¹ Lubinda lwakama kuli baje baka ku tumba kulinga bya bibi, kuli baje baka kuyongola kulinga bya bibi oku banalala a malili abo. Chojo nechi ba ka chilingi muje mu lyethzi lya mutondo mwafwa bali laja na nthzili. ² Bashaka ku kala na mahya chojo bali nonelewo; bashaka binjubo cho ba lyambatelabyo. Bayandetha munu na njubo yendi, munu na naanga yendi. ³ Ngechibene Yehoba endeka ngachije ngendi, " Kengeni, njilyoni na bithinganyeka bya ku nena kayando kakama ali ou muyati bene ou okoni ku mwatha nameme kuli chakunu namo. Cho kumukende mu kulyaletha yeni babenya lalo enbwe, mwafwa ipwa thimbu ya ibi bene manene kuli yeni. ⁴ Chojo mu litangwa lije banu baka mwimbila mwatho wa kumithzibitha chikela na kulinyenga na mbimbi ya buthiwa bwa kama. Ngechi ba kaimboni ngwabo, "Yetu ba Isalela chili bene tuna nyongo njwa, Yehoba nalumuna bufuko bwa banu bange. Aba tunditha bationi kuli yange? Na tu tambula mahyetu na ku ana kuli baje ba ka kufwenda bunyungu!" ⁵ Cho na chifwechi, yeni banu ba kufuka ku mu ka kaloni na miyati ije iikapangela lije lifuti mu mbunga ya Yehoba. ⁶ "Kethi musholwele chimweja, "baje tupolofita babo bendeka ngocho. "Kubapandele kusholwela chimweja ebi byuma ebi; mwafwa shwamwa kuituwana yetu." ⁷ Cho chili bene chinathiwa kwendeka, yobe njubo ya Yakomba, ngwabo, Kumani sipilitu ya Yehoba una jukoni ku bandamena tai ndi" Kumani chili bene ebi bilinga byendi bene tai ndi? Kumani majwi ange kuethi kulinga bya bibwa kuli uje woshe mukaku linga mwa mubwa tai ind? ⁸ Chojo ololo banu bange ba nemanoni ngwe uje chitothzi. Mu shulula mukanjo, buje buthzalo kuli baje bali na kwita kwa kujeneka kutanekeya, ngwoni baje mathwalale bali na kutunda kuthzita nakuya kuje ba thinganyeka ngwabo kukekwo kukwethi ng'ole. ⁹ Katukeni Muka tunditha banakathzi ba banu bange mu bi njubo byabo bya bibwa, mu tunditha bubwa bwange muli baje bana babo baba ndondo mu myaka yoshe. ¹⁰ Katukeni muye, mwafwa uno kethi mwela mu munatha kuhwimina embwe, a mulonga wa kufwala kwawo; chojo woshe bana u nyongetha njwa. ¹¹ Cho umononi ngwe munu umo aija kuli yeni mu chifwa cha kulikwitha na kwendeka bishaki ngwendi, "Nji sholola chimweja kuli yeni ngwange binyu na bwala bili thala kuli yeni, "cho uje munu wa kufwa ngachije ba mwambata kupwa kapolofita uje ya na bapande bakebo banu aba. ¹² Chojo chilibene njikami kungulwila mu baboshe amolika, Yakomba. Cho chilibene njika kunga mathalela a Isalela. Cho njikanena hamolika ngwe tununu mu butanga, ngwe butanga mukati ka muje baka lila mwila. Chojo kukakala miyoyo ya kama a mulonga wa kutuma kwa banu. ¹³ Chojo munu umo uje ya kaba shokwelelako chikolo a ka libanga ku lutwe lwabo. Cho baka tuba chikolo na kutuuka; na mwene yabo a kaya kulutwe lwabo. Yehoba ikeye bene a ka kala kulutwe lwabo.