¹ Eli likelyo lijwi lya Shukulu lije lyethzile kuli Mika wa kuMoleshethi mu tangwa a ba Jonathani , Ahazi , na Hazekia , bimyene ba mu Yunda , bije bya mwene bya pandama ku Samaliya na Yelusalema. ² Tolilileni ,eni banu boshe . Tolilila , kaye, na bije byoshe bili muli yeni. Shukulu Njambi akale yikeye mukaleo a miyitha yeni, ikeye bene mwene kutunda kuje ku njubo yendi ya kuthzila . ³ Kengeni , Shukulu aka tuwuka mumwela wendi ; a ka shuluka na kwenda a myela ya kumbalu ya athi . ⁴ Malundu aka thangunuka mwithi yendi; mingulunga ya kutaboka, ngechi mwa sela ili kuyeyi na tuya , ngechi mwa mema mu ketikila mu bimbongo . ⁵ Ebi byoshe mwafwa ya bubi kwa Yakomba, na mwafwa ya bubi bwa njubo Isalela. Kuma ku biyitha mukajo kwa Yakomba? Kuma kethi Samaliya ndi? Indi myela ya kuluka muka ya Yunda? Kuma kethi Yelusalema ndi? ⁶ Njikapwitha Samaliya mutumbo wa byuma bina biya mushata, mutambela waku kuna miti ya mibinyu, cho njiketila mamanya endi mu mungulunga cho na kushitula malubula endi. ⁷ Bije bya kushonga shonga byendi byoshe baka pokothzoka a andondo a andondo, na mabwana endi oshe a akatambula akenya na tuya , cho njika nyongetha tumponya bendi boshe. Omwoni mabwana endi wa atambwile kufweto ya bikwithzi, akapwa fweto ya bikwithzi lalo." ⁸ Mwafwa wechi njika yayabala na kulila mbimbi; njikenda mendimendi na busheleshele ; njikalila mbimbi ngwe bimbanje na kulila bukwikwi ngwe makwika. ⁹ Mwafwa mbandu yendi kuyatha kubukiwa, mwafwa inete ku Yunda. Inete a chikolo cha banu bange, ku Yelusalema. ¹⁰ Kethi mu byendeke ku Ngathi; kethi mulile nambe kamandondo. Ku Mbethe Leyafula nji lyalanga mu likungu. ¹¹ Eni mwakala mu Shafile , mubusheleshele bweni na shwamwa , tubakaneni. Eni mwatunga mu Zanani kethi mutuwukemo. Mbethi Ezeli bali na kulila , mwafwa kukwethi akaija naku mikwatha. ¹² Banu ba tunga mu Malothi bandameneni muthzimbu waubwa na kuli jakamena. mwafwa bukalu buneyija kutunda kuli Njambi kuy kubikolo bya Yelusalema. ¹³ Eni mwakala mu nganda ya Lakishe , kutililile bimulu beni ku makalu . Yeni , baka Lakishi , mwa shangumukile kulinga bubi na baana ba banakathzi ba mu Siyone , omu bubi bwa mu Isalela ba buwanene muli yeni . ¹⁴ Cho yeni ololo mukana ma bwana a kuli thaletha ku baka Moleshethi Ngathi ; binjubo bya mu Akizibi ku baka tambula bimyene ba mu Isalela. ¹⁵ Nji kami nenela lalo muka ku myatha , eni banu ba mu Malesha; bubwa bwa mu Isalela bu kayija ku Andulami. Teuleni mitwe yeni na kukamba bing'ambu byeni mwafwa ya baana beni ba mwa thzema. ¹⁶ Liteuleni mabula ngwe bingonga, mwafwa wa baana beni ba mwa thzema ololo bakatunda kuli yeni baka batwala mu bunthzinda.