¹ Cho yona walombele kuli Yehoba Njambi yendi oku oli mwimo lya ithi. ² Cho wendekele ngwedi, '' njatambakanene kuli Yehoba akati katuyondo twange cho wanjikumbulwile; kutunda mukalunga kabutsu njalilile bukwatho! wathzibile ujwi lyange. ³ Wanjumbila mwakuloba, mukati ka mbange ya kalunga ndoga, na mema amangi anjithzengelekele; na man`imba na mema eni oshe etile helu ali yange. ⁴ Cho njandekele ngwange, Banyendetha na kunjitunditha kimesho obe, kumani embwe njili nakukengetha lalo ku tembele yo yakuthzila. ⁵ Cho mema anyithzikiye nakunyithzengu luka kwetetha na muthingo yange; kuloba choshe chanjithzengulukile; mwila wamukalunga ndonga walithzengele ku mutwe wange. ⁶ Njaile kwithi kumashangumukilo amalundu; lifuti nabikolo bya bya mjithzikiiye myaka yoshe. kumani wanenele monyo wange ku utunditha mu chin, Yehoba, Jambi yange! ⁷ Omo monyo wange walethzumukile mukati muli yange ijakwanukile Yehoba, cho malombelo ange ethile kuch yobe, ku tembele yobe yakuthzila. ⁸ Bana kathingimiko kuli ba Njambi bakuneka kulumbunuka na kusembulula chikumiyo cha lukaelo ⁹ Oloni nwe muli yange, nyikamikombelela na lijwi lyakukukandelela; njika shulitha choije chinyalithingile. Kuyoboka kukeja kutunda kuli Yehoba!'' ¹⁰ Cho Yehoba wendekele kuli ithi omu shanje Yona, cho wamushanjelele ku nunda kulibu lya kuma.