echeleni woshe atenguluke kutunda ku bubibwendi na kutunda kubukalu buje buli mumaboko endi. ⁹ Iya athzubuka? Njambi amo alithinganyekela na kutengulula bithinganyeka byendi na kutengulula kutunda kubukalu bwa kutenuka cho mangana kethi tuka nyonge." ¹⁰ Njambi wamwene bilinga byabo bije bibatengulukile kutunda mu bingila bya bubi bwabo. Ngechoni Njambi watengulwile bithinganyeka byendi ali kashitiko kaje kendekele ngwendi abalingile, cho kakalingile.