¹ Nganda ije yakele yakushula na banu ololo oni yatumbama yoshe likalyayo. Ipwoni ngwe nuluwe wa munakathyzi, nameme lyakele lifuti lya kuhyana. Wakele mwana wa mwene wa munakathzi akati ka mafuti oshe, oloni napwoni wakuthindiya mubundungo. ² Akalili na kukalumuka mathsiki, na mathothzi endi akafwiki chiponthzi chendi. Naumo wahi wabithzango bendi bakamuthzembelekako. Ba buthamba bendi boshe banamuyengula. Baneja nakupwoni bakabitothzi bendi. ³ Yunda nayoni mubundungo hanima ya kumuyandetha na bipangi bya kama. Wayoyela akati ka mafuti na kuwana kwonowa kuhwima. Boshe bamukabangeyeye wamuwanenene muje mwaila bukalu bwendi. ⁴ Matapalo amu Ziyoni ali nakulila mwafwa naumo wahi aijamo kubilika banenika. Bilolo byendi byoshe byatsekothzoka. Na tupilisitu bendi banalishoshomwena. Ba kwenje naba mbanda bali natuyando, cho nendi babenya, ali nakumona bukalu. ⁵ Baka ng'ole bendi banapwoni bashukwaina bendi; bithonthzi bendi banapwoni bakuhyana. Yehoba na muyandetha mulonga wa bubi bwendi bwabwingi. Bana bendi babandondo banakobela mubundungo kubaka ng'ole bendi. ⁶ Bubwa bwa muthethza mwana wamunakathzi wamu Ziyoni. Bana bendi babumwene baneja nakupwa ngwe kathitu ndeya uje nonowa mwila wakulya ku mesho auje alinakubasheka. ⁷ Mumathathi akuyanda chendi nakujeneka limbo, Yelusalema ikanuka kubwaha kwa chikwama chendi chije chakele nacho kumathathi akunima. Omo banu bendi bawila mu maboko abakang'ole naumo wahi amukwatha. Bakang'ole bachimwene na kubwengumuna kuwa chendi. ⁸ Yelusalema yakele na bubi manene, mukemoni, naija nakupwa wabunyengwe ngwe chuma chibana liula. Boshe baje bamuthingimikile ololoni banamushaula omo banamono amishelengwa yendi. Ali nakubinjoka amishelengwa na kwetetha kutengulukila kweka. ⁹ Naija nakupwa wa mathzilo mwithi lya chifunga chendi. Kathinganyekele bya kulutwe kwendi embwe. Walikomokelele. Kukwakele umo wakuthzembelekako wahi. Walilile ngwendi, "Kengeni tuyando, twange, Yehoba, omo bitonthzi banaija mubwingi," ¹⁰ Baka ng'ole banaka maboko abo ha bikwama bya bibwa byetu byoshe. Nabamono mafuti akobela muchithzila chendi nameme ngocho wabakambeyeye ngwabo kubapandele kukobela muchela cha chikungulukilo embwe. ¹¹ Boshe banu bendi balishoshomwenene muje mubaile nakushakethzeka likende. Babanene chikwama chabo chachibwa ku bya kulya mangana banyunge kuyoya chabo. ¹² Chinapu changocho kuli yobe, kuli boshe unetikondi? Kenga na kumona ngwe kuli umo ali na buthiwa ngwe buthiwa buje buli nakuyandetha ali yange, omo Yehoba mwanjimikile alithathi lya kutewetha bukalu bwendi. ¹³ Watumine tuhya kutunda mwilu mubithsiha byange, nakubipathzothzola. Najangumuna bwanda kumendi ange na kunjitengulula kunjilwitha kunima. Nanjipanga kupwa wakuchekengeya na kuthzeya. ¹⁴ Bithzila byange banabikwata amolika na liboko lyendi. Banabitongo amolika na kubyaka athingo yange. Walingithile binthzili byange kwonowa kukala na binthzili. Shukulu nanjana mumaboko abo, cho kunjatha kwimana embwe. ¹⁵ Shukulu nabalumbilitha boshe banalume baje banjameneneko. Cho nathana kachikungulukilo chakulwa na banu bange bakuhyana. Shukulu nalyatangela ou mwana wa munakathzi wamu Yunda ngwe chije bakakamwinamo binyu. ¹⁶ Hali ebi byuma njikalili, mesho ange akashulu namithothzi; mwfawa muka kunjithzembeleka ali kulako nange, ikeye uje akanyungu mwonyo wange. Bana bange bathala likalyabo mwafwa bitonthzi banji lyana. ¹⁷ Ziyoni najangumuna maboko endi manene; naumo wahi wakuthzembeleka. Yehoba wakambeyeye baje banathzenguluka Yakoba kupwa baka ng'ole bendi. Yelusalema inapu chuma chimo cha mathzilo kuli bakebo. ¹⁸ Yehoba apwa wakujela, omo yange njalumbilitha chikambeyo chendi. Thzibilileni, yeni banu boshe, na kumona buthiwa bwange. Bana babandondo babanakathzi naba babanulume na banu bange bakuhyana banai mubundungo. ¹⁹ Njathanene babuthamba bange, oloni bakele na makuli akunjikwitha kukenga ali yange. Tupilisitu na bakulunu bange banyongelele munganda, athimbu bakele nakushakethzeka bya kulya bya kunyunga myonyo yabo. ²⁰ Kenga, Yehoba, mwafwa njili mu luyando; mwimo lyange muli nakuchulula, mbunge yange ili nakupinda mukati kange, mwafwa njinapu wakukala na kuyandetha manene. Haja, moko ya mukwale ili na buthiwa; mukati ka njubo muli lika kuthsa. ²¹ Banathzibi kwonena kwange, olojo naumo wai wakunjithzembeleka. Bitonthzi bange boshe banathzibi bukalu bwange, nabakebo bana bwaelela ngwabo unachipanga. Unanena lithathi lije wambulwile; ololo becheleni bapwe ngwe yange. ²² Echeleni boshe baka bubi babo beje kumesho obe, lwa nabo ngwe muje muwalwile nange mwafwa mulonga watuyando twange twoshe. Mibijo yange inatumu na mbunge yange ina lethzumuka.