¹ Yehoba, anuka bije binalingiwa kuli yetu; kenga nakumona kushauka kwetu. ² Bufuko bwetu buli mumaboko aba ngethzi; balita ndinda bali nakuyoyoyela mu binjubo byetu. ³ Tunapu oni tubithiwa, bakujeneka ishetu, naba inetu banapu ngwe batuliwe. ⁴ Tunapande kufweta siliva ha mema tuli na kunwa, cho nawa tunapande kufweta siliva hakulanda bitale bya kwota. ⁵ Baje bali nakwija hanima bali kuyehi netu; tunajuka menene cho nathimbu yakuhwima yahi. ⁶ Tunalyana yetu babenya ku Ingitu na ku Asiliya mangana twathe kuwana byakulya bya kupwithamo. ⁷ Ba ishetu balingile bubi, oloni boshe banathsi, cho ololo tuli na kuyandelamo mwafwa bwa bubi bwabo. ⁸ Bindungo bali nakutushwana, cho nambe umo atha kutupatulula kumaboko abo wahi. ⁹ Tukawana byakulya ha kwaka myonyo yetu mu bushonde, mwafwa wa mukwale mu ndinda. ¹⁰ Bikonde byetu binashaluka manene ngwe tuhya mwafwa wakutwima kwa njala. ¹¹ Balingile bubi na banakathzi ba Siyone, na bambanda baba thzike mu binganda bya mu Yunda. ¹² Ba myata banaba shukika na maboko abo babenya, kubethi na kusholwetha kathingimiko ku bakulunu betu. ¹³ Bakwenje betu bali nakubathindiya kutwa tiliku na lilolwa, cho banike babanalume bali nakupelyangela na bitele bya kulema bya bitale. ¹⁴ Bakulunu banathethze kutumama ku chikolo cha nganda, na bakwenje banechela kwimba myatho yabo. ¹⁵ Kubwahelela kwabi mbunge byetu kunatundu na kukina kwetu kunalumuka kulila chetu. ¹⁶ Muchama unau kutunda ku mutwe wetu; kupaya chetu, omwo twalingi bubi! ¹⁷ Bimbunge byetu binabinji, omo mesho etu kuwatha kumona. ¹⁸ Omwo munkinda wa Siyone uli lika mungundu, na bimbanja lika bali na kwendelamo. ¹⁹ Oloni yobe, Shukulu, wayula ku myaka yoshe, cho yobe ukatumbama ha litanda lyobe myaka na myaka. ²⁰ Mwafwa bikajo unatwibalela ngachije? Mwafwa bikajo unatuthethzela ngachije thimbu yakama ya matangwa obe? ²¹ Twilwithe kuli yobe babenya, Yehoba, cho tukeluka. Alumuna matangwa etu apwe amaha ngechi muwapwile kulaja— ²² kumani unatubyanenena bene na kulubala kwobe kuchethi naha chithikithila.