¹ Shukulu wendekele kuli Mosesa na kwendeka ngwendi, ² '''Endeka ku banu ba Isalela cho endeka kuli bakebo ngwobe, ' Ali woshe alithinga chithingo cha ku limanena kuli Shukulu , pangetheni byetheketho ebi. ³ Chetheketho cheni cha kulimanena kuli wamunalume kutunda a makumi abali na kweta a makumi atanu na limo ya myaka ya kuthemuka ipwe mashekulu makumi atanu a siliva, anima ya shekulu ya kuthzila . ⁴ Kuli wa munakathzi wa myaka imo ya kuthemuka chetheketho cheni chipwe mashekulu makumi atatu. ⁵ Kutunda a myaka itanu kweta a myaka makumi a bali a myaka ya kuthemuka chetheketho cheni chakulimanena ku wa munalume chipwe mashekulu makumi a bali ,cho kuwa munakathzi mashekulu likumi limo. ⁶ Kutunda a ngonde imo ya kuthemuka kweta na abyaka itanu chetheketho cheni chakulimanena ku wa munalume ipwe mashekulu atanu a siliva , cho ku wamunakathzi mashekulu a siliva atatu . ⁷ Kushangumuka a myaka makumi atanu na limo ya kuthemuka na kwakelao ku wamunalume chetheketho chapande kupwa likumi limo na mashekulu atanu , cho ku wamunakathzi mashekulu likumi limo. ⁸ Oloni oshe uje munu na kulaethele katha kufweta chithze chetheketho, cho uje munu ya kulaethele kwana na pande ku mwetetha kuli kapulisitu,cho kapulisitu etheketha uje munu na chije chetheketho cha kulaethele kwatha kwana. ⁹ Oshe nge chikulaetho cha kwana chapwile kathitu uje ya tambula Shukulu, chilama chili choshe cha kathitu uje aniwa kuli Shukulu chipwa cha kujela. ¹⁰ Uje munu kethi a mwingithe nambe kwanenamo weka wa mubwa muli wa mubi, nambe wa mubi muli wa mubwa.Oshe engitha kathitu umo muli mukwabo, boshe uje wa kulibanga na uje nengimo bapwa ba kujela. ¹¹ Nameme ngocho , oshe chije cha bwana cha kwana kuli Shukulu kethi cha kujela, chije Shukulu katha ku chitambula, cho oni uje munu atwale uje kathitu kuli kapulisitu. ¹² Kapulisitu a ka mwakela ndando iliko ya uje kathitu athimbu ije. Yoshe oyo ndando kapulisitu a aka ya uje kathitu, ikeyo ipwa ndando ya uje kathitu. ¹³ Oshe ibenyaye ashaka kwilwitha, cho akaleo cha muchitanu cha ya ije ndando ya uje kathitu. ¹⁴ Oshe munu a ana njubo yendi kupwa bwana bwa kathzila kuli Shukulu, cho oni kapulisitu a ka aka ndando ya ibwa nambe ya ibi. Yoshe oyo ndando kapulisitu a aka, ikeye ikapwa ndando. ¹⁵ Oloni oshe ibenya uje a ana njubo yendi ashaka ku ilwitha ipwe yendi, natela kwakelao cha muchitanu cha ndando a ku ilwitha, cho ikapwa yendi. ¹⁶ Oshe munu ana mbathzubwila ya libu lyendi, cho ndando ya lije libu yetheketha na bwingi bwa mbuto ikuniwao - kilo imo ya mbale ika pwitha mashekulu a siliba makumi atanu. ¹⁷ Oshe ana libu lyendi muthimbu ya mwaka wa kubwaelela, cho kwaka cha ndando ku chi kalako. ¹⁸ Oloni oshe ana liya lyendi anima ya mwaka wa kubwaelela, cho kapulisitu ake ndando ya lije liya kwetheketha mu myaka ya thalako kweta a mwaka ukwabo wa kubwaelela, cho na ndando yalyo ilukamwithi. ¹⁹ Oshe uje munu na ana lije liya ashakaku lilwitha lipwe lyendi lalo, cho natela kwakelao cha muchitanu cha ije ndando, cho lipwa lyendi. ²⁰ Oshe kethi na kwilwitha lije liya,nambe oshe na lilandetha lije liya ku munu weka, ka kalyatha ku ka lilwitha lalo. ²¹ Oloni, umona lije liya alyana mumwaka wa ku bwaelela, likapwa bwana bwa kujela kuli Shukulu, chipwa ngwe lije liya na lyana lyoshe kuli Shukulu. Likapwa lya kapulisitu . ²² Oshe munalume a shakula kwana liya lije alandele, oloni lije liya kethi mbathzubwila ya libu lya naanga, ²³ cho kapulisitu aka ndando kweta na kumwaka wa kubwaelela, cho uje munu napande kufweta ndando ya lije liya a litangwa lije ngwe bwana bwa kuthzela kuli Shukulu . ²⁴ Mumwaka wa ku bwaelela, liya likeluka kuli uje munalume wa lilandethele, kuli ibenya libu. ²⁵ Bindando byoshe byapande kubyaka mukwetheketha na kulema kwa shekulu ya kuthzila. ²⁶ Kukwethi na umo a kana ntwatwa akati ka tuthitu, omu oni ntwatwa wapwa laja wa kuli Shukulu; apwe ngombe nambe manga,wa Shukulu. ²⁷ Oshe ngwe kathitu wa kweneka kujela, cho ibenya atha kumulanda a ndando iba mwakeleo, cho cha muchitanu cha ndando achakeleo andando. Oshe uje kathitu ku ba mulandele kuli ibenyaye, cho ba mulandethe a ndando i ba naka. ^{28 29} Oloni kukwethi chije munalume ana kuli Shukulu,kubije byoshe byali nabyo,nambe munu nambe kathitu,nambe libu lya naanga yendi , yatha kulandethiwa nambe kwilwithiwa. Byoshe bije ba lambula kuli Shukulu binapu bya jela manene. Kukwethi ndando ya kufweta kuthokola munu naniwa ku kumuthsiya . Munu uje natela kumuthsiya . ³⁰ Bwana bwoshe bwa cha mulikumi bwa lifuti , nambe ipwe bimbuto bya mumaya nambe bushuka bwa kumiti , bya Shukulu. Bya kujela kuli Shukulu . ³¹ Oshe munalume ashaka kwilwitha cha mulikumi chendi , akeleo cha muchitanu cha ndando yacho . ³² Ngechi wa mu bulikumi woshe wa butanga bwa bingombe nambe bimaanga, boshe baje kanyungi atanda,wa bulikumi natela aniwe kuli Shukulu . ³³ Kanyungi kethi ashakule kathitu wa mubwa nambe wa mubi,cho lalo engithe umo a mukwabo.Oshe nge engithao,cho boshe ou nengio na uje wa kulibanga bapwa ba kuthzila. Kathiwa ku mwilwitha.'" ³⁴ Awa akewo mashiko Shukulu anene kuli Mosesa a lilundu lya Sinai abanu ba Isalela .