¹ Mube abankumbu kuli nebo , mweba lesa , mube abankumbu kuli nebo, pakuti mfisame muli mwebo mpaka aya maposho apita. ndekata panshi amapindo anu pakuncingilila mpaka ukonaulwa kwapita. ² Nkalila kuli lesa abali apasuntukile , kuli ba lesa , abo abancitila ifintu fonse. ³ Bakatuma ukufwa ukufuma kwiulu nekumpulusha baliba kuli babo abo aba ntabala. ⁴ Umweo wandi uli pakati ka nkatamu ; ndi pakati ka babo abali bambi bambile ukungonaula , ndi pakati ka bantu abo abali nemeno imifwi kabili amafumo. kabili abo abali nelindimi isha mpoko kabili ishitwile. ⁵ Mube aba kusuntulwa , mweba lesa , peulu lya maulu; ⁶ Batandabalika isumbu pa makasa yandi nali uwa ku tompokelwa.balitulile ubucinda kuntanshi yandi bo abene abaponenamo pakati ka ciko! ⁷ Umutima wandi washikimana ,mweba lesa umutima wandi washikimana. nkemba ukumulumbanyeni, ⁸ Bukaima wemutima wandi uucindikilwe buka ima, wemutolilo nebe sela ; ndi nekubuka ukwima pakuci. ⁹ Nkapela ukutota kuli mwebo, shikulu, pa kati ka bantu ; nkamba ukulumbanya kuli mwebo pakati ka mishobno. ¹⁰ Pakuti ukukula kwa butemwe bwenu ubuta bufilwapo, ukufika na kumaulu . kabili nekucetekelwa kwenu ukufika kuma kumbi. ¹¹ Mube abakusuntwilwa, mweba lesa, peulu lya maulu . nga busunulwe ubuleme bwenu ukucila icalo conse.