¹ Ba Lesa abena balilipangi ukwishibikwa mu Yuda; eli ne shina lyabo lyali lumbwike mu Isilaeli. ² Ne sakwe shabo shali mu salemu; ne mwa kwikala ni mu Ziyoni. ³ Peka palya alyonawila imifwi ya lunweno, ne kwela, ne pango, ne fimbi ifyanso fya bulwi. ⁴ ube bengesima tutu ne kuli sokolola mu bukata bobe, ngefyo mwa bonekele pa lupili, apo mwa ipail umulwani. ⁵ Abashilika aba abali aba kali, bali ponene mu tulo sana. Bonse aba bulwi bali aba shikwetepo. ⁶ Mu bukali bwabo, ba lesa bakwa Yakobo, bonse tongulishi na ba kabalwe ba ponene mu tulo sana. ⁷ Mwe, ina mwe, muli ba kutina; ina ni uwinge makana kuli mwe nga mwakalipa? ⁸ Ukufuma kwiulu wali pangile ubupingushi; ne calo ca sakamana ca talala na kelele. ⁹ Eli mwe, ba Lesa, mwaima ne kuputula ubupingushi ne kupokolola abasulwa pano calo. ¹⁰ Ica cine ubukali bwa bupingushi bobe pa bantu buketa uku ku lumbanya; mu icingilila mwebene kuli fifyo fya ku kusofya bukalibwenu. ¹¹ Pangeni filayo kuli ba Yawe ba Lesa benu ne ku fisunga. Eli bonse aba ba shinguluka balete ifya bupe kuli ye uyo uli wa kutina. ¹² Ena ala putula umupashi wa mwana wa mfumu; ema ala tinwa na ku mfumu shapa calo.