¹ Ili ngitape shiwi lyandi kuli ba Lesa; ili ngita pe shiwi lyandi kuli ba Lesa, na ba LLesa ba ngufwa nebo. ² Mushiku sha mafya nali fwaile ba Shikulu, ne bushiku nali mishe amaboko angi, na yo taya nakile, ne mutima wandi walikene ukutalala. ³ Eli na totokenye pali ba Lesa eli na pemashike, eli na totokenye pa bo nali nakwike. ⁴ Ulenga amenso yandi ukwisuka; nali ne bwafya bwa kulanda. ⁵ Nali languluke pa nshiku sha kale, pa pindi paita akale. ⁶ Mu shinta ya bushiku na lekwibukisha ulwimbo ulo nali kwimba. Eli na ibukisha ne kucengila ne kwesha ukwishiba findo citilwe. ⁷ Bushe na Shikulu bali ne ku kaninina neo umuyayaya? Bushe taba kanange na kabili nebo uluse. ⁸ Bushe icipangano ca lucetekelo caba umuyayaya? Ne cipangano cakwe ca filwa umuyayaya? ⁹ Bushe ba Lesa balaba ukuba ne cikuku? Bushe ubukali bwabo ebwalesha uluse? ¹⁰ Nalabile, "uku eku ilishanya kwandi: Ukuboko kwa kulyo ukulolekeshapo ukwa mukulu wa peulu pali fwe." ¹¹ Sombi nebo na kulu mkwibukisha imicito yenu, ba Yawe, na kutotokanya pa micito isuma mwacitile akale. ¹² Na kula ibukisha imicito obe onse ne kupitulukamo muli ye. ¹³ ne sshila shen, ba Lesa, shiswetelele; tulubinshi twinga palakanya kuli ba Lesa ba cindeme. ¹⁴ Ni mwe ba Lesa aba citefipesha mano; nimwe mu musokolola ukukosa ku bantu benu. ¹⁵ Mupela abantu benu ukucifya ku makosa yenu na ba kamufyalwa ba kwa Yakobo naba kwa yosefu. ¹⁶ Ne menshi yala mibona, ba Lesa; na menshi yala mibona, eli yala sakamana; eli ne kupengesha. ¹⁷ Ne makumbi ya ponena pa menshi; ne kumbi mwiulu lya pela ishiwi. ¹⁸ Ne shiwi lya cilulumo lya lyufwike mu cilalei; eli ne lubuto lwa sanike pa sonde, eli ne calo ca sokana ne kuteta. ¹⁹ We wa yabwishi aya ama nika, sombi ama kasa obe teya kuboneka. ²⁰ Mwa tungukwile abantu benu koti mukuni mu ma boko akwa Mosesi na Alonni.