¹ Beleleni ionkumbu kuli nebo, mweba lesa, pakuti abantu balensonsomba ! akasuba konse abo aba le ndwisha balacita kutinaulwa. ² Aba lwani bandi bala nyantaula akasuba konse; pakuti bali abengi mukulitota kwabo balalwa ukungalukila. ³ Ili nebo natina . nkabika ukucetekela kwandi muli mwebo. ⁴ Muli ba lesa uyo uuli neshiwi ili ndumbanya - muli ba lesa emo mbika ukucetekela kwandi nshikatinapo , findo umuntu ulukoso engacita kuli nebo? ⁵ Akasuba konse balapilibula amashiwi yandi ; amalangulushi abo boinse ukungalukila pacibipile. ⁶ Balalibunganyo pamo abene , balalifisa abene kabili bala londa intampulo shandi babapembele aba mweo wandi. ⁷ Mwibaleka babutuke nokucita icibipile , babwesheni panshi mubukali bwenu, mweba lesa. ⁸ Mulapenda ukulubaila kwandi nokubika umunsonsho wandi mumusupakala wenu ; kanshi tailipo muli buku lyenu? ⁹ Pamo abalwani bandi bakaluluka pakasuba ako nketa kuli mwebo ; ici ecinjishi ati ba lesa bali bandi . ¹⁰ Muli ba lesa - abo bali neshiwi ilindumbanya , muli ba lesa _ abo abali neshiwi ilindumbanya . ¹¹ Muli ba lesa emo ncetekela nshikatinapo . findo uuli onse engacita kuli nebo? ¹² Umulilo uwakwisushisha ukulaya kwandi kuli mwebo kuli pali nebo mweba lesa : nkapela ubupe bwa kutota kuli mwebo. ¹³ Pakuti mwapulusha umweo wandi ukufuma kumfwa ; mwalama amakasayanji ukufuma kukupona pakweba ati ningenda kuntanshi yaba lesa mutuba kwabali ne mweo.