¹ Njikemana ha mwela wange wa kunyunga na kulyaka ha kaposhi ka kumwena, cho njikakenga bwino njikamone bika bya kendeka kuli yange nomu njapande kutengulukila kutunda ku kuyayabala change. ² Yehoba wanjikumbulwile na kwendeka ngwendi, "Thoneka echi chimwetho, na kuthoneka mukujela ha bitale mangana ou atanga akathe kutewa. ³ Mwafwa echi chimwetho chinapu chahathimbu oyo njinangula cho njikambulula kunjikonowa embwe. Nambe chishwala, njibandamene. Mwafwa buthunga bene chakaija cho kutujuka. ⁴ Kenga! Umo ou akashaka kethi muli ikeye embwe nahwilila. Oloni uje wabuthunga ayoyela mu lukulahelo lwendi: ⁵ Mukemo bene, omwo binyu bikakwithi nambe ngocho munu wabimata kethi kutumbama hembo. Nalingitha milibu yendi kwama ngwe Shiyole; ngwe kuthsa, kethi kupwithamo embwe. Nakungulwila hamo mafuti oshe, cho nalikungulwila lya benya banu boshe. ⁶ Aba boshe kubakambata chithimo na kushendumuna, tuthau hali ikeye, ngwabo, 'Lamba kuli ou anakwakela kulema cha kukulahela ebi ku byethi byendi! Hathimbu ya kwenda halioni iukakela kulema cha kukulahetha chiuna mbata?' ⁷ Ou anakukushuma nkuma kakemana mukukathumuka, na baje bana kukuthzibitha lyoba kubakenduka ndi? Yobe ukapwa wakuyandelamo kuli bakebo. ⁸ Mwafwa unapukula banu babangi, fweto yoshe ya banu nakupanga nabu kenya ku lifuti, binganda, na boshe bakayoyelamo. ⁹ 'Lamba kuli owo akawanena ñambeko mu byuma bya bubi bya njubo yendi, cho atha kwaka bya lishwa lyendi kwilu aliyobole libenya kutunda mu liboko lya bubi.' ¹⁰ Unalibwahethela shwamwa ha njubo yobe kwitila mukubatulako banu babangi, cho unabulumuna ku mwonyo wobe. ¹¹ Mwafwa mamanya akalila kutunda mu chibumbulu, cho myalati ya biti ikabakumbulula ngwabo, ¹² ' Lubinda kuli ou akatungu nganda na maninga, nou akatumbika mbaka mu mathzilo.' ¹³ Kuchapwile cha kutunda kuli Yehoba wa mayongomena ngwabo banu bakapangele tuhya, cho mafuti akalijukitha changocho ndi? ¹⁴ Olojo lifuti baka lishulitha na mangana a bumpau bwa Yehoba omu meema akafwika tulunga ndonga. ¹⁵ 'Lubinda kuli ou athindiya bakwabo kunwa— usholola matoto nakumunenetha kupenda mangana ukenge ku bushelengwa bwabo.' ¹⁶ Bakakushulitha na shwamwa mu mwela wa bu mpau. Aha oni inapu thimbu yobe! Nwa, cho ukasholola bulima bwobe! Ije nganja ili muliboko lya Yehoba lya chilyo inakwija kuli yobe, cho kushauka chikafwika bu mpau bwobe. ' ¹⁷ Bukenya balingile ku Lembanoni buka ku lyana cho kunyongetha cha tuthitu chikakujajetha. Mwafwa unetila maninga a munu cho unapu na bukenga ha lifuti, binganda, na kuli boshe baka yoyelamo. ¹⁸ Ng'ambelo muka iukawanenamo mukupanga cha kushonga? Mwafwa mukakushonga na kushongo! Nameme chikubo cha kufula chifwa, mulongethi wa makuli; Mwafwa muka kupanga akakulahela ocho chanapanga omwo atenga aba tumponya bakujeneka kulema. ¹⁹ Lubinda kuli ou akendeka ku chiti ngwendi, 'Induka!' Nameme ku limanya lya kwoloka ngwendi, Imana!' Ebi byuma bikalongetha nkuma? Kenga, banachifwiki na ngolinde na siliva, oloni kumwethi kuhwima muli chikecho, ²⁰ Oloni Yehoba ali mu tembele yendi ya kuthzila! Oloka kulu ku mesho endi, obe lifuti lyoshe."